ويلوموني لا قلت استحــــي~

وحيدة الدرب · 02 Feb 2010, 01:30 AM

ويلوموني لا قلت استحــــي~

مخش..~

جبت لك ابيدي ابتسامات العمر
ليه تكسرها على اطراف الشفا

شوووووف شوووووف
بعثرني احتياجي للنظر
شوف وجهـي إمـتـلا منكـ بـ/ أفـــــا

اصلا انتي معقدة ,,,,, ياربــــي مسوية نفسها ملتزمة ,,,,, عيشي حياتك وسيبيك من هالعقد ,,,,,, ترى والله على هالتعقيد بتشيبين قبل وقتك ,,,,, يا شينك لا صرتي تتكلمين زي جداتنا ,,,,, يووووه يا ....... بطلي حركات العجايز هذي وخليك بنت فري .................الخ
هالكلام اسمعه كل ما تناقشت مع وحده عن عاداتنا في البيت وفي الشارع وفي أي مكان
كل ما اقول لا عيب والا استحي يجيني مثل هالكلام وان اختلفت الاساليب ,, صحباتي( الا كم وحده وهـ فديتهم انا يا ناس مدري متى برجع واشوفهم مرة ثانيه ) ,, بنات الجيران ,, طالباتي ايام التطبيق ,, واخر شئ البنات بالمعهد ..

ومن نقاشنا حسيت ان الحيا بدا يخرج من الناس شوي شوي
هذي تتكلم مع رجال غريب وعينها في عينه .. وهذيك تتمشى قدام ابوها واخوها بالبنطلون والقصير والمفتح .. وهذاك يسحب الباكيت ويولع السيجارة قدام ابوه وعمانه ... والثاني يتفشخر بصحباته قدام الله وخلقه ... والثالثه ترفع صوتها على رجال اجنبي ... والرابعة تطقطق بالعلك قدام اللي اكبر منهاا ... والخامسه مطيحه الميانه وتنكت على البائع وغيرهم كثيــــــــــــــــــــــر نماذج شفتها اللي لو بجلس اعددهم راح تقول الصفحه خلاص فهموا يرحم والديك
انا بصراحه ضغطي مرتفع من هالموضوع

يا ناس عيـــــــــــــــــــــــــب وربي عيب
غير انه عيب فيه اشياء حرااااااااام

يعني عشان اكون وحده فله وواحد فري وبنت عصريه وولد كوول انسى الحياء
ماشفت اهالينا صاروا معقدين عشانهم محافظين على حياهم ولا الحمد لله طلعت فينا عقد نفسيه عشان محافظين على حياءنا
بالعكس بسم الله علينا وهـ فديتنا كلنا مل وقبله وحيا
عايشين حياتنا بدون أي تجاوزات للحرام ولا العيب نطلع ونتمشى ونضحك مع اهلنا وننكت على بعض ومبسوطين بحياتنا
الزبدة :
ما فيها شئ لو كنت مبسوط/ـة وفله وعصري/ـة لو تمسكت بحيائي
وما ازود على قول معلم البشرية سيدنا محمد صلى الله عليه وسلم "" الحياء لا يأتي الا بخير ""

منحش..~~

المخش اهداء لـ لاب توبي العزيز واحب اقوله استح على وجهكـ يكفي فشايل

هل اعجبك هذا الموضوع اذا اضغط على هذا الزر فقط لكي ترشحه لغيرك

الموضوع الاصلي : ويلوموني لا قلت استحــــي~ || المصدر : منتديات

Nks · 02 Feb 2010, 03:38 AM

جـــــــرح "

محدٍ يلم الجرح مثلي بهمه
لاصار همي يعطب الجرح بسكات

اخفيت جرحٍ نازفٍ كل دمه
حتى غدى نزفه مع الوقت قطـــرات

صدري ولابه هم الى ولمه
كنه لجمع الضيم يجمح بــفزعـــات

جسمي براه الهم عجلٍ وسمه
والقلب ماتسمــع له اليوم خفقات

الحال يوم أقشر الوقت طمه
غدى علي من الزمن عشر صكات

عندي شواهد من دلايله جمه
منها يشااف وبعضها فيه مخفاات.

