بعد الفقر حطت شريحه وجوال ** يسعد مسا جوالهـا iiوالشريحـه
كانت تجيني تشتكي قلة المال ** وتصيح لاجا طـاري الفقرصيحـه
تقول ابويه دايم الدوم رحال ** وامي كبيـره سـن دايـم iiطريحـه
وانت الوحيد اللي لك القب ميال ** دايم يصارحني وانا له iiصريحه
طفله وانا معشوقها بين الاطفال ** جريح حب وطاح له في جريحه
كنا سوى نرسم على التربه امال** وأحلام تقتلها الحياه iiالشحيحـه
كم دمعةٍ كانت على الخد تنهال ** واذا نزلت ضاقت عليّ iiالفسيحـه
الله كم صرخه..وهمسه.. وموال ** الله كم جادت علينـا iiالقريحـه
الله كم بيتٍ كتبناه يختال ** واقول انا (عبـدالله) وانتـي( iiمليحـه)
نخيل لوماف السما برق وخيال ** وانكذب الايـام لوهـي iiصحيحـه
تقول لاحطيت لك بشت وعقال ** وسخّرلك الرحمن عيشه مريحـه
اخاف تتركني على عثرة الفال ** للفقر ووجيـه الحيـاه iiالقبيحـه
وحبيتها بين الخلايق والازوال ** حبٍ يطول الوقت محـدٍ iiيزيحـه
وسلمتها قلبٍ تباريه الاهوال ** وطاح الخفوق . وطيحة القب طيحه
راحت وخلتني مع القيل والقال ** شاعر صواريف الدهر iiتستبيحـه
ودار الزمان وغير الحال بالحال ** وجاها الزمان بكل ورده iiوشيحه
فلة ..وخدامه.. ولكزس.وجوال** وانا عجزت ادفع رسوم iiالشريحه
*****************


تحياتي للجميع

يعطيك العافية على الخواطر بسبب الجوال

يعطيك العافيه

اخوي

الف شكر لك