قصيدة شاب رثى نفسه وتوفى بعدها بيومين """مؤثرة جداّ"""

محششة مزركشة · 28 Jan 2007, 12:22 PM

جـاني وانا في وسط ربعي ونـاسي
جـاني نشلنـي مثل ما يـنشل النـاس
منـي نشـل روح تـشـيل المــآسـي
تشكي من أيام الشقـى تشكي الياس
اثر الألـم في سـكرة الموت قـاسي
ما هالنـي مثله وانأ إنسـان حساس
جـابوا كفـن ابيـض مقاسـه مقاسـي
ولفوا بـه الجسم المحنط مع الـرأس
وشالوني أربع بالنعش !!!و متواسي
عليه ومغطى على جسمي !!البـاس
وصلــوا علـى وكلـهم فـي مـــآسـي
ربعـي ومعهم ناس من كل الأجناس
يــا كـيف سـوا عـقـبنـا تـاج راسـي
وأمي الحبيبة وش سوى بـها اليـاس
اسمـع صدى صوت يهز الرواسـي
قـولـوا لـها لا تلـطم الخـد يــا نـاس
قـولـوا لـها حـق وتـجرعـت كـاسي
لا تـحتـرق كل يبـي يـجرع الكـاس
أصبحت في قبري ولا به مواسي
واسمع قريـع نــعولـهم يـوم تنداس
مـن يـوم قفـوا حـل مـوثق لبــاسي
وعلى رد الـروح صوت بالأجراس
هـيكل غـريب وقـال ليـه التنـاسـي
صـوته رهيب وخلفه اثنين حراس
وقـف وقال إن كنت يا نمر نـاسي
هـاذي هـي أعمـالك تـقدم بـكـراس
ومن هول ما شفته وقف شعر راسي
وانهـارت أعصابي ولا أرد الأنفاس
يــا ليتنــي فـكـرت قـبل انـغمـاسـي
بـالغفلـة الـلي مـنتهـاهـا لـلإفـلاس
وفزيت من نومي على صوت ناسي
واصرخ وأقول الموت وأحذر الناس

**************************
توفي قائل القصيدة بعدها بيومين في حادث مروري

زيدان2006 · 28 Jan 2007, 05:20 PM

لاحول الله

يعطيك العافيه محششه

على النقل

ماحشش بس اعرف الف · 30 Jan 2007, 01:19 AM

الله يقطع بليسك زركووووشه ...

ضيقتي صدري ...

والله القصيده روعه

وكلمات موئثره وفي قمه الروعه ...

يعطيك العافيه .. على النقل ..

تقبلي مروري ...

اخوك ... انا ...

الاداري ..... الكيــــــــــوت ..

..

محششة مزركشة · 30 Jan 2007, 07:07 AM

يسلموووووووووووووو على المرور الحلو..

حتى انا والله تقطع قلبي عليه..

قصيدة شاب رثى نفسه وتوفى بعدها بيومين """مؤثرة جداّ"""

شعر و خواطر المحششين