إقتباس:

اصلا انتي معقدة ,,,,, ياربــــي مسوية نفسها ملتزمة ,,,,, عيشي حياتك وسيبيك من هالعقد ,,,,,, ترى والله على هالتعقيد بتشيبين قبل وقتك ,,,,, يا شينك لا صرتي تتكلمين زي جداتنا ,,,,, يووووه يا ....... بطلي حركات العجايز هذي وخليك بنت فري .................الخ
هالكلام اسمعه كل ما تناقشت مع وحده عن عاداتنا في البيت وفي الشارع وفي أي مكان
كل ما اقول لا عيب والا استحي يجيني مثل هالكلام وان اختلفت الاساليب ,, صحباتي( الا كم وحده وهـ فديتهم انا يا ناس مدري متى برجع واشوفهم مرة ثانيه ) ,, بنات الجيران ,, طالباتي ايام التطبيق ,, واخر شئ البنات بالمعهد ..

ومن نقاشنا حسيت ان الحيا بدا يخرج من الناس شوي شوي
هذي تتكلم مع رجال غريب وعينها في عينه .. وهذيك تتمشى قدام ابوها واخوها بالبنطلون والقصير والمفتح .. وهذاك يسحب الباكيت ويولع السيجارة قدام ابوه وعمانه ... والثاني يتفشخر بصحباته قدام الله وخلقه ... والثالثه ترفع صوتها على رجال اجنبي ... والرابعة تطقطق بالعلك قدام اللي اكبر منهاا ... والخامسه مطيحه الميانه وتنكت على البائع وغيرهم كثيــــــــــــــــــــــر نماذج شفتها اللي لو بجلس اعددهم راح تقول الصفحه خلاص فهموا يرحم والديك
انا بصراحه ضغطي مرتفع من هالموضوع

يا ناس عيـــــــــــــــــــــــــب وربي عيب
غير انه عيب فيه اشياء حرااااااااام

تحيـــــــــه لشخصك الكريــــــم ,,

يااامســــــاء السعـــــــد ياااعمــــه ,,,

والله ياااختي صــــار فعلا الحيــــاااء معدوم جـــدا جدا الى حـــــد كرمكم الله الجــــــزمه << وأقولهاا لسبب .

لو قلت لكم وصل الحال الى أن تجي وحده وتفتح عليك بااب السياره وتاخذ

القلم من جيبك وتكتب رقهماا وتقول أتصل على وأرسل مسج ..بتقول مااهو بصحيح .وأتمني من الله أنه يكون كــــذا ..

ياااوحيده أول أذكر أن الشباب اللى يطاردون وهم اللى يغازلون

ويرقمون ..هالحين العكــس ..أول كان الرجل هو اللى يسعر ويفااصل مع البائع << هالحين صار تقل ثور ..المرأه اللى تسعر وتكاسر وهو الحمار اللي يدفع ..يعني حتى هنااا..أشوف الحياء سقط عند الاثنين ..هي مااأستحت من سي سيد اللي معها ..وهو مأستحي على وجهه وقبل الموقف عند رجل مثله يتضحك مع زوجته << لا واللى يفقع القلب ..أنهاا متكشحه كأنها رايحه زواج واللبس لو جت عريانه ابرك لهاا << لا حظي أنه راضي وواقف بعيد يتفرج << هذا يسمونه التطور والتحضر أنك تصير لا حمار ولا ثور << جااى
بالنص << اتوقع هذا التهجين اللى يقولون عنه ..

...

لو اتكلم من هناا الى بكره أحس أني مااوفيت الموضوع حقه ..

أخر موقف صار معي كنت بسوبرماركت كبير أشوى ..المهم معي عربيه
وأدف اغراضي وأسمع اصوات بنات من بين الرفوف طلعوا بوجهى وأنا عكس دربي ورجعت لان الممر ضيق اشوى ..ماكان معااهن عربيات ..وأنا طاالع كل وحده تطلع لى بعربيه ويسدون الممر ..أنا بأخر الممر ومتوجهه للكاشير ..عربيااتهم فااضيه فالاحقيه لي بما أنهن بأول الممر .قلت لو سمحتي اختى طلعى العربيه قالت لا شوف اللى معي ممكن تطلع عربيتهاا ..التف على الثاانيه طلعي عربيتك لو سمحي ..مين أنا ..أنت تقصدني ..لا لا أكيد تقصد اللى جنبي ..عدت الكلام للى جنبهاا ..قالت ياااخي أنا مستحيل أطلع عربيتي ..روح مع الطريق الثااني ..حسيت أني وقتهاا صرت مهزله بينهن ..قلت لااااااا بووووووووكم ولا بووووووو السبرماركت ولا ابووووووو اغراضي معكم وطلعت ومشيت وخلت كل شى ورااى..والله قهر قعدت فووق نص سااعه اجمع وبالاخير اطلع بدون اغراض :00017:

يعنـــــــــي الوضـــــــع مزري ياااوحيده ...

