السلام عليكم ورحمة الله وبركاته

شلونكم وشخباركم عساكم بخير وصحة وسلامة ..

طبعاً طرت على بالي هالفكرة وقلت ليش مانتشارك في طرح مشكلاتنا اللي تصادفنا في حياتنا اليومية ونتعاون في إيجاد الحلول المرضية لها ..

خصوصاً إني لاحظت وجود عدد كبير من الأعضاء المثقفين في منتدانا ويقدرون يفيدونا بآرائهم والباب مفتوح للجميع ..

راح ابتدي بالموضوع ونشوف الحلول الأنسب له وراح يكون الموضوع كمرشد للجميع لإيجاد مايرضيهم ..

فكرة الموضوع إن كل واحد يقول لنا موقف يمر عليه وشنو شعوره في لحظة وجوده بهالموقف وردة فعله والأعضاء يعطونا الحل المناسب لهالموقف .. سواء موقف مر عليك او على غيرك حتى لو كان موقف بالمنتدى مافي مشكلة ..

والحين باقولكم عن موقف واتمنى احصل حلول حلوهـ ..

كلفك أحد الأشخاص بمهمه ورضيت بإتمامها بصدر رحب وبعد ماخلصت منها قام هالشخص ونسبها له وأنت اللي تعبت فيها وانت طلعت من الباب الشرقي يعني ولا كأنك سويت شي ، شغلك راح في الهوى ..

شنو شعورك وشنو ردة فعلك خاصةً إذا كنت من الناس اللي تخجل من المطالبه بحقها ؟؟

بإنتظار آرائكم فهي تهمني ..

إختكم نبض المشاعر