يسعد مسا ثقل البنات العفيفات
اللي لعيون إخوانهن كانن الشوف
اللي يأبوهن شامخات وعزيزات
ودامن ما دام إخوانهن سد وصفوف
ما فكّرن بلباس غالي ونيرات
ولا خصّرن قدّام الأجانب نفنوف
مافرّعن وتبرجن كل الأوقات
إلا لمن يأمن عليهن من الخوف
بنات بيت أجواد ماهن رديات
وبالستر دايم بيت الأجواد معروف
ترفات عز و بالمعازيم قرمات
لاطبّت الوحده محل حافته حوف
تسمع بها سمع الفقر بالريالات
وتحلم بها حلم الغني براحة الجوف
متعلّمات وبالمواقف عسيرات
متثقفات وعلمهن دوم موصوف
يا حظ من فاز بحدا هالأميرات
ومستقبله من يمّها صار مكشوف
يشوف فيها الخير ومسامر الذات
يصرف ومعها ما يفكر بمصروف
ينام بين عيونها وكلها سكات
ويصحى على دعواتها وربه يروف
يسعد مسا طهر البنات العفيفات
نسمع وكلٍ بالستر ودّه يشوف
<البنــــــــــــــات>
العرض العادي