مخــــــــــــرج ..

وجهت يم اللي وجه الخلق يمه
اللي له بعسراات هالوقت وقفاات

اللي تعمه نعمتك فانت عمه
تمكنت في مسندي كل حسناات

يجيك من هو جارف السيل خمه
زل القدم في وادي الموت ولامات

كف الشقى تله على الصدر ضمه
مامات لكن يسبق الموت سكرات

قرب لي المكلااب فالنار حمه
أكو الصويب اللي حرم كل لذات

أكوا الذي على جرحه مع الوقت رمه
عل الحشاا يفرغ من الكبت ونات

من ذمنا جاله من الناس ذمه
ومن يطعنك فالخلق يبشر بطعنات

كلٍ يحااسب بالقضا هرج فمه
من زل مره عدها عشر زلاات

حضيض من عقله عن القاع زمه
يرفع سمات الفكرعن كل عثرات

« حـلآ » · 02 Feb 2010, 10:17 AM

إقتباس:

لااااااا بووووووووكم ولا بووووووو السبرماركت ولا ابووووووو اغراضي معكم

^
آحلـىىىى .. عصبـي :grins:

صـح لسـآنـك آختي وحيـدة ..

وآللــه لـو بـ نتكلـم عـن هـ المـوضـوع رآح نسهـب فيـه حـد الجـآئـع !!

الحيـآ سـآر نــآدر جـدآ في زمـاننـآ ..

و الشي اللي يقهـر لمـآ يقـولو [ لا تسيـري معقـدة ]

وووجـع .. عمـرهـ التطـور ما كان بـ فسـخ الحيـآ

وحيـدة لـك بـآقـة ورد على مـوضـوعـك الرائـع

عـوآفـي :00017:

نسائم فجر · 02 Feb 2010, 12:05 PM

أول شي

بقولكم على شي ألحين مالاحظتو اللي أنا لاحظته

طيب بعلمكم وش لاحظت الدكه صارت قسم عام يعني مفتووح للجميع :m62:

بس لا أوصيك يانكس لاشفت الأعضاء يتغلوون روح وخله خاص

*******************

نرجع لموضوع وحيدوه

والله إنك صادقه بكل حرف كتبتيه

الحيا صار معدووم

ويمكن السبب نتيجة للكبت اللي عاشووه البنات والحريم

لأني أشووف بنت تجيك من أسرة ملتزمه وكل شي تمام

بس لما تدخل الجامعه

تصير كأنها طلعت من سجن أبو غريب >>محد حولها ولاعليها كل شي حرام صار

حلال

وكمان شي ثاني من أحد الأسباب المهمه في هذي الاوضاع السيئة والمترديه

الناس صاروا ماينكرون المنكر

صرنا نشووف أشياء وأشياء بس محد قادر يتكلم وليش مدري ؟؟؟

لين أصبح الوضع عادي عند الأغلبية يعني لاتستغرب لما تشوف بنت وقحه

ماتستحي ، ولاتستغرب لما تشوف وحده مخصرة العبايه في السوق وريحة عطرها

واصله لآخر الشارع

ولاتستغرب لما تشووف

بنت تغازل وتكلم شباب

أيضا اضيفي إلى الاسباب : كلمات الناس وألسنتهم فصاروا يربطون التقدم

والتحضر بالانحلال من مبادئ وقيم الدين الاسلامي !!على اعتبار ان الاسلام دين

تخلف ورجعيه وهذا كله تخطيط الدول الغربية

الله المستعان بس ،،

أول ما فتحت موضوعك ياوحيده على طوول تذكرت قصة فاطمة رضي الله عنها

تستحي وهي في الكفن

لما قالت لأسماء بنت عميس رضي الله عنها : يا أسماء إني أفكر في نفسي غدا

إذا أنا مت!!!والله إنّي لأستحي أن أخرج عند الرجال في وضح النهار

ليس عليّ إلا الكفن !!!

