شباب في حاره وحده والي يجمعنا شي وحد هو (الطهبله)<<معناها الهبال وهاذا الي يميزنا عن غيرنا (شرشر)لقب رائيس شلتنا (زرزور) واحد من الشله موجود وكنه مو موجود (فرفو)دلوع الشله حنا من سكان حي الخليج بالرياض الموهم بقولكم سولفنا ندخل بالموضوع مره تجمعنا وتفقنا انا نسوي مصيبه اتفقنا نركب لموزين ويوصلنا لمكان ونفقع الموهم ركبنا الموزين وصلنا للنسيم وخلينه يوقف جنب عماره تنبني قالت (بدينا) <<هاذي كلمه مشفره بيننا هي كلمة السر الموهم وحنا ننزل من السياره ونركض بسرعه (فوفو) يمشي ويوقف ياخذ له نفس ويمشي خكري مايستحمل يركض بسرعه الموهم دخلنا العماره كلنا وحسينا بالامان انا معاي جوال ابو كشاف<< الله يرحم الحاله الناس معاها بلاك بيري وانا جوال ابو كشاف الموهم نكمل سالفتنا انا ولعت نور الجوال انا اتذكر ان حنا ثلاثه وشلون صرنا اربعه اكتشفت اخر شي ان الي معانا الرابع صاحب الموزين انا سئالة صاحب الموزين وشفيك جيت معانا وخليت السياره شغاله قالي ياخي خوفتوني انا شفتكم تقولون بدينا وهجيتو انا قلت ممكن الحرب بدت جلسو يضحكون ومن حسن حظهم صاحب الموزين سعودي تفاهمو معاه وقالوله حنا بصراحه مامعانا فلوس وهجينا الموهم بشوف((ردودكم على القصه علشان نكمل الموضوع)):286: