سلام عليكم 
قصيدهـ أعجبتــنـي لكنـ للآسفـ لليوم ماقدرت اعرف من كاتبـها
إسمـها
_(الإنهيــار)_
بــعد فتره من غيابكـ .. ليه بالله اتصلتي؟
من ثلاث شهور شللي رجعك يعني وصار؟
منتي عشتي كل هالفتره ولا حتى سألتــي
وش حصل هالحين قولي علميني بإختصار
ليه دام انك رجعتي اليوم ليه اصلا رحلتي؟
يعني الدعوه بكيفك او مزاجيه صغار
والا يمكن صار لك حاجه بعقلك وانهبلتي
وانقلب وضع العلاقه من علوه لإنحدار
والا ماصدقتي اني اعشقك حتى ثقلتي
او كلام الليل فعلا معك يمحيه النهاار
يوم قررتي بليا سابق انذار اعتزلتي
جااحدتني كن مالي دور في صنع القرار
وادري انك لاصملتي في قراراتك صملتي
ماتردك دمعتين وكسر خااطر واعتذار
احتملت اللي لو انك في مكاني ما احتملتي
والله لو اني عرفتك ماعرفت الانهيار
انكسار وضيق صدر ومشكله لامن زعلتي
وان رضيتي فالمصيبه ضيق صدر وانكسار
ضعت مدري وش اسوي فيك لكنك وصلتي
مرحله خلتني انسى كبريائي والقاار
مثل الاسطوره ..واظنك من خلال اسمي دخلتي
صفحة التاريخ ..لكن كنتي اسطورة دماار
مجرمة حب وقتلتيني ولو انك ماقتلتي
يكفي اني قمت احس برغبتي في الانتحار
كلما اذكر كلامك لي على الجوال قلتــي
كل واحد في طريقه ..لي مسار ولك مساار
اذكر اني سااكت وقتها يومك قفلتي
وماادريت الا وانا افك الزرار
والقط انفااسي وانا اسألـ ..ليه ياروحي فشلتي؟
كانت اول تجربه معقوله اسأت الإختيار
..افترقنا واعتقد من بعد فرقااي انشغلتي
وافتكرتيني بعد ماجار وقتك واستدار
اتصلتي تسأليني.. كيف حالك ؟
وانتشلتي جثتي من قبل اموت من القهر والانتظار
ايه انا في خير ..لكن ودي اعرف وش نلتي
من سوااتك لاضربتي بعشرتي عرض الجداار
بس انا في نار عشيت وتهت من يووومك رحلتي
حتى في لحظة كتابة هالقصيده عشت ناار
عندما غبتي ثلاث شهوور ماحتى سألتي
قلت أجل آن الأوان ويفترض سدل الستار
وقبل لا اغمض عيوني وبثوااني اتصلتي
لجل تنعاد الحكايه وكن مابه شي صار ..!
----
وسلامتكــم ـهيع على فووكره تراا كتبتــها من حفظـي السموحه من شاعرها تسان آلفت فيها كلمه او كلمـتيـنـ 
14 Feb 2007, 11:02 PM
الإنــهيــار
رد: الإنــهيــار
العرض العادي