^^^^
يالله تستحي في موقف زي كذا ومين اللي بيطالع ويناظر فيها والموقف عزاء

وكل اللي يحملونها على النعش هم من خيرة صحابة رسول الله عليه أفضل

الصلاة والتسليم

فماحال بناتنا اليوم لايستحون

وشو فينا وش اللي جرى لنا منتديات:

الله يسترنا ويهدي الجميع

بجد حتى أنا حالي من حالك مستغربه من هالوضع

/
/
/

يعطيك ألف ألف عافيه أبله وحيده

عالموضوع الرائع والطرح الخفيف

وللحديث بقية إن قدرت

بنت الشيوخ · 02 Feb 2010, 12:32 PM

يالبى المواضيع الحلوه والناس الحلوين

هلا والله وغلا بوحيدتنا الغاليه

موضوعك على الجرح ياقلبي
والحياء تقدرين تقولين شبه انعدم الا من القله القليله !!

يعني فيه اشياء عيب واشياء حرام ؟؟
ومع كذا الكثير استهان فيها لامن ناحية الشباب ولا البنات ..

بس لما نرجع للاسباب
تجدينها كثيره ومتنوعه من اهمها قلة التربيه ..وضعف الايمان والعياذ بالله

خذي لك كم مثال :grins:

* البنت لما ترفع صوتها وهي تكلم امها وكانها تكلم اختها اللي اصغر منها وتفرض رايها على امها وتعصب ((اعتبر هذا قلة ادب وقلة تربيه))
مدري كيف يسمحون بعض الامهات ان علاقتهم ببناتهم توصل هالمستوى ؟هل هو نوع من الحنان الزايد ؟او ضعف شخصيه؟ اوعدم القدره على تحمل المسؤوليه والتربيه؟؟
الله واعلم """

* الشاب لما يدخل سوق ويشوف البنت ماشيه مع اختها ومحتشمه وعباتها على راسها وفي حالها وينشب لها من محل الى محل ويوزع نظرات وابتسامات ويرفع جواله لها قدام الناس يعني خذي الرقم ((اعتبرها قلة حيا وضعف ايمان))

* البنت لما تستهتر في المدرسه وبالمعلمه اللي واقفه قدامها وتقلب عيونها وتاكل العلك وترد باستهتار وتحاول تصير خفيفة الدم قدام زميلاتها ((اعتبرها قلة حيا واحترام))

* الشاب لما يقلل من رجولته وهيبته ويلبس ملابس تخل بالحيا ويغير بشكله على باله مواكب الحضاره والموضه بلباس
تستحي العين انها تشوفه ((اعتبره قلة حيا وتنازل عن الرجوله))

الامثله تطول وتكثر بهالمجال !!!

(ان لم تستح فاصنع ماتشاء)

بس مافي يدينا شي غير اننا ننكر المنكر قدر المستطاع ونتمسك بتعاليم ديننا وعادتنا مهما وصفونا بالتخلف والرجعيه
بالنهايه مافيه مثل الحياء وخآآآآآآآصتن للبنت والله ان حلاها بحياها ..

وفي الحديث ((الحياء شعبه من شعب الايمان ))
ولنا في الصحابيات اروع الامثله التي سجلها التاريخ خاصتن قصة عائشه رضي الله عنها
لما توفي الرسول صلى الله عليه وسلم وابوبكر دفنا في بيتها ..زوجها وابوها

لكن لما مات عمر ودفن معهما قالت : والله انني استحي ان اخلع ملابسي ببيتي لعلمي ان عمر موجود
مع انه ميت !! ولكن انظري الى حيائها ..

الله المستعان اين حال هؤلاء من حال عائشه ..

