الله لايعيدها من كشتة...الغلطانة اللي تطلع معكم..

محششة مزركشة · 17 Nov 2006, 10:48 AM

هلا بكل المحششين..هذه قصتنا يوم طلعنا للبر..بقيادة الاستاذ نكس..

ابطال القصة:
نكس...ويفي...نجومة...عذوبة...راعي بلاوي...شبيه الجراح...زركوشة...سحوبة...زعيم المحششين...بنت
الشيوخ

×××××××××××××××××××××××××××××××××××××××××××××
جاء ويفي لنكس وقال:
ويفي:
وش رايك يانكس نطلع حنا السحالي حقين المنتدى كشته للبر....نغير جو....
نكس:
أوكي مافيه مشكله...بس من كم القطه..؟؟<<<<<هذا اللي همه الفلوس
ويفي:
خلاص انت خلنا نشوف الباقين وش يقولون بعدين نشوف القطه..كم بيقدرون عليه

في هاللحظه جاء أبو ايمن"جراح" هو وخشته مفهي يمشي ويسحب رجليه,,ويلعب بالسبحه... وقال لهم: هاه وش عندكم؟؟
وش قاعدين تقولون...هاااه تحشون فيني...<<<<<<<< وش يحشون وش يخلون انت مافيك اي شي صح....وجهك مكتوب عليه..احذر امامك تحويله....

نكس:
وش نحشك..اكبر همنا انت عشان نحش...,, كنا نقول ودنا نطلع للبر مع الاعضاء في قسم التحشيش العام....نغير جو الامتحانات..ذبحتنا ياشيخ..
جراح:
قدام.... عز الطلب والله....اروح اقول للعيال....؟؟<<<<<<<<مايصبر عن اللقافه

ويفي: اقول اصبر واركد بلا رجه... يالمرجوج...اصبر...

جراح: وش اصبر....اييييييييييييييييه انا عارف تلعب علي..تخاف اسبقك واعلمهم....<<<<<<قايلة لكم انه دلخ ومخه فاصل... هههههههههههههه

وراح جراح يركض و الجوال في يده...واتصل
راعي بلاوي..وزعيم المحششين...عذوبة...بنت الشيوخ...سحوبة...نجومة...زركوشة(انا)..

طبعا انا اقترحت عليهم نطلع للعاذرية عندنا في الرياض..وهم ما كذبوا خبر..على طول جوا للرياض..

وجمعنا القطه حقتنا..وحملنا عفشنا بالونيت الغماره حق جراح وتوكلنا على هالكريم<<<<<مسكييييين الدنيا ماشيه معه غلط...حتى السياره زي وجهه أمامها تحويلة

وبعد ماوصلنا طقينا خيامنا(وحدة للعيال ووحدة للبنات).ورتبنا اغراضنا..ووزعنا المهمات بيننا....اللي يشغل الماطور...واللي تجهز الحطب تشب
النار...واللي يفرش الخيمه من جوا وينزل فرشنا<<<<فرش جمع فراش وهو المرقد اللي يستخدم للنوم ...وهو عباره عن

مطرحه شالكي ومخدات عليها خرايط من السعابيل اثناء النوم...وبطانيات متعدده الالوان من اصفر واحمر..وبرتقالي واخضر....

حوار بين ويفي وبنت الشيوخ..
ويفي: متى العشاء...احس اني جوعااااااااااااااااااااااان

بنت الشيوخ: : ياشين توك متغدي من ساعتين...امداك تجوع !!؟...

ويفي:
يااختي وش اسوي عاد جعت...وبعدين تسمي رز بخاري مع دجاجه شوايه غداء؟؟..والا بتذيلني عشانك انت اللي مباشرة علي..

زعيم:الا وش رايك ياراعي نقول للباقين بكرة الصبح نروح نطعس..والله بننبسط.
ويفي:والله انها فكرة مهيب شينة..خلاص خل نستأذن من نكس اول>>اموت في الادب اللي جاء على غفلة!!!!

وفي الجهه الثانيه قاعدين جراح وراعي بلاوي في عالم ثاني...يسولفون ويقشمون حب<فصفص> وكل واحد منهم ينصب على الثاني..

جراح : اقول ياراعي لو اقولك شي تصدقني..؟وماتقول جراح كذاب...

