رغبتن لمشرفنا الغالي نكس واهدى" للغاليه بحبوحه نزلت

هذه القصيده وهي من كلماتي في المنتدى العام عسى

ان تنال على اعجابكم...............................ورضاكم


والله انك سيد السهره واخذت ابها السياده@
والعذارى حولك اطفا نورهن وجهك بنوره@


يوم جيت بخطوة الي بان بعيونه عناده@
جا يزف الليل في حفل(ن) تباشربه حضوره@


وهزت الخطوه قلوب(ن) ماتفكر فالنقاده@
وانطحوه بياهلابك يامساالورد وزهوره@


والتفت كنه يقول انا المعزب في بلاده@
والعيون السود تحكي عن قصص موتى غروره@


واستمر بخطوة(ن) مع ثقلها ثقله زياده@
والطبول تفجر الاسماع ترحيب بحضوره@


واعتلا فوق المنصه والحسد يقدح زناده@
من عذارى دورهن قد انتها والحين دوره@


فل فوق المتن ليل(ن) ضيع الساري سواده@
وقام يلفح به قلوب(ن) فالهوى ماهي صبوره@


وهز ردف(ن) ولع الجمره وهي تحت الرماده@
والتفت للحاظرين بضحكته من زود جوره@


ليه لا والعين عين الحر في موسم هداده@
والخشم ماكنه الا سلة السيف البتوره@


ليه لا والعنق مادور جماله فالقلاده@
عنق ريم(ن) في خلاها من هوا النسمه ذيوره@


ليه لا والجفن ناعس مثل من فارق رقاده@
والحجاج حجاج منهو بالزعل يسبق سروره@


ادهش الانظار واسرف والقصيد اسرج جواده@
لين كل(ن) صار لجله شاعر(ن) يحكي شعوره@


اما انا طلعت بعد الحفل ادور لي عياده@
رحت ابشكي للطبيب الي قبل ماكنت ازوره@


وسلامتكم ........ ..............اخوكم راعي بلاوي