•~•®«أبشركـمـ وجـهـ أحزانـيـ (ضحـكـ ) لـيـ «®•~

كلمات لو قلت عنها رائعه بقلل من شأنها
.
.
.
بس تدرين . . . انا عندي قناعه انه ما فيه الم او جرح او مشكله نمر فيها الا وفيها فوائد لنا
.
.
يعني تجربتك هذي صحيح مؤلمة لكن تعلمتي منها درس القليل من الناس يعرفونه , وحلو منك انك كتبتي هذه التجربه هنا حتى يستفيد منها غيرك
.
.
قبل فتره قابلت دكتوره سعودية مشهوره , قابلتها خارج المملكة
قصتها عجيبه . .
تزوج عليها زوجها وكانت تموت فيه وتعشقه
وتعرفين الألم اللي سببه لها بزواجه من الثانية
.
.
مهما قال لها أحبك لا يمكن تدخل هذ الكلمة قلبها

صارت حياتها نكد وهم , ما تقدر تتخيل كيف تعيش معه وهو يروح لغيرها

فكرت . . .

وقررت انها تكمل الدراسة وكانت ما خلصت المرحلة الابتدائية وعندها ست او خمس اطفال

واختارت انها تبتعد عنه , ومن كبر جرحها راحت خارج المملكة وبدت تدرس وتهتم بتعليم ابنائها في نفس الوقت

وخلصت المرحلة الابتدائية والمتوسطة والثانوية والجامعية , وكملت واخذت الماجستير والدكتوراه

قابلتها وكانت تشع نضارة وحيوية

لانها كانت امرأة قوية ,أنتصرت على المها وشقت طريقها في الحياة

و كانت تقول لي قصتها وفيها بعض الالم

فقلت لها يا دكتوره . . . . زواج زوجك من ثانية صحيح انه مؤلم . . . لكن هذا الالم هو سبب نجاحك في الحياة وهو اللي جعلك تصيرين اقوى واكبر

لأن وحدة غيرك يمكن تتركه وتبقى في بيت اهلها , او تكون اضعف وتجلس معه والألم يعتصر قلبها , لكن انتي اقوى وانتي اكبر

.
.
.
ليل البعد . . . أقولها لك بعد . . انتي أقوى وانتي اكبر

كلماتك مؤلمه

اعطيتيه اكثر مما يستحق

وهذا حال الكثير من البنات يعطون الحب لمن لا يستحقه

ثم يبكون لفراقه وبعده وخيانته

تدرين . . . انا اقول ان حبنا لربنا اولى

مهما نسانا الناس . . . الله ما ينسانا

والله بيعوضنا ويرزقنا اللي يحبنا مثل ما نحبه

أعجز عن شكرك لمشاركتنا تجربتك

ونتظر ابداعات جديده لكن بدون احزان

نبي ابداعك بعد ما رجع لك قلبك

ودمتي لمحبيك