يعطيك العافيه وحووووده طرحك ولااروع استمتعت وانا اقراه وحتى وانا اكتب الرد
لاتحررمينا طلتك يالغاليه
وعذرا على الاطاله

سراب ! · 02 Feb 2010, 03:23 PM

إيييه والله شي يقهر

كل ماقلت ولاجيت انصح

قالوا معقده ولا مطوعه

وتجي سبه وش يعني

مطووعه والله لي الشرف بس اتمنى اني اكون قد الكلمه دردشة بنات شات

وهالحآآآل احيان اقرب شخص ينصحك بإنك فري وخرآبيطه

وخآآصه الصآحبآت وكذا

يعني يرتفع ضغطي لما اكون وسط كم بنت وكلهم ميااعه ومدري وشووو

وعن صاحباتي ذحين لا الحمدلله ولو يسوى شي كلا بحآآله مااحد ناقص ذنب غيره يدلهم على اشيآء سيئه

بس احيان تجي مع بنات من النوعيه اللي تقهر

احاول انصحهم ولو يطلع منهم كلام يجرح

بس استحمل

يعني انصح صح كم مره وادعي ربي يهديهم

واروح بس ماارضى احد ينصحني اسوي شي غلط

واقولها تبي تسوي الغلط بنفسك لاتجرني معك

وعلى الحيآآء ليش تقولون انعدم

اشوف مهما كآآنت الوحده ترجع تستحي بس الحآل اللي هي فيه يخليها ماتبين

بس حقيقه بينها وبين نفسها

اظن حتى تستحقر نفسها من اللي تسويه

بس زي مايقولون مع الخيل ياششقرآآ..!!

فمااقول الحياء عدم لهالفئه بس اقول مخبى مستوور

وانشااء الله يطلع بس يبي من ينصحهم ويستمر ويشدهم

وقلتيهآآ وربي فالينها وعايشين حياتنا

بدون مانتعدى من الشريعه بشي

بالعكس ظمن حدود الشريعه يكون احسن واريح وافضل لك بعد

وترتآآآحي نفسياً حتى

احس يبي لها كلام كثير

بس ذا ع السريع

يعطيكي العآآفيه وحيدووه

حنـــوو · 02 Feb 2010, 10:45 PM

الي اختشووو ماتوو واللهي :x9:

يقولون لهالمثل قصه صغنوونه والله اعلم .. يقولون ان مرة من المراريت

دخلو جماعه من اخوانا المصاريا منتجع للسوانا ايام ماكان من الخشب الحاف

وبطبيعة الحال عشان الواحد فيهم يضبط نفسه هناااك لازم يحشر نفسه وهو عاري

عشان تضبط الساونا يعني .. فشبت حريقه كثييير منهم طلعوو ملط مثل ماهم يتجارون على براااا

وبعضهم استحى يطلع املط .. فماااتو بالحريق

بغض النظر عن صحتها من عدمها الا انه فعلاااااا اللي استحوو ماتو الا من رحم ربي

اختلطت كثيييييييير من المفااهيم لتصبح مقولبه في قوالب منافيه لاساسهااااا

مثل الزوااااج الي كان قبل سعيا للستر والاستقرار .. الحين صار فشخره .. ومظاهر وفلوس تنكت لها اول مالها تالي

الحيااا قبل كان خلق نتخلق فيه .. كان شعبه من شعب الايمااان .. كاااان اااساس وصلب المسلم

الحين عند الكثيييير الحياااا .. مجرد صفه نجهل طبيعتهاااا .. او بالاحرى ننفر منهاااا لانها ترتبط عند العقول المريضه بالعقد النفسيه

مرة سمعت وحده تقول طالما انك تستحي ماراح تقدري تعيشي !!!!

من متى الحيااا يمنعني اعيش حيااتي طبيعي ؟

المعقد هو اللي يصيغ المفاهيم على طريقته الخاااصه عشان يحورهااا لصيغه تناسب مبتغاه

المتزمت فعلااا هو الي يزيف الحق بالباطل ويصووووره بصوره تناااسب مخيلته المريضه

لذلك ياوحوووده .. اذا حياااك تعقيد فيااا محلاها من عقده .. :m7shsh (8):

ليت كل الناااس معقده هيك

سوري على الرد الطاااير

حنوو

وحيدة الدرب · 02 Feb 2010, 11:02 PM

إقتباس:

تحيـــــــــه لشخصك الكريــــــم ,,

يااامســــــاء السعـــــــد ياااعمــــه ,,,

مساءك اسعد طال عمرك

إقتباس:

والله ياااختي صــــار فعلا الحيــــاااء معدوم جـــدا جدا الى حـــــد كرمكم الله الجــــــزمه << وأقولهاا لسبب .