راعي : وشوا قل ولاتكثر..؟

جراح ..تصدق مره طلعت للبر مع عيال عمي ويوم جاء الليل جونا ذيابه كثيراااات<<<<ابوووك يالاسلوب

وكل عيال عمي خافوا وطقتهم ام الركب..الا انا

راعي: لاياشيخ..وش سويت..؟؟

جراح :طلعت برى الخيمه ومعي العجراء حقتي...هذي العجراء خاصه لطلعات
البر...وقلت لهم ياشباب اربطوا عليكم باب الخيمه..وانا بطلع اتفاهم معهم...والله واطلع وامسكهم ذيب
ذيب..وامردغهم..واكوفنهم...لين عضوا الارض...وراحو وماعاد قربوا جهة مخيمنا...

راعي :يووووووووووووه ماشاء الله عليك جراحوه ...والله انك قوي..تصير صديقي..؟؟
وش رايك الليله تفرش فراشك جنبي عشان لو جونا ذيابه اقومك وافزع معك بعد..<<<<قمة التفاهه في السوالف

وفي جهه ثانيه نكس وعذوبة قاعدين يحطون جدول للطبخ..كل يوم على اثنين ..عليهم غداء وعشاء
وفطور..<<<على بالهم عشانهم الاشراف العام في المنتدى .. هم اللي يحطون الجدول والاوامر...حتى بالبر مسوين اداره...

طبعا انا وسحوبة ونجومة كنا نسوي العشاء>>ماشاء الله علينا سنعات..

قرروا الاعضاء انهم يلعبون بلوت<<<اصلا مالهم الا هي..والا كيرم خخخخخخخخخخخخخ

وتجمعوا " نكس...وزعيم المحششين...وبنت الشيوخ...وعذوبة..

انا وسحوبة ونجومة رحنا نضبط العشاء...

جراح :يعني مابقى الا انا وياك ياراعي <<<<<من سوء حظه والله

...تعال بس خل اكملك سواليفي.... ماقلتلك سالفتي يوم اورح انا وعيال خالي للصمان وش طلع لنا<<<<<<وش طلع بعد...فيل والا ديناصور.. هههههههههههههه

راعي :اقول ضف وجهك ياكثر هرجك انت والله انك قلق...أنا بروح عند الناربكتب لي قصيد...جت على بالي الحين

<<<<ياعيني ياعيني ياشاعري انت يا ابو الرومنسيه
جراح طاح وجهه مسكين والتفت يدور له على فريسه غير راعي عشان يقلب راسه بالبربره..بس مااحد عطاه وجه>>تحطييييييييييييييييييييييييم
المهم تعشينا ونمنا..

شوي الا نسمع ذاك الصوت....
آآووووووووووووووووووووووووو
آآووووووووووووووووووووووووو

سحوبة وش هالصوت..؟

نكس : الله العالم انه ذيب

جراح : وشوا ذيبه..وين جاء معه ذا..
زعيم :لا لالالالالا....احنا ماتفقنا على كذا الدعوى فيها ذيابه هونا اجل<<<هذولا التماسيح الرخوم كذا..

راعي : لاتخافون النقيب المعاصر ولد الحمايل معنا..تراه قوي مرررررررررره قد ذبح 6 ذيابه

جراح : منهو ذا؟؟

راعي : انت..من فيه نقيب معاصر غيرك...؟؟ مو تقولي انك ذبحتهم مدري مردغتهم يوم تروح مع عيال عمك...

جراح : الا..بس انا ماجبت معي العجراء حقتي..وبعدين امي عقب مادرت عن السالفه حلفت علي اني ما اكلم الذيابه ولا
احتك فيهم...اسمحوا لي شباب..

عذوبة : خلااااااااااااااااص خلونا نعرف ننوم ياقلق انت وياه..باب الخيمه مربوط...ماراح يجونكم..اخمدوا بس..<<<<اييييييييييه يالقوية

بعد ليلة طوووووووووووووويلة...قمنا وصلينا وافطرنا..واستعدينا للتطعيس..

اخذنا سيارتين..وحدة للبنات بقيادتي طبعا>>امووووووووووت في التطعيس..

والثانية يسوقها ويفي..

طلعنا لطعوس العاذرية..طبعا كنا متفقين التطعيس بالدور..يعني نص ساعة لكل واحد>>اوامر نكس..

الحين وصلنا للمهم..

كان الدور على جراح من العيال وعذوبة من البنات>>رحنا فيها..

وتنقلب السيارتين قلبة محترمة>>تقول كانت السيارتين يشتغلون في سيرك..

