×× حسيت ببرود تمشي في اطرافي يوم سمعت هالكلمه ....××

عـــــذاب · 11 Nov 2006, 01:27 AM

السلام عليكم ورحمة الله وبركاته .......<< الكـــل يقوم ويرحب فينـــي ...

مســـــــاء الخير والبرد القارس مع دقت الخيام والسمــــر والقهوه اللي تدفي الحلوق وع ريحـــة دهن العود الطيب والبشوت الفرو واللثمات .......

تسيف الحال ؟ وشلونكم وشخباركم ؟ انا بخير الله يسلمكم ..

اشتقتوا لي !!!! ياحوووبي لكم حتـــى أنا إشتقت لكـــم ..
تحبوني !!!! ياحليلكم حـــــــتى انا احبكم وهـ بس الله لا يخلينـــي <<< بدت المصاله

.....

يالله تحيــــــــــــي الربع أسفرت وانورت ياهلا والله ياهلا .........<< قبل لا تدخلون إفسخوا نعالكم ..

بسم الله نبدء موضوعنا اللذيذ اللي كله ضــــــــد قيادة التماسيح المتهورين

هذا ما حدث لـــــــــي ....

أول شي بقولكم سالفه يمكن تضحكون و يمكن تتحمدن ربكم ......

المهم مره من المرات في الصبح بروح اسجل في الكليه ... ورحة اقوم اخوي الكسلان وقال ضفي وجهك مانيب فاضيلتس قلت نومه بلا قومه

ورحة لثاني اللي اصغر منه وقلت قوم ودي قال فارقي عني مشوار قلت بتقوم وإلا سطل المويه

في وجهك المهم قام ويتسحب ويغسل ويصلي ... شفته مطول ....... قلت بأخذ المفتاح واشغل السياره المهم ركبت مكان السواق ودخلت مفتاح السياره وشغلتها وجلست انتظر الباشا إلا ابو جيرانه طاره عيونه

يحسب الحريم يسوقون وانا فاطسه ضحك ع عيونه ... المهم يطلع الباشا و اغير مكاني وراكب جنبه وطبعآ يوم ركبيت ويشخط بأقوى ماعنده احاول اعد السيارات مااقدر كأنها نمل من سرعته لا ومن زود السرعه اكلت ذيك المطبه الله لايوريك والله مادريت عن نفسي إلا وانا لاصقه جبهتي في الفزاز اللي قدام

<< ياعمري انا ياكثر ما اتفلق

طبعـــآ عمره ( 18 ) وكان هذا سبباً وجيهاً لسيرنا في أزقه ضيقه ومظلمة لتفادي تفتيش الشرطة

ويوم طلعنا ع الشارع والتفتيش لقينا ثلاث شباب بغينا نصطدم بهم لولا رحمة الله أولاً ثم صوت " البوري " العالي ، تفاجأءت بأخوي يفتح الدريشه ويصب سيلاً من الشتائم القذرة والتفلات المتواصله ويلحقها بلعن متواصل ثم سمعت واحد من الشباب يقول لاخوي ياولد الحرام وحسيت ببرودة تمشي في أطرافي

ولقيت نفسي منزعجة ثم قلت له إستغفر!! وش هالكلام؟وطبعآ سكت اخوي وكانه ما يسمعني وبعدين عدينا بسلام تفاجاءت بسيارة طلعت علينا فجأة وتكرر المشهد نفسه

من سب وشتم بس هالمره رجال كبير عمره حول الثلاثين " اخوي في هذه الحالة يدخل في مسألة اخري وهي احترام الكبير ، وهنا الرجال ما قال شي بس رقمه بنظره بنصف عين وكأنه يقول : الحين مسوي لي فيها تسوق

؟! "وتمنيت لو أقول له " امسحها بوجهي " وذلك لأن الدم تصاعد إلى وجهي من الخجل الشديد وتحمدت الله في سري على أن سيارتنا مظلله وللأسف أنه للمرة الثالثة تكرر المشهد وهنا طفح الكيل !
كنا عند الاشاره وكانت مجموعة سيارات امامنا وننتظر الدور << تقول بنك مهوب إشاره

>>
ثم ولعت الاشاره خضره وهجوا الجميع حتى وصل دورنا صارت صفراء

وهنا توقفت شاحنه قدامنا ثم اخوي توقف فجاء ثم اللي ورانا قبع فينا بس قبعه خفيفه وهنا انا << بغيت امووت قهر >>والتفت اناظر لقيته شاب سعودي لا بس نظارات حاط يديه ع فمه و بانت معالم الرعب ع وجهه