لو قلت لكم وصل الحال الى أن تجي وحده وتفتح عليك بااب السياره وتاخذ

القلم من جيبك وتكتب رقهماا وتقول أتصل على وأرسل مسج ..بتقول مااهو بصحيح .وأتمني من الله أنه يكون كــــذا ..

اجل اسمع صديقتي وش صار مع اخووها

تقول دخلت محل والمحل كان ملياااااااااااان حريم واضطر اخوها انه يبقى برا
عشان زحمه الحريم
ولمى طلعت من المحل لقيت وحده واقفه قدام اخووها يفصل بينها وبينه اقل من نص متر
وتمسح على كتفه ودخلت الرقم في جيبه
واخوها مسكين واقف متبلد لاصق بالجدار مو عارف كيف يتصرف
وهذي وقت ما شافت اخته جايه قالت له انتظر اتصالك بالليل ترى انا احسن من هالقرويه
وتركته وراحت

شفت وقاحه اكثر من كذا وقله حيا

إقتباس:

أول كان الرجل هو اللى يسعر ويفااصل مع البائع << هالحين صار تقل ثور ..المرأه اللى تسعر وتكاسر وهو الحمار اللي يدفع ..يعني حتى هنااا..أشوف الحياء سقط عند الاثنين ..هي مااأستحت من سي سيد اللي معها ..وهو مأستحي على وجهه وقبل الموقف عند رجل مثله يتضحك مع زوجته << لا واللى يفقع القلب ..أنهاا متكشحه كأنها رايحه زواج واللبس لو جت عريانه ابرك لهاا << لا حظي أنه راضي وواقف بعيد يتفرج << هذا يسمونه التطور والتحضر أنك تصير لا حمار ولا ثور << جااى
بالنص << اتوقع هذا التهجين اللى يقولون عنه ..

هذا اللي حاصل وربي
تلاقيه واقف ومكتف يدينه والحرمه هي اللي تتكلم وتكاسر وتاخذ الكيس
وتجر هالاهبل وراها مثل الحمار

اما اللبس
فحدث ولا حرج
قسسم بالله مناظر استحي انا يالبنت اشوفها من بعض الحريم
ويقولون من ايش الغلاء وقل المطر والمصايب اللي تجينا هذي
طيب شوفوا انتوا وش تسوون اول

الله يرحمنا بس برحمته

سلمت طال عمرك ولا هنت
وترى اعجبوني المدخل والمخرج اللي حطيتهم

وحيدة الدرب · 02 Feb 2010, 11:10 PM

إقتباس:

صـح لسـآنـك آختي وحيـدة ..

وآللــه لـو بـ نتكلـم عـن هـ المـوضـوع رآح نسهـب فيـه حـد الجـآئـع !!

الحيـآ سـآر نــآدر جـدآ في زمـاننـآ ..

و الشي اللي يقهـر لمـآ يقـولو [ لا تسيـري معقـدة ]

وووجـع .. عمـرهـ التطـور ما كان بـ فسـخ الحيـآ

وحيـدة لـك بـآقـة ورد على مـوضـوعـك الرائـع

عـوآفـي :00017:

حبيبتي هنا المشكله
خلط المفاهيم وربطها ببعض رغم انه ما فيه اي صله ربط بينهم

يعني التطور والتحضر وان الانسان يكون عصري يصير وقت ما يكون الشخص مثقف ومتعلم وفاهم الحياه وملم بكل جديد فيها

اش الرابط العجيب بينهم وبين فسخ الحيا مدري
ما لقيت اي صله ربط بينهم ابدا

مس حلا
بستان من الورد لك ولردك الرايق
:m7shsh (8):

وحيدة الدرب · 02 Feb 2010, 11:32 PM

نسائم فجر

إقتباس:

أول شي

بقولكم على شي ألحين مالاحظتو اللي أنا لاحظته

طيب بعلمكم وش لاحظت الدكه صارت قسم عام يعني مفتووح للجميع :m62:

بس لا أوصيك يانكس لاشفت الأعضاء يتغلوون روح وخله خاص

هههههههههههههههههههههههههه

ملاحظه خطيرة يابنت
ياخووفي بس تكون من اثر الاختبارات عليك :grins:

إقتباس:

