سأكتب عن صديقاتي


فقصة كل واحدة


ارى فيها .. ارى ذاتي


ومأساة ..كمأساتي


سأكتب عن صديقاتي


عن السجن الذي يمتص اعمار السجينات

سأكتب عن صديقـــــــــــاتي

صباحكم ومساءكم طااهر,مأخوذ من قلوبكم الطاهره


لى فتره احاول ان اكتب فى كذا قضيه بس الوقت مااسعفنى


وانشالله اليوم بطرحها اجمالا قد تكون مكرره فاعذروني سلفا


وانتظر تفاعلكم ومناقشاتكم بدون مثاليات ولاتلميع


بداية اوضح ان كل مااسأكتبه صحيح وعايشته مع صديقاتي وسااطرحها لكم وانتم الحكم


بدايتي عن خطيئه الشاب وااجرامه واسمحولى فهى اقل تعبير عما سااوضحه خصوصا ان كانت فى حق محارمه


دائما نسمع "ان خطأالشاب ليس كالفتاه"


وان البنت اللى تخطي تكون بداية لنهايتها ,فعشان كذا البنت فى الغالب خرجاتها محدوده ومعروفه وفى الغالب تكون فى البيت


بس لما المصيبه تجيها من اقرب الناس لها وهوه اخوها؟؟ لمين تلجا هنا


اذا اخوها سندها بالدنيا يعتدي عليها فين بتحس بالامان او الثقه تجاه اي احد


ولما تتجرا وتكلم امها ويوصل الموضع للأب تطلع هيه الغلطانه !!! كيف ماادري


وتعامل كمجرمه, والاخ البرئ يعامل بكل الحب والتدليل


لحد يقول ان المسكينه يمكن تساعد على اعتداء اخوها لها باي تصرف كان ,بالكعس كانت نايمه فى امان الله وهوه اللى جاها لغرفتهاو......

ثانيا:كلنا عندنا سواقين واغلب مشاويرنا تكون لوحدنا كبنات كبار بس اش يصير بالسياره لما اي وحده تكون لوحدهاوالوقت طويل وشوارعنا زحمه؟


صديقتي الاخرى بعد كل يوم تحكيني عن سواقهم والهمز واللمز اللى يصدر منه بس هيه تحاول تستغبي؟؟وغير كذا داائمة الصمت فى السياره حتى جوالها صارت ماترد عليه عشان مايتلكك السواق ويتكلم معاها ولانها تعرف اهلها وكيف بيتصرفون مع الموضوع.


بااختصار وصل السواق بجراته او ببجاحته انو يعبر لها فى يوم عن حبه وانه دايم التفكير فيها ,طبعا كلكم يعرف اللى فى ذهنه واش ورا الحب المدعى


وقتها قدرت ترد على السواق وكان نفسها الموضوع يوصل لااحد اخوانها ,,بس لعلمها بااخوانها وانهم من الاساس معترضين على السواق فهيه الملامه فى المقام الاول ,, وبيقولون لو ماشاف منك شي كان مااتجرا واتكلم لان له عشره عمر معاهم وعمرهم ماشافو منه شي الا بيقولون مصلي ويخاف الله وو..


اترك لكم التعليق

صديقه ثالثه لاتسنطيع الخروج من البيت الا بعد صدور موافقه كليه من مجلس العائله, طبعا والسبب كلام الناس واش يقولون على طلعاتك؟؟


وفقها الله ببعثه " لفرنسا" عايشه الان لوحدها هنااك وامورها تمام وفى اعرق الجامعات هناك ومتميزه


الزبده انها تكره تجي للاجازه فى السعوديه, تقول ماااقدر اطلع من البيت الا بطلعة روحي


كل مااقول لهم انا عايشه فى فرنسااااااا لوحدي يعني انشالله الثقه موجوده


يردون عليها احنا عارفينك تمام ومانشكك فيك بس المشكله كلام الناس اش يقولون وهما يشوفونكم طالعين داخلين؟؟ الناس بتتكلم على وانا طالعه من بيت اهلى وداخلتله بس ماراح تتكلم وانا عايشه لوحدي وفى فرنسا؟؟؟؟ عقوووووول


النماذج المحزنه المضحكه كثييير لكن انتظر تعليقاتكم


فى تناقضات غريبه فى مجتمعنا ونماذج تسئ كثيراااا


بس الاهم ان البنات ينظلموون كثير وعليهم ضغوط اكثر


واحساسهم بالامان يكون معدوم فى ظل هذه النماذج من العوائل


اعتذر عن القصور والاطاله


لكم شكري


ولاتحرموني تفاعلكم