محشش رزه. محششة مزركشة. محشش مستحي. يقولون العقل نعمة ...ارعصواا في ذااا ! ! !
مرحبا بكم على متن الرحله الموجهه إلى دولة البحرين الشقيقه
في جنوب غرب شمال الكره الأرضيه
هنا على متن عراوي رزه موديل 78 بغمارتين
وبقيادة الأهطف يقولون
أنا .......رجة بس رزه تتحدث معكم
معنا هنا متواجد خمسه أعضاء كاشفين قبعة الإخفاء
وثلاث مائه وعشره متخفيين لذلك نعتذر عن ذكرهم
المتواجدون حاليا
رجة بس رزه . محشش رزه . محششة مزركشة . محشش مستحي . يقولون العقل نعمة
بدت رحلتنا من الخبر الغاليه واللي غلاتها من غلاة رقبتي..هع
في تمام الساعه الثانية عشر فجرا مع نباح الماعز حقت مستحي
فـ رتبنا أغراضنا وعدو علينا الإخوان وتوجهنا منطلقين إلى أرض الأحلام mbc3
<<< وش تبي ذي
المهم وأنا رحت معهم بصفتي الوصي الرسمي عليهم وهذه الأسباب:
يقولون العقل نعمة : مشتهي معجنات << مزاج تكروني من تكارنة الحرم
محشش رزه : ناوي على الإنحراف فلم يتذوق طعمه منذ مبطي
محششة مزركشة : مطيحه الميانه مع الكل هي وخشتها << بتكفخ
محشش مستحي : غاااث زركوشه بالهدايا ألي يبيها لأهله
وبما أني الأعقل من المذكورين عطوني وكاله بالتحكم بهم << إخس ياعاقل
إنطلقت رحلتنا ونحن في سرور ووناسه << جمله فللللللللللللله
وكان منظر الشمس بديع والبحر فنان وشكل الخيول التي تحلق فوقه جذاب
والأغنام التي تسبح وسطه رهيب والبقر الذي يشقه مدهش<< سكران يوصف البحر
فوصلنا إلى الحدود الفاصله بين المملكتين وبدأ التفتيش
ولكم ماوجدنا مع كل شخص:
أناااا : ورق وأقلام <<كاتبه لازم معها هالخرابيط
وبعض الكتب والمجلات وصور للمزيون فزاع << اذووب انااا
زركوشه : مجموعة عبط وميانه زايده وهبال وصررقعه
مستحي : بعض من المخدات والألحفه لكي ينام في أية بقعه من بقاع الله الواسعه
رزه : منقله ومثلث ومسطره وفرجار وبعض البحوث الملطوشه من قوقل الله يطول بعمره
أما شايبنا يقولون : حبوب الضغط والسكر والكرستلور وطقم أسنان تركيبه وباروكه بيضاء ليخفي تحتها القرع
والحمد الله لم يجد أية مخالفه هنا أو هناااك
ودخلنا للبحرين والهمج ألي معي مفهيين << كنها سبه << قولي قا
ومن المواقف التي تدل على عبط زركوشة
كانت جمبنا وحده تسوق سياره فصرخت وفجرة طبلة أذنينا
وقالت: شوفوا ذي الكافره تسوووق سياره واااخزيااه
فعلق يقولون بسبب ثقافته العاليه: يالهبله شوفي جنبها البزر حقها أكيد حالته ميئوس منها وأبوه
هايت في الشوارع ومش فاضي يوديه المستشفى!!!
فتكلم المتعوس مستحي : وش بلاها ماتجيب سوواق الله لا يحدنا
فتكلم رزه بعد صمته وياليته لم ينطق: لا السواق أكيد حرارته مرتفعه ولا رجله مكسوره
عشان كذا ماوداها <<< رزه يووم أقوولك الهندسه لاعبه بعقلك لا تقوول لاااا
وبعد ما شاب راسي من الي معي قلت لـ يقولون تكفى توقف عند السيف وفكونا
وياليتني ماقلتله يوقف بالله عليكم شوفو وش سوا أول ما دخلنا المجمع
وبطبيعة حال اهل البحرين بناتهم من غير عبيات
وكان في وحده دخلت معنا وهي مو لابسه عبايا
ولا ذا الشاايب يطاردها بعصايتهاا
يقولون : هييي إنت هيي إنت أنا أكلمك وقف الله لا يبارك بعمرك !!
والبنت المسكينه وقفت وهي متخرعه هذا وش بلاه يصارخ: نعم تكلمني
يقولون : لا أكلم الصخله أقوول إنت وين أبوووك ها وين أبوووك ؟؟
البنت : أبوي بالبيت
يقولون وهو يشدها من شعرها: تعالي يامضيعه المذهب ودليني على بيتكم عشان أعلم أبوك عن
فعايلك الي تسود الوجه جد الله لايبارك فيكم من بنيااات
وإحنا نحاول نفك البنت من يده وهذا حالف يمين إلى يعلم أبوها
وبعد ما يأسنا منه مسكه رزه وبدأ يستعمل عضلاته فعطاه مخمس وبكس على بطنه وجمع
على أسنانه ألين ماطاح وهو متكسر من الضرب<< أتخيل شكل يقولون وهو يقرا خخخخخخ
فقررنا بعد هالدراما نرجع للسياره بلا فضاايح زياده
وتوجهنا لأحد المطاعم وكان تقريبا الساعه تسع في الليل
<<< مو كنه توه كان الفجر!!!!