ويمكن السبب نتيجة للكبت اللي عاشووه البنات والحريم

لأني أشووف بنت تجيك من أسرة ملتزمه وكل شي تمام

بس لما تدخل الجامعه

تصير كأنها طلعت من سجن أبو غريب >>محد حولها ولاعليها كل شي حرام صار

حلال

الله يرضى عليك بس
اي كبت واي ضغوط
هذا كله كلام فاضي طلعوه عشان يخففون شوي من المصايب اللي تصير
نقول كبت لمى تلقينها مقفول عليها في غرفه ولا تطلع ولا تروح ولا تجي
ما انكر وجود ناس مثل كذا بس تراهم اقل القليل
حتى ما يذكرون

هالفئه اللي تقصدينهم ممكن يكونون متربين ان الحيا عاده مو عباده
عشان كذا بس تخرج البنت من مجتمعها تلاقينها تتفسخ اللهم ياكافي
اما الكبت ابدا مو سبب
يعني عشان البس اكون مكبوته
وعشان افك الكبت اروح اتفسسخ

ابدا مو منطق

إقتباس:

وكمان شي ثاني من أحد الأسباب المهمه في هذي الاوضاع السيئة والمترديه

الناس صاروا ماينكرون المنكر

صرنا نشووف أشياء وأشياء بس محد قادر يتكلم وليش مدري ؟؟؟

هنا اتفق معاك
زمان كانوا اللي ما يمنعه حياه من ربه يمنعه حياه من الناس

الحين الحيا راح لا من ربهم ولا من الناس
الله المستعان بس

إقتباس:

أيضا اضيفي إلى الاسباب : كلمات الناس وألسنتهم فصاروا يربطون التقدم

والتحضر بالانحلال من مبادئ وقيم الدين الاسلامي !!على اعتبار ان الاسلام دين

تخلف ورجعيه وهذا كله تخطيط الدول الغربية

وهذا ايضا ناتج عن الصورة اللي انرسمت في اذهانهم بطريقه غير مباشرة من خلال الافلام والبرامج الاجنبيه

يصورون لنا انهم الافضل لان الحريم عندهم يشتغلون مع الرجال وانهم كلهم يد وحده وهذا اللي ساعدهم انهم يبنون دولتهم وحضارتهم
في حين انه في الحقيقه اخذوا حضارتهم من العرب

وقصه عائشه ام المؤمنين خير دليل
كانت عالمه وفقيهه وحافظه لكتاب الله وزوجه اشرف الرسل
وهي متمسكه بدينها وبحياءها

إقتباس:

يعطيك ألف ألف عافيه أبله وحيده

عالموضوع الرائع والطرح الخفيف

الله يعافيك حبيبتي
ردك الاروع وانتظر عودتك

яάŋΌόΌšђ · 03 Feb 2010, 11:36 AM

آآآآآه يا وحيدة

ويعتبون عليكي ليه ملتزمة
من متى كان الالتزام والحياا شي نعتب عليه

كثير اقوول هالتطور والتقدم خلاناا فعلا نتخلى عن قيمنا وعاداتناا سواء اللي فرضهاا عليناا الدين الاسلامي او اللي فرضهاا المجتمع

هل التطور هو انه البنت تتحدث مع رجل غريب ، لا وأهلهاا يقدمون لهم القهوة والحلوياات << كثير صارت عناا على اساس شو ( أصدقاء )

طيب وين رح الالتزام بأحكام الشريعة الاسلامية
وين رح تعليم ابناءناا وغرس المبادئ والقيم السليمة اللي تحافظ عليهم وعلى مستقبلهم
ومنهاا الحياء ،،

الاسرة الصحيحة هي من تغرس قوة الايماان بالله والتقيد يتعاليم الاسلام قبل غرسهاا للمبادئ والعادات

لان الدنياا بتتطور والتطور للأسف كثير ما ينادي بتغير عاداتناا واخلاقناا بحجة انهاا قديمة ومعقدة
لكن الانسان المؤمن مثل ما يقولون ( ما يهزه ريح )
لا كلام الناس ولا معتقداتهم الجديدة والمخالفة لتربيتنا واسرتناا

على العكس نعتز بحياءناا كمسلمين ونعتز بأهلناا لاتخاذهم المنهج السليم في تربيتنا على الحياء وعلى الاخلاق الاسلامية كاملة باذن الله ..

