[IMG][/IMG]

[IMG][/IMG]

كيفكم صبايا وشباب......... والله لكم وحشه في القلب يالشيون

خخخخخخخخخخ

بما إن عذاب منزله مسابقه ملقطه فيها جميع الأعضاء والمشرفين والمراقبين

حتى البياع معنى<<< مدري وش تبي عذاب بالبياع

خخخخخخ
قلت يا مشرف الغفله على قولة زركوشه الخبله
خخخخخخخخخخ
ليش ما تتدخل ذي المسابقه وتعطي نفسك الختم وتخلصنا من المواضيع المكرره اللي مالها داعي

ههههههه

مع إحترامي لكم نفـــــــــــر نفــــــــــــــــر

المهم هاللي حصل لي هذا قصه واقعيه 100%

حصلت لي في ايام الأختبارات الماضيه

مالكم بالطويله

ندش في الموضوووع دوووغري

عادة في ايام الأختبارات انتدب للمراقبه في المدارس الثانويه فزعه من إدارة التعليم للمدارس الأهليه

المهم ,,,,,

أنتدبت (( بضم الألف )) في مدرسه أهلية ثانويه

من المدارس الخمس نجووووم

فهمتو المدارس الخمس نجوووم ....... يعني عيال النعمه

عيال ........ آل ....... كملو عاد انتو<<< واحد خايف

المهم دخلت المدرسه وطبعا توجهت لمكنب المدير عشان اعرفه بنفسي وبطبيعة عملي في فترة الأختبارات

اول شي بغيت امحط على خشتي من حطيت رجلي على الرخام

ياهو يلمع كنه قزازه عيال اللذينا

الله يخلف على مدارس جنوب الرياض إذا خلص الدوام كنك طالع من مقبره

انواااع التراااب على بدنك

ههههههههه

المهم

صرت امشي بشويش اللين اتمرن على المشي على مثل هالنوع من الرخاااام <<<< قروي عاد وش اسوي

دخلت مكتب المدير ....... تقول داخل الشركه العربيه للعود

لعنبو بليسهم شككوني في نفسي احسب داخل صالة عرس من العووود وريحته اللي تشق الراس والكنب اللي عمر ابو نكس وولد الحمايل ما قعدو عليه

ههههههههه

المهم

كلفني المدير بالمراقبه على ثالث طبيعي

ودخلت القاعه ........ كني داخل مفروشات العبد اللطيف

الله يخلف على فصولنا ....... تخاف المروحه تطيح على قمة راسك وتروح شهيد الواجب

خخخخخخخخ

لا ....... لا يفوتكم انوااااع العطورااات كني داخل قزاز

كل شوي اوقف عند طالب واشم ريحته تهبل لعنبوهم

مو ريحتي ....... كنها قطو فاطس من اسبوع في شارع السويدي ولا لبن امه يشيله

هههههههههه

مع اني حاط عطر مدري وش اسمه بس شاريه غااالي

<<< اقول تلايط الله يرحم والديك

مر اليوم الأول وكني في حلم <<<< ماودي يخلص الأختبااار

بس تعرفووون حقدت على مدرستي حقد

هههههههههه

ويعدي اليوم الثاني على خير

وبين الفترتين قالي المشرف على الأختبارات .... بدال ما تطلع تفطر برا

عندنا بوفيه جرب افطر فيه يمكن يعجبك

دخلت البوفيه ........وقمت اسب والعن مقصف مدرستنا

هههههههه

صرت اشتري منه لولدي احمد

ههههههههههههههههه

اكل خمس نجوووم وربي ........ صار ولدي يحتريني هو وامه عشان يفطرووون من بوفيه المدرسه اللي اجيبه معي

ههههههههه

قرووووووووووووووووووووووي

تعرفت على شباب زي العسل صارو يباشرون علي

طبعا كله ذا عشان ارخي لهم الحبل عشان يغشوووون

بس انا مطنش ....... صرت مثل قطو المطبخ أكل وانكر

هههههههههههه

متعلم النذاله منكم الله يسلمكم

المهم

جلس معنا واحد في البوفيه (( انا والطلبه الهاي هاي ))

