مرحبا

حيا الله عشاااق الشعر

اليوم قريت هالقصيده

ماتصدقون وش كثر اثرت فيني لاني ماتوقعت الحب

ينقلب لكره لهالدرجه ,,,,

اخليكم مع القصيده وبشوف رايكم

مع الشاعر حق والا لا؟؟؟

ثلاث سنين وانا اخطط لهذا اليوم يابو سعود
تيسر حالي وجاهز اوفي وعدي بوقته
وفجأه جتني تتعذر تقول تأخرت الوعود
وانا مستغرب واسمع كأني وعدها خنته
حسبت انها تمازحني وتتصنع جفى وصدود
ضحكت بوجهها من قلب مع انها بايخه النكته
وقالت ارضى بالواقع قلب ماهو لمعهود
تغير كل شي صوبك نصيبي مااضن انته
كنت بيوم محبوبي ولاكن مااضن انعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعقود
ترى ماخنتك بغفله ولا كلمته وشفته
صراحه اهلي قالولي بأنه ولد اصل وجود
وجتني امه بالصوره وبكلمات المدح اخته
سكت وقلت لي فرصه مدام الجود في الموجود
وقالوا كل من حولي علامات الرضى سكته
وانا فكرة دام امه واخته ماعليهم زود
اكيد اني براضيهم اذا وافقت واخترته
واراضي اهلي واخواني مدام انه الفرح مقصود
عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود
اوافق واعتذر باكر واقول الراي غيرته
تبي تشرحلي المنقود تصدق عاد يابو سعود
تبيني اقتنع وارضى بحالن عمري ماعشته
انا ماني بقايلها عسى يفرش ثراها ورود
بعد ماحطمت قلبي وطعن الموت جربته
عسى ابفستانها اشواك وفي ثوبه عقارب سود
ونار تحرق الكوشه وتحرق بيتكم حته
وموتٍ بليلة الدخله يبرد حرتي ياكود
ولا احس انها بحضنه يلامس خد لامسته
علي اهون اذا ماتو ولا بنفس السرير ارقود
ترى صعبن علي اتخيل اللي ماتخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنة عديم الذات تلوع كبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
يعلقهم من اطرافه وفوقه نار وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردت فعل والله ابشري بردود
بدعي دامني حي وبغرس للدعى نبته
وبسقيها نزيف القلب ودمعن مارحم الخدود
وتكبر والثمر ثاري من اللي خانني وصنته
انا نذرن علي اكتب وفًجر هالقصيد ارعود
وأسمع كل بشر صوتي عجبته ولازعلته
واردد للي يسمعني اذا حبيت حط حدود
انا حبيت دون حدود وشوف اللي تكبدته
ثلاث سنين انا ابني وجت صوره بكل برود
خذت مني شقى عمري وحلمن قلت حققته
ثلاث سنين انا اخطط لهذا اليوم يابو سعود
وتوافق من كلام اخته وصوره اربعه بسته



انتظركم ياغلااااااااي

بنت الشيـــــوخ

،، السلام عليكم ،،

وااااي رووعه مره القصيده ،،

يمكن فيه سبب لتركها له فاذا كان كذا فمعها حق!!
أما اذا تركته كذا عشانه تأخر عليها فأنا أشوف انه
هو معاه الحق وصح لسانه باللي قاله ...

سلمت يمين اللي نقله لنا ....
مشكووووره بنت الشيوخ على القصيده الأكثر من رائعه ...

أختك :: عـــ الأمــل ــشــق ..

هلاوغلا حبيبتي

اشكر لك ردك


وتشريفك ياخلفهم,,,

كلمات روعة على فكرة انا عندي هالقصيدة
بمقطع صوتي والقاء بصوت رائع وطريقة مبدعة
انا بعد تأثرت مثلج يا بنت الشيوخ
واللي يبي المقطع يقول لي بعطيه اياها
صج روعة وتستمع له مرات كثيرة
وشكرا على اختيارج الروعة مثلج
وتقبلي مروري

يابعد عمري تسلمين


ياليت تنزلينه هنا


متحمسه اسمعه

الله لايحرمني منك حبيبتي,,,

أبشري بنزل المقطع علشان خاطر بنت الشيوخ واللي يبيه ينزله ترى مقطع روعة
ان شاء الله يعجبكم


http://up.9q9q.net/up/index.php?f=Bd9MnLyZU

حبيبتي الملف مو راضي يشتغل

تعبتك معاي ياقلبي


يعطيك العافيه ,,,

يالله يالله يالله يالله روووووووووووعه هالقصيده

تسلم ايدك حبيبتي بنت الشيوخ

هلا غامض

اشكر لك حظورك,,,

بنت الشيوخ

دائما" راااائعه

الف شكر