وما تشوفونا الا منثرين كأننا غرفتي اذا بغيت اروح لعزيمة>>انواااااااااااااااااااع الحوسة..

بس الحمد لله كانت اصابات طفيفة>>حسبي الله على ابليسكم ياجراحوه وعذوبة..وين قاعدين سباق سيارات..

الله لايعيدها من طلعة هئ هئ...

لأخذ العلم:هذه قصة خيالية من تأليفي حبيت اشرح فيها واقع الشباب ومايسويه الفراغ لهم..يعني يروحون للموت والضرر برجلينهم باسم الوناسة وتجربة شئ جديد..
شوفوا واحكموا..

هذه مشكلة يبغى لها حل..المفروض يكون فيه اماكن تستوعب الشباب..نوادي..ملاهي..حدايق..الخ

خلونا نعالج عقدة الشباب اللي هي..لافتة كبر جدي الوانها تفقع العيون(علشان مايتحججون ويقولون ماشفناها)مكتوب عليها:

ممنوع دخول الشباااااااااااااااااااااااااااااب...

تقبلوا تحياتي..

زركوشة

مستشارة إبليس · 17 Nov 2006, 11:01 AM

و الله شي الموضوع اهم شي ان الشباب مفروض يدورون لهم اماكن غير البر مفروض يطلعون الحدايق و المنتزهات تسلمين قلبو عالموضوع اللي زي خشتك<<اعرف ان خشتك مو حلوة بس امشي الحال وش اسوي<<امزح امزح لا تصدقين

محششة مزركشة · 17 Nov 2006, 11:03 AM

ههههههههههههههههههههههههههههههههههه

والله انك توحفة يا.....لاتخافين ماراح اقول اسمك ههههههههههههههههههههه

الحين انا اروح ارد على موضوعك وانت تجين هنا تردين على موضوعي..صدق توم وجيري هههههههههه

تسلمين يا الغلا على المرور..

مستشارة إبليس · 17 Nov 2006, 11:09 AM

ايه و الله انك صادقة نصلح لبعض<<غصب من عليك><

المهم صباح الخير و الفل و الياسمين و الجوري على كل سحالي المنتدى<<مفروض انه في الاهداءات بس عادي قلت خلني احطها هنا احسن

محششة مزركشة · 17 Nov 2006, 11:15 AM

يلا 2×1

تردين على موضوعي وتصبحين على البنات>>مخ اقتصادي هههههههههههههههه

سـهى · 17 Nov 2006, 11:34 AM

اذا عالجتي المشكلة منهو الي بيطلع للتطعيس بعدين هههههههههههههههههههههههههه

احساس قلب · 17 Nov 2006, 11:43 AM

اقتباس:

المشاركة الأصلية كتبت بواسطة محششة مزركشة

في هاللحظه جاء أبو ايمن"جراح" هو وخشته مفهي يمشي ويسحب رجليه,,ويلعب بالسبحه... وقال لهم: هاه وش عندكم؟؟
وش قاعدين تقولون...هاااه تحشون فيني...<<<<<<<< وش يحشون وش يخلون انت مافيك اي شي صح....وجهك مكتوب عليه..احذر امامك تحويله....

ختيـــره... وتقوولوون لــي ليــش تخاايــن منــه..

اشكـ انــه متضاارب مع ديب يمكــن اقووى من كـــذا..

بس وصفكـ خطيـــــر..

اقتباس:

المشاركة الأصلية كتبت بواسطة محششة مزركشة

نكس:
....نغير جو الامتحانات..

ليتني معكـــم

اقتباس:

المشاركة الأصلية كتبت بواسطة محششة مزركشة

ويفي:
يااختي وش اسوي عاد جعت...وبعدين تسمي رز بخاري مع دجاجه شوايه غداء؟؟..والا بتذلني عشانك انت اللي مباشرة علي..

اهــم شي تذلنــــي..

يسلمووووا عنووووني..

موضووعكـ مرهـ جوونــااان..

وكثيــر ما نتضاايق من وجوودهــم الله يساامحهم..

امزح خخخخخخخ..

دمتـــي..

