السلام عليكم .. ممكن اهدي ..

وعليكم السلام .. اي تفظلي .. بس مين معي ..

احم انا رجة ..

ايوا لمين بتهدين الالفيه ..

بهدي الالفيه .. لبنت عمي شذى الوروود فديت قلبها .. ولأخوها مستحي.. طول الله فـ عمرة و لبحرينية بنت اخو شذووي .. بس مهيب بنت اخو مستحي >> انتو فهموها ..
و لمحشش عاقل ولد جيراننا بس اكرهه مدري ليه ؟!! << مو تصدق و اهدي لصقيقي من ايام الروضه محشش رزه ..ووو .... ولشيخ القبيله .. البياع .. ولك طبعا .. ولكل المشاهدين..

تسلميين .. وان شا الله اللي اهديتيهم يكونون متواجدين ويسمعونك ..

تراي رجة بس اجرب اشارك في برنامج

طبعا صارو مشاركاتي 4039.. وبزيادة هذا الموضوع 4039+ 1= 4040.. >>> احلفي >> والله



قولو لي مبروووك >>>> مستانسه بقووووهـ ..

الموهيم بقولكم .. سالوفه حفلتنا التنكريه ..

بدأت القصه في يوم الثلاثاء الماضي من شهر سبتمبر بعد صلاة التراويح جا عمي لبيتنا ..كالعادة يا سعادة
وقعدنا بالقرقره وبعد مناقشات اتفقنا ان يوم الخميس الجاي حفله تنكريه في بيتنا ..
واعلنا عنها وان في جوائز قيمه للفائز ..
وقام كلن يحوس بعمرة علشان يصير اطلق واحد ..
وبعد ما سمع اخوي عن الحفله .. سأل ابوي وهو مشغول مهب فاضي لسؤال غبي .. قال وشو حفله تنكرية ..

قام ابوي رد جواب اغبى من السؤال .. وقال يعني قرقيعان
والغريب ان اخوي ماقال وشو قرقيعان سكت ..

وجا بكرة ورجع اخوي من المدرسه .. وقال لأبوي لازم نجيب واحد يغني لنا .. قال ابوي ليه من قالك انه لازم ...

قال انا يوم قلت لأصدقائي ان احنا بانسوي قرقيعان قال واحد منهم ان هم جابو واحد يغني لهم وكل مرة في القرقيعان يجيبونه
قال ابوي اي هذا (( بو طبيله )) بس هو مايرضى يجي هنا هو بس في الحواري القديمه وبعدين ازعاج على الجيران ..>>> يحسبه بيقتنع
ونشب نشبة شينه الا يبيه ذا اللي يقولون عنه ..

طيب وبعد مكالمات وصل لذا اللي يغني
وجا يوم الخميس ببيتنا .. وانواع الفللله ..

بس قسم انه قليل حيا >>>> لا انت المؤدبه ..

انا طبعا طلعت بكل ثقه كذا .. وطول الوقت وهو يقز .. هالاطخم ما بقى الا هو .. لا ومات في نفسه يحسبني اصورة ..

الموهيم رحت وصرت مؤدبه ولبست العباه وطقيت اللثمه ..وكملت المشوار ..

وهذي صور لفرقتهم





وهذي صورة له وهو يقز قسم انه طالع في كم وصورة وهو يطالع في الفيديو و الثابت يعني مو بس هذي .. >>> فظيحه .. هع



عاد >> عاد ولا ثمود .. بايخه .. بس تم نص ساعه وراح يقال له مشغوول عنده مواعيد .>> .يلعن ام الشغل اللتي تعرفه >> ماجاز لها

وبدأنا في الحفله التنكريه بعرض الزي اللي لابسينه الاطفال ..



وقام كل واحد يستعرض ..

وهذا اطلق ولد في الحفله.. فديت ذا الخشه .. >>>>> ترا قسم بالله ان الولد حلو بس هو مستهبل بروحه ..



وانا عندي زيّه احلى زي .. بس وش رايكم فيه ..



وهذي ريما بزي تركي ..



وهذي هي نفسها بس غيرت في نص الحفله



بس الصغار ما تنكرو كثير مثل الكبار ..

طبعا ودي اصور بس الظروف اقوى مني 

بس بقولكم وش لابسين ..

رنود بنت عمي ... لابسه زي صعيدي وبالعمامه والعصا اللي مدري وش تبي ..

وندووش بنت عمي .. لابسه ثوب وغتره والنظارات وصايره ام العربجه فيها ..

ونوف لابسه زي شعبي ولابسه شيله على راسها

و نورة لابسه الساري

المهيم ... بدا التصويت .. هواش .. وكلن يبي يرضي عياله الصغار لا يزعلون .. بعدين عمي ما رضى بالمهزله واعدنا التصويت .. صار كل شخص يصوت لمتنكر واحد ..

وهذا الدفتر اللي في التصويتات ..



وانتهينا وصار اكثر اللي جمعو اصوات انا ورنود بنت عمي متساوين بـ7 اصوات ..

وعبد العزيز ولد عمي بـ 6 اصوات .. ونواف اخوي بـ 8 اصوات ..

وطبعا مافي الا 2 اللي بيفوزون ..

والى الحين مابعد يصوت العم الكبير ولا الجدة ..

وصوتهم عن 5 اصوات ..

وقامت الجده .. وزعت اصواتها على 5 في العيله علشان محد يزعل ..

وعمي عطا صوته للأولاد نواف وعبد العزيز .. عبد العزيز 3 ونواف 2
وفي الاخير فاز نواف اخوي بالمركز الاول .. بزيادة صوتين على عبد العزيز اللي هو المركز الثاني .. وعطوه الجائزة ..
وهي 1000 ريال ..

والجائزة الثانيه ..
700 ريال..

وهذي صورة جائزة اخوي ..



طبعا هم ما فازو لأنهم متنكرين .. هم فازو لأن عندهم جمهور كبير >> اي علينا ..

والله لانهم كلهم لا بسين ثياب يعني وش الزين فيه مدري ..

وبعدها للفاير ووركس وفلينا الحجاج ..

وهذي فيديو للفاير ووركس (( الطراطيع ))

http://cr4arab.com/up/uploads/6c37df7bc4.3gp

وفتحنا الطراطيع ..وانوااااع الفلللللله .. ويوم قربنا نخلص طاااااااااااااااااار واحد لتحت وانفقع بجمب الجمهووور >>>> يلعن ام الشرح اللي اعرفه ..كنت انا من الجمهوور اوووف كان الموقف يخوووف ...

واحترق ثوب ولد عمي لأنه هو اللي فتحه وهو اقرب واحد له...

وبص .. خلصت السالوفه .. ان شا الله من عواده ..

وكل عام وانتوا بخير