ونزل اخي واسمعه يقول << بلعن خامسه >> ومسكته وقلت له امانه اخوي تعوذ من ابليس لا تعصب عليه<< عارفه ان اخوي متسطر وبيجيني منتوف ريشه

ثم التفت بشوف وش صار لقيتهم يسلمون ع بعض ويضحكون والسياره ما فيها إلا العافيه ....وهنا تحمدت ربي وعدا الموقف ع الخير ووصلت الكليه ولا قبلتني

بس يمدحون الواسطات

وبختم حديثي بقولي " وين أخلاق السائق؟"

أذكر أنني ركبت مع أختي وزوجها ، وكان – زوجها – كل ما مرت به سيارات يقول
في تضرع : " الله يهديه " .. " الله يصلحه " !وكنت أتمنى لو يعطي اخوي والمتهورين القليل من أخلاقه ! وللأسف أنهم كثر من منطلق " الشر يعم والخير يخص " ولكن هذا لا ينفي أبداً عدم وجود العكس !

وأغلب شبابنا يغيب عن بالهم مسألة " أخلاق السائق" ، وهي مهمة للغاية وأهميتها من أهمية
حسن الخلق ، ولو أنك – عزيزي القارئ – تأملت لمدة أسبوع واحد فقط هذه الظاهرة لوجدت العجبو العجاب ، وأقول " ظاهرة " لأنها بالفعل باتت منتشرة ومُلاحظة !

وقد قرأت في إحدى المقالات التربوية أن عالماً أجنبياً يؤكد على أن رقي الأمم وازدهار الحضارات سببه الأول هو حسن الخلق !
وسوء الخلق في القيادة يشمل أيضاً عدة مشاهدات سأذكر بعضها على سبيل الذكر فقط لا على سبيل الحصر :

• يفتح السائق النافذة ويبصق على الأرض بكل ما يملك من قوة !

• يستخدم – أثناء الإشارة – خدمة " السن الزرقاء " لتوزيع رقمه على كل من هب ودب

• يقوم بإزعاج إحدى السيارات بملاحقتها ومطاردتها طوال الطريق لاسيما وإن كان السائق من بلاد الهند

• يفتح النافذة وصوت المسجل عالي جداً ، بغض النظر عن الذي يسمعه ، من الأدب يا عزيزي السائق أن تخفض صوت المسجل ، ليس كل الناس يريدون أن يسمعوا !

فتح النافذة وسكب الماء من قارورة قديمة أو رمي النفايات .

[MOVE="left"]وسلامتكم \ [/MOVE]

[MOVE="right"]احلى التحيـــــــــــه \ اختكم عذووووبــــه .....[/MOVE]

ميشيل · 11 Nov 2006, 01:56 AM

هاااااااااااااااااي

فرحانه اول وحده ترد عليك خخخخخخخخخ

موضوعك مره كشخه وصراحه ناقشتي موضوع حساس جدا والكل يعاني منه

هذي مشكله كبيرة جدا لأن كل واحد منا اكيد مر بها الشي وللأسف فيه نااااس ماعندها

اخلاق ولا ذرابه في الكلام وش فيها يعني لو احد غلط علي في الشارع وكتمت غيضي

ما اقول غير الله يصلح احوال المسلمين..

الكونتسا.....ميشيل

ooooأبوالهشoooo · 11 Nov 2006, 10:04 AM

مشكووووووووره عذاب عالموضوع الرايق

الحقيقه لابد على السائق أن يعرف أن كل من حوله مجاانين وهو الصاحي فقط
و أن يطبق مبدأ السلامه في كل شي
السرعه داء ليس له علاج الا علاج واحد هو أن ينشاف حادث أليم أم الشخص
الله لايصيب أخواننا المسلمين بمكروه
أو أن يحدث حادث للسائق حتى يعتبر
عالعموم مشكوره أختي عذاب موضوع جميل ,رايق , وزاحف , و محشش
كل التحايا
أخوك
أبوالهش

بنت الشيوخ · 11 Nov 2006, 01:03 PM

ارووووووووووووووووووووووووووح وطي على المواضيع المتعوب عليها

عذووووووووووووبه وش هالابداع ياقلبي

فعلا جيتي على الجرح والله اني فعلا اقرا موضوعك واتذكر المواقف اللي مرت فيني

مع اخواني <<<<<<لدرجه ان سواقنا يقول <<<هذا سئودي مشكله كبير<<<

والله انه صادق خاصه فتحه الدريشه ثم يجي بعدها شي الله المستعان

قسم بالله ودي اقوم ازنط اللي يسوي هالحركه يااخي فيه اختراع اسمه مناديل

والا الحركات اللي يسوونها الشباب اذا احد غلط عليهم كلاااااااااام ثاني

خخخخخخخخخخخخخخخخخخخخخخخخخخخخخخخ

ابدعتي ياعمري ويكفي ان الموضوع من كتابتك انتي وهذا اللي المفروض يميز القسم العام
كتابات الاعضاء انفسهم <<<<<<

اسفه ع الاطاله
بنت الشيوخ

لـ ح ـن الـ غ ـروب · 11 Nov 2006, 03:07 PM

ماشالله عليكـ عذوبه..
حسيت اني اقرا قصه..او روايه..
كتاباتكـ تشد المتصفح والزائر
بس جد بمحلها !
حتى وانا اقرا خشيت جو واستمتعت >> اكششخي

وناقشت قضيه مهمه..ومنتشره بشكل شاسع يالطيييف بس
الله يهديهم ويصلحهم شبابنا
اهم شئ الاخلاقـ

لاعدمناك يالغلا
الله لايحرمنا جديدك المشوق ( أياً كان )
دمت بكل الود

تحياتيـ

شبيه الجراح · 11 Nov 2006, 03:17 PM

موضوع ولا اروع منه يا الدبيه

نعنبو بليسك كل مواضيعك حلوه.........................ما في موضوع شين

ابا اعطيك عين....................خخخخخخخخخخخخخخخخخخخخخخخخخ

مشاء الله .....................وتستاهلين خمس انجوم

نكس حبيب البي .....................عطها خمس انجوم.....................موضوع متعوب عليه

وعجبني بصراحه ...................يقلع ام الهياط

سـهى · 11 Nov 2006, 04:41 PM

بعض الرجال يعتقد انها قوة انه يسب ويرفع صوته على الناس في الشارع سواء كان هو الغلطان ولا غيره للاسف

تسلمين عالموضوع الرائع

Wi Fi · 11 Nov 2006, 05:04 PM

روووووووووعه

ها تبووون تسوووقون بعد هذا اللي شفتيه

خخخخخخخخخخ

الأخلاق معدوووومه........ خصوصا في الصبح بدري

الله يستر علينا من المتهورين

اخوووووووك الصغيرووووون

بنت ولد جدها · 11 Nov 2006, 08:07 PM

موضوع حلو الله لايحرمنا منك......
الحمدلله الحمدلله الحمدلله........ماصار لي موقف فيه هواش....والله لموت من الخوف....
مرسي كثير عذوبه....

مالك أمــــــل · 12 Nov 2006, 12:16 AM

هلا بياعت الطرطعان ........................عاد انتي مشاكل مع الشباب وايد

موضوعك هادف وحلووووووووووو بس خساره ماله حل ....................

عاد السواقه بالرياض تجيب الهم على طول الواحد يسوق وهو مشدود الاعصاب

مايدري هو ينتبه للي قدامه ولا للي ملحم فيه من ورى تقولين بحرب ولا صار حادث

اعوذبالله مجموعه سيارات من السرعه الزايده حتى سواقين اللموزين خربوهم بعد

ولا وقت الزحمه اذا توقف الشارع اذا التفتي يمين ولا يسار كل العالم زعلانين

محد يضحك لا ويزعجونك بالهرنات .......................الله يعينكم بس..............

تعالي شوفي فن القياده وذوقها في خبرنا الغالي ناس فاهمين من جد

ويمشون على اقل من مهلهم تصدقين ان جرحووووه ماعمره تعدى 140 وهو يسوق

السياره لا ويقول بعد مسرع ويجيني خوف وتصيبه ام الركب .............

مايدررررري ان السياره ودها بس هو مثقل عليهاااا ههههههههههههههههههه

مشكوووووو على الموضوع الفري نايس

×× حسيت ببرود تمشي في اطرافي يوم سمعت هالكلمه ....××

التحشيش العام