اعلنها على الملأ... لن ابكي بعد اليوم ...

فراشه ورديه · 25 Nov 2006, 01:34 PM

كيفكمـ يا محششينـ بصراحه اعلنها صريحه لن ابكي بعد اليومـ

لأني أكتشفت شئ مهم وللأسف الشديد توني اعرفه

ألا وهو (الدنيا تافهه ما تسوى دمعه من دموعي ) والله ما فيه شئ يستهال اننا نبكي عليه حتى الموت حتى الفراق كل شئ

اكيد كلكم عليكم علامات تعجب وإستفهام كيف فرووووشه ولا تبكي وش اللي خلاها تنسى الدموع

امس رحت انا وامي نزور عمتي بالمستشفى

عمتي معاقه بس رجولها ما تحركها يعني عقلها سليم وتحرك يدينها عادي لكنها ما تقدر تمشي

طبعا امي دخلت قبلي وسلمت عليها والوضع عـــــــــــادي جدا ناس رايحين يزورون مريضه

عمتي قالت لامي روحي سلمي على المريضه اللي جنبي وحده مسكينه مسويه حادث من سنه وسبع شهور وحالتها حاله وأهلها زهقو من طول الوقت اللي ترقدت فيه وصارو ما يمرون عليها الا من اسبوع لأسبوع ............

طبعا كل هذا وانا ما بعد دخلت ......

يوم دخلت على عمتي وسلمت عليها سألتها عن امي وينها قالت تسلم على اللي جنبي روحي سلمي عليها ..........

طبعا انا بكل ثقه وروح اجتماعيه رحت و دخلت عليها ......وليتني ما دخلت ............

وش اشوف ؟؟؟؟

وحده مسكينه منسدحه ما يتحرك فيها شئ شلل رباعي وفيه فتحه برقبتها وصوتها يالله اسمعه والمغذي مركب بيدها وأظافرها ميته وشفيفها نــــــاشفه .....
وياااااااا الله منظر بحياتي ما شفته حتى لو جت صور معاقين بالtv
اغير ما اتحمل اشوفهم من جد موقف لا احسد عليه

وامي مقربه لمها وتسولف وعـــــــــادي الوضع ...

المهم انا لما شفتها ودمعتي خلاص بتنزل ومبتسمه علشان ما تحس اني خايفه او شئ وطبعا قربت لها وقلت سلامات ما تشوفين شر
ان شاء الله تقومين بالسلامه .......وانا حالتي صعبه وخلاص نزلت دمعتي طبعا طلعت من عندها ورحت لعمتي لقيت ابوي مبتسم ويطالع فيني يقول: شفتي شلون .... وعمتي تقول: والله اني يوم شفتها قلت الحمد لله اني اخدم نفسي بنفسي وما احتاج احد .......هنا انا خــــلاص طلعت برا وبديت ابكي بحراره
وغسلت وجهي ورجعت وكأن شئ لم يكن لقيتهم يتقهوون وضحك وعـــــــــادي وأمي جالسه عندها ما رجعت .....

جلست معاهم وانا افكر بالدنيا وتفاهتها وانه ما فيه شئ يسوى صحتي وان كل شئ مهما كان ما يستاهل هالدموع .......

المهم انتهت الزياره وقال ابوي يالله بنطلع روحي نادي امك .....

رحت دخلت مره ثانيه لقيتها تشكي لأمي من الممرضات وأنهم ما يتعاملون مها زين ......وأمي تسألها ما تقدرين تحركين أيدينك؟؟
قالت لا بس شوي وحركت كتفها ......

أنا بكيت وألتفت لقيت وحده حبشيه تخوف ....أهل البنت جايبينها تناظرها وتهتم فيها ......
المهم امي دعت لها وقالت الله يقومك بالسلامه لا تيئسين من رحمة الله ....الله قادر يردك مثل أول وأحسن لا تقطعين رجائك بالله والله ياجرك ويجعله تكفير لذنوبك ....وطلعت ...
انا كنت واقفه ورا أمي وأناظرها مبتسمة ولما طلعت امي نادتني اللي عندها قالت البنت تناديك ....رجعت لها قلت :طلبتي شئ قالت :سلامتك بس بسألك بتجون بكرى ......انا حسيت انها ملت من كثر الجلسه لوحدها ولأن اهلها ما يزورونها وتقطع قلبي من الحزن عليها ...المهم قلت لها ان شا الله بنزورك يوم الاثنين وطلعت وانا خلاص شبه منهاره من الصياح ....

ركبت السياره وامي ما تركت طاريها ...قالت لنا سالفتها وتفاجأت انها بنت عمرها 17سنه وكانت في البر وتسوق ومعها بنات في السياره وانقلبت فيهم وصحت لقت نفسها مدفونه بالأجهزه وحولها اهلها يبكون عليها ...

والله اني من رجعت من عندها وانا ابكي <<<وهذي آخر مره ابكي فيها

خلاص والله الموت ارحم ولا اني اصير بهالموقف

اعذروني على الاطاله بس حبيت انقل لكم الموقف كامل

بـــــــ اختكم ــــــــــــــــايــــــــــ فروووووووووشه ـــــــــــــــات

فراشه ورديه · 25 Nov 2006, 01:46 PM

اللهم متعنا بأسماعنا وابصارنا وقواتنا

اللهم اشفي مرضانا ومرضى المسلمين

لـعً ـيـوِنًـهِـآ · 25 Nov 2006, 01:49 PM

لا حول ولا قوة إلا بالله
والله يا أختي قصة روووعه
وان شاء الله هذي أخر مره تصحين

وان شاء الله يقمون بالسلامة

سـهى · 25 Nov 2006, 06:28 PM

ما فيه احلى من موضوع كذا >>>>>>>>>>اقصد قصة واقعية ويقول لنا صاحبها وش تعلم منها

موضوع ولا احلى

وفعلا الحياة ما تسوى ولا لحظة حزن نضيعها فيها

بس البكاء وااايد مفيد من نواحي مختلفة
وانه الواحد يكتم مشاعره مو شي جيد ويضر اكثر من انه ينفع>>>>>>واعرف قصص واقعية توكد على هالكلام
واااااااااااااااااايد تحمست الظاهر هههههههههههههههههههههههههههههههههههههههههه

Nks · 25 Nov 2006, 07:03 PM

00000ياااااااااااااااااااااالله0

والله انك كسرتي خاطري0

وعسى الكل يكون بطبع امك وطبعك وهذا واجب على كل مسلم0

والله انك كبرتي بعينى بعد هالقصه والله يبارك فيك اختى0

موضوعك مميز ويثبت0

دمتى بكل خير0

Wi Fi · 25 Nov 2006, 08:45 PM

يالله.............. فيه ناس بذي الدرجه

يرمووون بنتهم ولا يسألوووون عليهاااااااااا

وش صاااار في الدنياااااااااا ............ام قسوة الحياة علمتنا القسوه والجفااااااا

والله يا فراااااااشه.......... خنقتني العبره

الله المستعان على ما تصفين

اسأل الله الكريم رب العرش العظيم ان يشفيها
اسأل الله الكريم رب العرش العظيم ان يشفيها
اسأل الله الكريم رب العرش العظيم ان يشفيها

لا حول ولا قوة إلا بالله

محششة مزركشة · 26 Nov 2006, 07:32 AM

فروشة...يابعد الدنيا..احلى موضوع قريته في حياتي..

والله الدنيا هذه ماتسوى>>هذه حكمتي انا وشلتي الموقرة..

تستاهلين التثبيت والله..

اسأل الله الكريم رب العرش العظيم ان يشفيها

الله عافها واعفو عنها..