المهم رجوجة عن اللقافه خليني أكمل << والله إن منهبله خخخخخخخ
المهم دخلنا المطعم وكان فيه موسيقى هاديه وأنوار يادوب نشووف فيها
انا : رزه معك فلوس
رزه : إي معي تبين أشتريلك شيء شريط فزاع ولاكتاب له ولا شيء ماشياات
انا : لا أبي ترووح تشتري أنوار مساكين فقاره ما عندهم أنوار
مستحي : إي والله تسوي فيهم خير روح إشترلهم
والأفندي ولد الدمام طلع عنده الكرم على أصوله وراح بجيب لهم أنوار
ولا زركوشه أستوعبت في اللحظه الأخيره << إعترفي سرحانه فمين<<رجة كولي تبن
وتقنعه أنه يترك هالفكره المجنونه وبعد ما وقفته
قعدنا نتلفت ندور على الشايب يقولون مالقينا << الله من البلشه
وشوفو وين لقيناه هو كان بنفس المطعم يبيعون وسكي أو نبيذ على قول رزه
وتعرفون إن وشلون شكل طاولاتهم وكان هالمكان من آخر الأماكن الي خطرت على بالنا
الله يسلمكم ماتركنا طاوله إلى ودورنا تحتها وحمام وإنتم بكرامه دخلناه حتى المطبخ
فتشنا فيه وهذا مو موجود
وبعدها يأسنا ورحنا عند قسم الوسك ولقينا الاخ جالس وقاعد يبلبع من ذا الوسك ولا همه أحد
وإحنا وقفنا مفهين هذا وش بلاه؟؟
وخلينا رزه يروح يكلمه هذا وهو صاحي ما قدرنا عليه شلون وهو سكران لا ولاحظوا أول مره
عاد أقوولكم راحله رزه وقاله: جدي.. جدي وش بلاك وش ذا الي شربته الله يهداك؟؟
يقولون: هااا وش تقووول جدتك طلعت من القبر !!!
رزه: جدي الله يطول بعمر جدتي قوووووووووووووم!!
وبعدها قام يقولون وصار يصرخ ويقول: أبي شنطتيييييييييي أبي شنطتي <<والله ذا العجوز نشبه
وإحنا إنرسمت فوق روسنا علامة تعجب قد جبل ( أُحد) وهذا يستمربالصراخ
قربت منه وسألته: يقولون شنطت شنو؟؟
الشايب: ذي الشنطه راس مالي بالدنيا أبي شنطتي أبي شنطتي!!!! << قللللللللللق
مستحي تفلحن وراح دورت الشنطه وجابها
وبعدها رحنا للددسن الكشخه وركبنا وتوجهنا للحدود السعوديه
وبدأ التفتيش وقفونا وقالو ليقولون جيب الشنطه الي معك نفتشها
وهو ماسك فيها ومو راضي يفلتها والشرطه تسحب وهذا يسحب
وتدخل رزه وعاد الضرب الي فبداية الرحله وعطاااه علقه وفك الشنطه
وأخذوها وفتحوها وعينكم ما تشووووووف إلى النور
مخدراااااااات وحشيش وهروين !!!!!
وطبو علينا وحطوا الحديد بيدينا وسحبونا للسجن
وحكم علينا بالسجن لخمسه وعشرين سنه مع الأعمال الشااقه
فصرختت الله لا يبااارك بعدوينكم
أنا وش جابني معكم
تهؤ تهؤ تهؤ
وأنتهت الرحله بالنهايه المأساويه
وإنا للله وإنا إليه لراجعون
مابعد النهايه
يقولون : توفي بعد دخوله للسجن بشهرين وهو يبلغ من العمر 99 سنه
رزه : بنالهم السجن ونفذ دروس الهندسه بحذافيرها
محششة مزركشة : مطيحه المياااانه مع جميع عمال السجن والمسجونين
مستحي : يبكي على خوية الضرماوي يبي يرجعلها
"رجة بس رزه " : صارت تهذي بفزاع ومكرمه ملكيه يقدمها لها وكتبت قصص الدنيا وخواااااطر كثر
ووزعتها على المسجونين هديه مجااانا
يلا مع السلامه وأبي رايكم
ومنكم السموحه لو غلطنا عليكم <<< قولي قاااااا خخخخخخخخخخخخخخخ
ترا الموضوع ملطوش مع تغيير الأسماء هع
تشاااااااااااااااااااااااااااااااااااااااااااااااا ااااو
التعديل الأخير تم بواسطة : رجة بس رزه بتاريخ 06 Oct 2006 الساعة 05:17 AM.
|
اليوم