Wi Fi · 17 Nov 2006, 12:00 PM

ابطال القصة:

نكس...ويفي...نجومة...عذوبة...راعي بلاوي...شبيه الجراح...زركوشة...سحوبة...زعيم المحششين...بنت
الشيوخ
والله الكشته المحترمه..............خخخخخخخخخخ

جاء ويفي لنكس وقال:

ويفي:
وش رايك يانكس نطلع حنا السحالي حقين المنتدى كشته للبر....نغير جو....
نكس:
أوكي مافيه مشكله...بس من كم القطه..؟؟<<<<<هذا اللي همه الفلوس
ويفي:
خلاص انت خلنا نشوف الباقين وش يقولون بعدين نشوف القطه..كم بيقدرون عليه
خخخخخخخخخخ.............. ما فيه إلا المترديه والنطيحه

هع هع هع هع

جراح:
قدام.... عز الطلب والله....اروح اقول للعيال....؟؟<<<<<<<<مايصبر عن اللقافهرجه .........من عرفته .........لا وجاينا لابس ...... الجنز الخطير حقه البرتقالي....... و فنيله علاق ..........لونها بنفسجي....... مدري هي لونها كذا ........ ولا من زمان ما غسلت

خخخخخخ........ عاد تعرفون العزوووبيه و طمالتهم وبرابيسهم

وبعد ماوصلنا طقينا خيامنا(وحدة للعيال ووحدة للبنات).ورتبنا اغراضنا..ووزعنا المهمات بيننا....اللي يشغل الماطور...واللي تجهز الحطب تشب
عاد ذي ......... انا راعيها....... حق كشتات واعرف وشلون يكون التخيم على اصوله

خخخخخخخخخ

مطرحه شالكي ومخدات عليها خرايط من السعابيل اثناء النوم...وبطانيات متعدده الالوان من اصفر واحمر..وبرتقالي واخضر....خخخخخخخخخخ......... هذي مخدة جراااحوووه.........لأن وجه كلها خدود

وسعابيله تصب صب وقت النوم..... بس عندي دواه ....... بركب له عوامه حقت مكيف صحراوي..........خخخخخخخخخخ

حوار بين ويفي وبنت الشيوخ..

ويفي: متى العشاء...احس اني جوعااااااااااااااااااااااان
خخخخخخخخخخخ...........من زين اكلها الحين......... طابخه لنا .........لحوح

خخخخخخخخ......... اكله لحجيه..... والله من زين الطبخ

جراح :طلعت برى الخيمه ومعي العجراء حقتي...هذي العجراء خاصه لطلعات

البر...وقلت لهم ياشباب اربطوا عليكم باب الخيمه..وانا بطلع اتفاهم معهم...والله واطلع وامسكهم ذيبفشلتنا ......... يا دووووب......... ياكثر نصب ذا الأدمي.........خخخخخخ

راعي :يووووووووووووه ماشاء الله عليك جراحوه ...والله انك قوي..تصير صديقي..؟؟وش هالرحله ......... ما فيهم واحد فاتح للعين........ كر كر كر كر

راعي :اقول ضف وجهك ياكثر هرجك انت والله انك قلق...أنا بروح عند الناربكتب لي قصيد...جت على بالي الحين

ايه ....... هذا طلبي اللي طلبته منك......... شعر في الصغيروون ولدي ..... صح

خخخخخخخخ...... واحد فاهم غلط

اخذنا سيارتين..وحدة للبنات بقيادتي طبعا>>امووووووووووت في التطعيسمن جنبهااااااا......... حدك تقشير بصل وتقطيع طماط ...........خخخخخخخخ

والله ........ تفقعت خشتي من الضحك ......... الله يرج بليسك

اثرك منتي سهله ..........يالعصلا

ولي رجعه ثانيه

محششة مزركشة · 17 Nov 2006, 12:28 PM

سهى>>مو لازم احد يطلع..والله انه يجيبون الضرر لنفسهم..

احساس>>ابد ولا يهمك المة الجاية كشتة خاصة علشانك..ولو خيتو كم حسحوسة عندنا..

ويفي>>ياخي ماتركت حدث ماعلقت عليه..هههههههههههههههههههههههههه وناوي ترجع بعد!!!وش بتكتب..بتألف كتاب ههههههههههههههههههه

وبعدين وش اللي حدي بصل؟؟؟بلاك ماشفتني وانا اسوق..تقول مايكل شوماخر مؤنث ههههههههههههههههههههههههه

تصدق من دخلت للمنتدى اول مرة احد يقول لي يالعصلا!!!!!

يسلمووووووووووووو جميعا على المرور الفللللللللللللللة

احلـ روز ـى · 17 Nov 2006, 01:14 PM

ههههههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههه
ورا مااخذتوني معكم

صراحه انك فله يامزركشه وبذات كذبة جراحوه والله عجيبه

روز