.
.
.
.
السلام عليكم ورحمة الله وبركآته !


الحين انتوآ وش دخلكم يعني انتوآ فيكم هالمرض عشآن تخششون .. !
يآلقفكم بس انآ اصلاً مآ طلبت منكم تدخلوون بس اللقآفه اعوذ بالله ..
لو سمحتوآ اطلعوآ برىآ !

~</B>

معليش ع الكلآم اللي قلته بس امثل لكم نوع من انوآع المصآله اللي يعيشهآ المجتمع .. !


المصآله ..

تعريفهآ : الاستظرآف وثقآلة الطينه وشينة النفس وهي مرض وبآئي معدي يدعىآ ( المصاله ) وهو مرض سريع الانتشآر وتتعد وسآئل انتشآره وهي محسوسه لآ ملموسه وهي حالة مستعصية تصيب صاحبها عندما يحس بانعدام قيمته في الحياة
ومسمىآ الكآئن الذي يعيش في هذه الحآله : مآصل ، مآصله ، مآصخ ، مآصخه

ولقد حدثتني عتيبه بنت سعطون المرآسويني عن خآلة جدتهآ قآئلةً :
إعلمي يابنتي ان المصالة لاتستشر في جسد إبن آدم إلا وهي قاتلته لامحالة ولكنه بسببها قد ينجو من مهالك عدة كأن ينشب في مشكلة وبمصالته يسفط اللذين يقفون أمامه بكلمة ماصلة واحدة ... فأحرصي يابنتي على المصالة وأتقني فنونها ! نعم نعم ..

والمصآله انوآع واشكآل : فهنآك مصآله مستفحله ومصآله في مرآحلهآ الإبتدآئيه ومصآله في طور النمو ومصآله مبزرآنيه ومصآله بالطبع ومصآله مزآجيه ومصآله المصآله تتبرى منهم .. !

وهنآإك امثله علىآ ذلك بشكل عآم طبعا ً
زي لمآ تجيك اختك وتقولك :
قل دم قل دم وتجي انت تقول دم وترد عليك السآعه كم هآ هآ هآ هآ
آو يجيك ولد خآلك اللي بـ 3 إبتدآئي ويقولك قل 4 تقول 4 يقولك سيآرة ابوك مقربعه ويلآ هآ هآ هآ هآ

والمصآلآت تلآقيهآ في كذآ مكآن
بالمدرسه بالبيت بالبقاله بالشارع بالعرس بالمنتديآت ....... إلخ !

مثآل ع المدرسه : لو كنت طآلبه من صديقتك قلم ازرق عشآن عليكم اختبآر الموهيم تخشون القآعه تقولين لهآ وين القلم تقول ( يووه نسيته ) هآ هآ هآ هآ !
مثآل ع البيت : لمآ تقول لـ الشغآله خوذي اكوي ثوبي الابيض اللي كذآ كذآ تجي تقول تيب انآ توني كآويه الاسود اللي كذآ كذآ

مثآل ع البقآله : لمآ تشتري وتعطي البقآل حسآبه ومآيطلع عنده صرف المفروض يدبر عمره ويقوم يسأل الحلآق اللي جنبه يجي يفك لك الكششره ويقولك مآفي صرف ويحط يده علىآ خده <~ .. !
مثآل بالشآرع : لمآ تكون من امثآل خآلي المصون ( سلمولآنو ) وتمشي بالشآرع وتولع الاشآره حمرآ ويقوفون النآس تجي انت تمشي من اخر الشآرع مع العلم انك بأقصىآ اليسآر وتتقدم ع النآس بحيث انك مآتشوف الاشآره وتروح اقصىآ اليمين يعني كأنك تقطع الاشآره بشكل محترم ويجي احد رجآل الشعب اللي ورآك يضرب لك بوري يعني امش وهي مآولعت خضرآ اصلاً <~ هذآ يعتبر مصآآله متبريه منه
مثآل بالعرس ( الزوآج ) : انك تروحين ع العشآء في العرس تجيك حرمه مآتدرين منهي وتمد لك صحنه ولآ تتكلم وانتي تنآظرينهآ وشو تجي تهز لك الصحن <~ تقل طرمه الموهيم تجي تقول خذي اغرفي لي <~ مصآله مزآجيه نوعاً مآ
مثآل علىآ المنتديآت : كحجز الردود ثم يزلبووون و كذلك الخطمه برد ليس له سنع .. والاستظرآف بـ رد : ههههههههههههههههههههههههههههههههه ههههه هه ففي هذآ الرد مآيثير شجون المصآله ويدغدغ مشآعرهآ فيبدأ من بعده التميصل .. " ترىآ مآ اقصد هنآ الضحكه المتوآصله كـ ( هههههههه ) بل ( ههههه ههه هه ه ) "

