طقاقة بزنس geral .......

سفير الغرام · 04 Nov 2006, 01:25 AM

.
.
.
.
.
.
.
.

طقاقة بزنس geral ....... للكاتبه عبير نجد

مرحبا اتمنى ان القصه تعجبكم وترى هي قصه تصير وماتصير او يمكن تصير المهم الى القصه
كنت جالسه وزرهقانه وطفشانه ومالي خلق حتى لنفسي وفجاء ويدخل اخوي الكبير فواز ويقول:قومي قومي يالله سويلي شاهي
انا:نعم عفوا ماسمعت الاخ داخل مطعم تراك غلطان ياخوي
وماشوف الا ذيك الرفسه من رجل اخوي
انا:وجع يوجعك انت وبليسك خير خير وش تبي
فواز:اقول تقومين ولا شلون
انا: لا ماني قايمه وش راح تسوي
فواز:قــــــــــــــــومـــــــــــــــي يالله
انا:(0وبالفعل صار اللي يبيه فواز ورحت سويت شاهي له )خذ انشاءالله تشرق فيه
فواز: كح كح كح شفتي دعوتك
وفجاء تدخل امي
امي: اسمع ياوليدي اليوم عندنا عرس ابيك الساعه 10 توديني
فواز: لاحووووووول يعني مافيه الا انا انا وراي شغل يمه
امي: ياوليدي يابعد سبدي انا ياحلو ياجميل
فواز:ايش؟
امي:احم احم ماعلينا ياوليدي هاه وش قلت
فواز: خلاص يمه اوديك بس بشرط تراني ماراح اجيبك خلاص
انا:خير خير اجل بتخلي امي بالشارع هاه
فواز:ترى الحين يجيك طراق على وجهك اسكتي
انا:(مطلعه لساني)اذاااااااااا
وبعدين جت الساعه 7 باليل وتجي امي تكلمني
امي:ماراح تجين معي يابنيتي
انا:لا يمه مالي خلق وبعدين والاهم من ذا كله ماعندي فستان
امي:اقول بس الدولاب مايتسكر من الفساتين يالله البسي أي شي
انا:ماما بس الناس شافوا فساتيني مو حلو كذا
امي:اسمعي بتجين يمكن تنخطبين
وبالفعل امي جابت طراي الخطبه من هنا وانا نقزت من هنا ادور فستان البسه وجت الساعه 10 ودانا فواز للقصر
طبعا دخلنا المشكله ان مافيه احد بالعرس اعرفه لان العرس عرس فلان ولد فلان اللي اخوه اخو مرت خاله عمه خالي المهم لاتسالون شلون وطبعا امي راحت مع الحريم الكبار وانا جلست على الطاوله وفجاء تجي ام العروس وتقول طبعا بالمكيرفون اتشرف اني اقدم لكم الطقاقه المشهوره والمعروفه أم سلطان ومامدى تكمل الاسم الا الحريم يقلون ام سلطان ماغيرها واللي تقول تدرون كم تاخذ باليله بس وتجي وحده حجازيه وتقول بلا بشكلها أم سلطان هذي مش طبيعيه ابدا هي وطقها ,طبعا انا ماصدقت رحت لما الحريم وجي أسألهم
انا:السلام عليكم وش السالفه اشوفكم تتكلمون عن الطقاقه
وحده من الحريم:أي طقاقه الا قولي الفنانه ام سلطان
انا:فنانه مره وحده وش دعوى
الحجازيه:ايوه هذي فنانه مش طقاقه لاتسمعي كلام أم العروس هي شكلها ماتدري عن قيمتها
انا:اجل فنانه اها طيب وش سلفاتها هذه ام سلطان
وحده من الحريم:انت تدرين هذه كم تأخذ باليله
انا:لا والله مادري كم تاخذ؟
الحرمه:أذا كان العرس عائلي ومافيه أحد تأخذ من 80 الى 100 ألف ريال
انا:وجع وش ذي
الحرمه:هو هذاي اسعار الطقاقات العاديات
انا:اجل العروس الضخمه كم تأخذ يانور عيني
الحرمه :طبعا فوق 100 ألف ريال ومافوق
انا:طيب وش تسوي بالفلوس
الحجازيه :شكلك عى نياتك يابنتي وش راح تسوي فيها يعني اكيد ترميها بالبنك
الحرمه:انت تدرين وين بيتها ولا شلون شكله اه بس حشى الا فنانه ولا ومرتاحه من الصحافه
انا:طيب وشلون صارت طقاقه قصدي فنانه واشتهرت كذا
الحرمه:اصلا هي اول كانت تطبل مع وحده من الطقاقات لكن انا سمعت انه تهاوشت مع رئيستها وقالت هين انا وريك ان ماصرت طقاقه كل الناس يتكلمون عني ماأكون انا زهره (اسم الطقاقه زهره) وبكذا يابنتي اسست فرقه صغيره ماكان فيها الا اربع بنات وبعدين ثمانيه بنات وبعدين اكثر وهكذا يوم بعد يوم صارت تشتهر وهذها شوفه عينك
انا:يالله قصه قصه طيب طقها زين والا هه وهه
الحجازيه:ايش قاعده تقولي انت الاطقها طق مش طبيعي والا أغانيها ابدا ابدا مش طبيعيه انت اسمعي الحين طقها
وبالفعل بدا الطق الا أي طق طق مش طبيعي ابدا والحريم ماقدروا يستحملون وقاموا كلهم يرقصون وحالتهم حاله والا اغانيهم الصراحه انا دايما اشوف طقاقات بس مو مثل ام سلطان ابدا المهم رجعنا البيت طبعا انا رجولي تعورني من كثر الرقص(ايه رقصت عندكم مانع)طبعا انا افكر بام سلطان هذه وطقها وقصتها طبعا من بكره رحت اتصل على بنت جيرانا وصديقتي منيره

يتبع...

ميشيل · 05 Nov 2006, 02:54 AM

يووووووووووووووووووووووه

ياشينها لما الواحد يندمج بالقصه وفجأه تطلع يتبع

تكفى ياخوك نزلها مرة وحده

بعد كم يوم تبدى اختبارات الكليه ما اقدر ادخل النت

عجل ياهووووه

الكونتسا...ميشيل

طقاقة بزنس geral .......

قصص المحششين