..:: كل عام واحنا حبايب ::..

رجة بس رزه · 22 Oct 2006, 10:55 PM

سلام عليكم ورحمة الله وبركاته ..

مساكم الله بالف خير ..

وكل عام وانتوا بخير .. بكرة العيد >> بالله

وهذا كم تصميم للحبايب ..

صدقيني العيد نفسه ما تغير من سنين .. .. فرحة اطفال وتلاقي.. لمّة احباب وقرايب
والاغاني والكروت وقولة مْن العايدين .. .. والتمام الشمل يوم العيد .. وانسام الهبايب
والتهاني والهدايا وحب روس الوالدين .. .. والمواصل للعمام .. وللخوال .. وللنسايب
كل حاجه مثل ماهي بس انا حالف يمين .. .. إن لا غبتي باسجّل نفسي في هالعيد غايب
وارجعي بالذاكره يابنت وانتي تعرفين .. .. ليه احس العيد عقبك جيّته جيّة مصايب
ليه لا طالعت كرت العيد اكفكف دمعتين .. .. من ذكرت اعيادنا وأيام كان الوضع طايب
اذكر اني من مصلى العيد وانتي تذكرين .. .. كنت اسابق خطوتيني متّجه يمّك وذايب
لجل اكون الشخص الاول لجل مني تسمعين .. .. في صباح العيد .. جملة كل عام احنا حبايب
لجل نكتب خلف كرت العيد ذيك الكلمتين .. .. كنت اجيك بقلب طفل وطيش شاب وثقل شايب
كنت انا اعايد وحالي حال باقي العاشقين .. .. وما معاي الا خفوقي وذي عيوني لك وهايب
وإنتي في اجمل ثيابك كاشخه والزين زين .. .. تثبتين إنك عجيبة غير عن كل العجايب
فرحة العيد .. بلقانا كانت اصلاً فرحتين .. .. مثل ضحكات الورود ومثل زخّات السحايب
ما ليوم العيد طعم وما لها الذكرى حنين .. .. وكل منّا في مكان وكل واحد له طلايب
الرجا في عيد الاضحى يمكن انك ترجعين .. .. ما اقول إلا عسى الله يجزي من كان السبايب
وإن رجعتي وشفتيَ إني في عداد الميّتين .. .. ذا انا باوصيك حاجة قبل تنحط النصايب
طالبك في كل عيدٍ .. بعد موتي .. تكتبين .. .. خلف كرت العيد جملة كل عام احنا حبايب

:: فرحة العيد .. ::

:: كل عام وانت .. عيدي ..! ::

^
^
لاطشه الكلام من فص فص

:: عيدكم مبارك .. ::

:)

وسلامتكم ..

أعشق إعنادي · 22 Oct 2006, 11:25 PM

كل حاجه مثل ماهي بس انا حالف يمين .. .. إن لا غبتي باسجّل نفسي في هالعيد غايب

والله هالقصيده حزنتني وايد وشغلت مشاعري والله

اوكيه ما علينا

تسلمي على هالتصاميم الحلوه

مودع · 22 Oct 2006, 11:37 PM

كل عام وانت بخير أخوي

ومن العيدين

بصراحه كليمات في قمت الروعه والاحساس

والتصميم حلو جداً

تسلم يدك

<--[ محشش رزه ]--> · 22 Oct 2006, 11:43 PM

كل عام وانتي بخير يا رجة

وكل عام واحنا حبايب بعد

كلام حلو

وتصميم احلى

من عضوه احلى

مبدعه يا رجه

مبدعه جدا

وتقبلي مروري

ˆ~*¤®§)(* محـشـش رزهـ *)(§®¤*~

<... أميرة الورد ...> · 23 Oct 2006, 03:19 AM

WoOoOoOoOoOoOoOoOoOoOoOoOoW

يا احلى رجووووووجه

من جد روووووعه

وكل عام ونى بالف صحه وسلامه

وكل عام وحنا احباب واخوان

ابو قوسين · 23 Oct 2006, 04:59 PM

مشــــــاء الله
ابداع وذوق واحساس
تصاميم تمازجت
معها الوان الحب والعيد
احييك على هذا الابداع وكل سنه وانتي بالف خير

احتراماتي وتقديري
ابو قوسين

رجة بس رزه · 24 Oct 2006, 06:11 AM

اقتباس:

المشاركة الأصلية كتبت بواسطة عيوز مراهقه

كل حاجه مثل ماهي بس انا حالف يمين .. .. إن لا غبتي باسجّل نفسي في هالعيد غايب
والله هالقصيده حزنتني وايد وشغلت مشاعري والله
اوكيه ما علينا
تسلمي على هالتصاميم الحلوه

الله يسلمك قلبو

ان شاء الله يكونون عجبوك

تسلمين ع المرور

سي يو