واحد ماهضمته ولا بربع ريال

دمه اثقل من وزن ولد الحمايل الدوبي

هههههههه

وصار يتميلح

انا طنشته

ودخلنا الفتره الثانيه

كانت المادة توحيد 3 ط

وزعت الأسئله وتوني مخلص توزيع ........ إلا واسمع واحد يقوووول

السؤال الثالث علمني وشو<<< هذا اللي دمه ثقيل

يقولها بصوووت عااالي ........ العن ام التزليب

جيت وقلت له يابن الحلال خل عيونك في الورقه << شديد

قالي سم استاذ اسف

قلت في نفسي ......... ايه انا اوريك يا جنط

ومرت ربع ساعه

ويقووول

السؤال الثالث وشو

رجعت وقلت له

وأخرتها معك يعني

وللمره الثانيه اعتذر ......... مشيتها له <<< اي هين

وبعد 5 دقايق

كرر نفس السالفه

واجي وانا ماشي طبلوني واسحب ذاك الجلنط عنده

واسحب ورقته

وهو يطالعني بنص عين ....... يعني من تحت لتحت

العن ام الأستحقار

المشكله اللي معي يراقب مدرس فلسطيني من نفس المدرسه

ولا كنه يشوف شي <<<< فاقع مرارة اهلي والله

المهم

سحبت ورقته

وقلت له بتكمل إختبارك وانت محترم ولا مسكتك الجاده

عاااااااااد تعرفوني إذا عصبت ماعرف المدير من الفراش

هههههههههههه

تدرون وش رد علي

قال بكل برووود // اعصابك استاذ لا يطق فيك عرق
قلت له // تعال معي بغير مكانك

قال // ماني قايم من مكاني

قلت // لا بتقوم ولا سويت لك محضر غش واطردك برا القاعه
انا التفت على الطلبه وكن على رؤسهم الطير

طايره بوهتهم

وبعد اصرار مني على تغير مكانه

قام ويرفس الطاوله برجله ....... بيني وبينكم تحسفت على الطاوله

احسن من طاولة مدير مدرستي

ههههههههههه

واحطه في ربعه واقعد قبااااله

وخليت اللجنه كلها اللي يبي يغش يغش

بس بيني وبينكم ولا واحد تجرء يغش ..... الكل في حااله

وسحبت كرسي واقعد قباااله

ويلتفت علي ويقووول

انت جاي تراقب علي انا بس ؟؟

قلت وبكل برووود و فيها شيء من الوقاحه ايه (( نعم ))

المهم

الولد غطا قلمه ولا كتب حرف واحد

عاااد انا غبي المفروض اشوف اسمه

بس الله أعماني عن اسمه

مر نص الوقت

ويجيب المشرف حقهم ورقة تسليم الأجابات

قلت له ها خلصت

قال ايه (( نعم ))

قلت طيب اكتب شي ........ كسر خاطري من جد

قالي مالك شغل هات الورقه خلني اطلع

قلت تفضل

ويوقع قدام اسمه

وانا اللي تطقني أم الركب

تدروووون وش طلع

الله يرحمك يا ويفي كان طيب

طلع اسمه

خالد بن ........ آل .......... <<< اكمل الفراغ بما هو مناسب

مو خالد نكس

لا لا لا لا لا لا لا لا

اكبر منه بمرااااااااااااااااااحل

يوم عطاني ورقة الإجابه قالي بلها واشرب مويتهاااااا

عاااد انا تمالكت نفسي وقلت

نبلهاااا ليش لا ونشرب مويتهاااا ليش لا

مادة توحيد ونعتبرها قراااايه<<< ابوووك يالمفهي:36_1_48:

المهم خلصت اللجنه وأطير على المدير واعلمه بالسالفه

وجلس يضحك قهرني والله

وقالي انت طحت فيه

قلت وش الدبره الحين ابي ابوووووي ابي اميييييييي

شوي واصيح عنده

هههههههههههه

قال المدير // ما عليك انا اكلمه

قلت // انا ما علي منك انا ابي اروووح لعياااالي

عااد ذا اليوم كنت شاري من البوفيه لهم وجبة فطووور محترمه

خخخخخخخخخخخخخ

قال ارقد و آمن

قلت // والله مدري عنك

المهم طلعت من القصر اقصد المدرسه وانا اتلفت حووولي

لا ومسوس فيها ولد نعمه ملبق سيارتي جنب سياراتهم تقوول ملبق جنب سيارات الموكب الملكي

هههههههههه

قلت للمدير كلمه الله يرحم والديك على الجوال خله يجي واعتذر منه

قال // خله يوووووولي ما عليك منه

يؤ يؤ يؤ

خله يولي انت ما تعرف منو ذا الله يرجك

قال وشو

قلت الله يهديك بس <<<< احسب نفسي في منتدى محشش

خخخخخخخخ

قال // بكلمه بكره الصبح بس انت توكل على الله

واطلع وانا اتلفت وراي

ومن بكره ويجي الحبيب ومعه 6 دواليب ناويني الله لا يعوق بشر

ويكلمهم وهو يناظرني ويشاور علي

يالله صباح خير

اشوى وشوي ويجي المدير ويسحبه لمكتبه

وكنه هدا شوي

واروح للمدير قلت له لا عااااااااد تحطني في لجنته ابد
ولا اللجنه اللي جنبه بعد

والحمد لله عدت الأيام على خير

وش رايكم يا شباب وصبايا

لو انت مكاني وش بتسوي ؟؟؟

ارجو منكم الإجابه على السؤال بكل صراااحه

اخوووووكم,,,,