أعرآض مجآلسة المآصل :
* ارتفآع الضغط والسكر
* سؤ النفسسيه
* الرغبه بضرب او تصفيق الشخص المآصل
* تحمير الوجه وشدة التعرق + ارتفاع الصوت .. + احتمال حدوث جريمة تودي بحياة الشخص الماصل ..
وغير ذلك كثير ..

انوآع المصآله 2 :
ماصلين مزآجياً /
هذولي مؤدبين بس تجيهم حآلات !

مآصلين بالطبع /
هذولي كل شي فيهم مآصل كل شي بلآ إستثنآء زي شغآلتنآ ( رآدكه )

مآصلين والمصآله تتبرىآ منهم /
1- اشد انوآع المصآله خطر وهذآ اكثر مآتشوفه في بنآت الجآمعآت والمدآرس المتوسطه والثآنويه احيآن
يعني الوحده إذآ تبي تصير كيوت ونآعمه ويآي تصير مآصله وسوآليفهآ مآصله ومشيتهآ مآصله

2- ولمآ تكون تووك دآخل المحآضره في الجآمعه وبديت تستوعب الدرس وتجي وحده تقآطع الدكتوره وتقعد تفلسف وتجيب شي خآرج ابو المحآضره وتقطع عليك فهمك تجي تبي تستوعب مره اخرىآ مآتقدر وسسسلم لي ع المصآله

مصآلة المبزره /
هذي عآد كلنآ نعرفهآ

- زي لمآ تشوف بزر يهبل كيوت وهـ ودك تجغفه تنزل لمستوآه وتقول وش اسمك : يقولك ( خير ، انقلعي ، وش دخلك ، كل دآد ، وإذآ مره صآر لطيف مشىآ وخلآك ولآ كأنك كلمته )

طرق تجنب المصآله :
* إذآ شفت شخص معصب لآ تسوي فيهآ وتجي تقوله نكت وتستهبل عليه
* إذآ شفت شخص حزين وعيونه تبطبط غالباً لآتجي تقوله وش فيك
* لآ تتميلح عند احد وتسوي نفسك يعني انك هآي كلآس ويآإي وانت موب كذآ اصلاً
* حآول تتكلم وتحآدث الاشخآص اللي بنفس عمرك وتفكيرك تقريباً عشآن مآتعتبر مآصل
* لآ تكثر الجلسه مع المآصلين لآن هذآ الوبآء منتشر سريع العدوىآ مدة حضآنته آسبوعين ( عنقز )
* لآ تذب الميآنه سريــــــع مع احد توك تشوفه ولآ مآتختلط مع وآجد

مآيستفآد :
1- المصآله حآله مستعصيه لآبد من معآلجتهآ ووجد دوآء لهآ
2- الرجآء من المآصل اخذ معه حبوب بندول واسبرين وبندول اكسترآ وحبوب السكر والضغط لآنقآذ الضحآيآ جرآء مصآلته
3- رحم الله مزنه يوم قآلت : وآآآآآآآآآآآآه يآمصلي ..


آقول مآقلت وآكرره وأعيده واسأل الله العلي في عليآنه الجليل جل جلآله .. آن يغفر لي مآ أذنبت وان يجعلني وإيآكم في الفردوس الاعلىآ من الجنه وأن يغفر لنآ مآتميصلنآ إنه هو القآدر على ذلك وحده .. !



،،/



.
.
.
.