وحيدة:m7shsh (8): موضووعك جداا رائع ويحتاج كلام كثير ،، لكن اللي قبلي ما قصرواا

يعطيكي ويعطيهم الف عافية

ولا تهتمي لكلام من يقول عن الالتزام والحيا هو تعقيد

لان اول ما يتصف فيه هو قلة الايمان والاحترام

وكل الحب والود لك يا عسل :m7shsh (8)::m7shsh (8)::m7shsh (8)::m7shsh (8):

kookoo · 03 Feb 2010, 03:40 PM

يا هلا والله وحيده

اول شيء بقولك شيء

الحياء شيء حلو

وبصراحه موجود كثير فينا رجال ولا نساء ولا اقدر احكم انه انتهى مننا ابد لأنها فطره بشريه ماتروح الا مع نهايتنا

بس انتي مثلاً قلتي على البنت اللي تلبس عند اهلها قصير ومفتح باخذه كمثال بس

انتي تشوفين انه عيب واللي تسويه ما تستحي

ممكن انا اشوف انه عادي وشيء طبيعي محارمها او تربيتها ومجتمعها يقول كذا

بس فيه اشياء انتي تسوينها ممكن اشوفها عيب واستحي على وجهك

يعني بس انا ابي اوضح لك ان الحياء ما انتها ولا بينتهي
بس تتغير مفاهيم الحياء من شخص الى اخر

ومب كل الأشياء اللي انتي قلتيها عيب انا اتوافق معاك فيها

ونفس الشيء لو انا اللي كاتبه الموضوع رح اكتب نماذج مختلفه مع نماذجك

بس الشيء الوحيد اللي ممكن نتوافق فيه الحرام وممكن مب في كل الأشياء

إقتباس:

يعني عشان اكون وحده فله وواحد فري وبنت عصريه وولد كوول انسى الحياء

كلمات اكرها بجد يعني احس اللي يقولها مخلوق ماله اي كلمه في الحياة بس يسمع المتخلفين وش يقولون ويردد وراهم بزعم انه هاذا اللي يقولها شيء

إقتباس:

الزبدة :
ما فيها شئ لو كنت مبسوط/ـة وفله وعصري/ـة لو تمسكت بحيائي
وما ازود على قول معلم البشرية سيدنا محمد صلى الله عليه وسلم "" الحياء لا يأتي الا بخير ""

صح لسانك

واكيد مافيها شيء دام الأمر يوافق ديني ومبادئي

واحسن شيء بعد

سلام

وحيدة الدرب · 04 Feb 2010, 12:08 AM

إقتباس:

يالبى المواضيع الحلوه والناس الحلوين

انتي الاحلى حبيبتي :m7shsh (8):

إقتباس:

موضوعك على الجرح ياقلبي
والحياء تقدرين تقولين شبه انعدم الا من القله القليله !!

يعني فيه اشياء عيب واشياء حرام ؟؟
ومع كذا الكثير استهان فيها لامن ناحية الشباب ولا البنات ..

فعلا
وياليتهم بس استهانوا بالعيب الا بالحرام بعد على قولتك
الله يرحمنا برحمته

إقتباس:

بس لما نرجع للاسباب
تجدينها كثيره ومتنوعه من اهمها قلة التربيه ..وضعف الايمان والعياذ بالله

صدقتي
الناس كل مالهم وايممانهم بربهم ينقص
ليه مدري

إقتباس:

* البنت لما ترفع صوتها وهي تكلم امها وكانها تكلم اختها اللي اصغر منها وتفرض رايها على امها وتعصب ((اعتبر هذا قلة ادب وقلة تربيه))
مدري كيف يسمحون بعض الامهات ان علاقتهم ببناتهم توصل هالمستوى ؟هل هو نوع من الحنان الزايد ؟او ضعف شخصيه؟ اوعدم القدره على تحمل المسؤوليه والتربيه؟؟
الله واعلم """

* الشاب لما يدخل سوق ويشوف البنت ماشيه مع اختها ومحتشمه وعباتها على راسها وفي حالها وينشب لها من محل الى محل ويوزع نظرات وابتسامات ويرفع جواله لها قدام الناس يعني خذي الرقم ((اعتبرها قلة حيا وضعف ايمان))

* البنت لما تستهتر في المدرسه وبالمعلمه اللي واقفه قدامها وتقلب عيونها وتاكل العلك وترد باستهتار وتحاول تصير خفيفة الدم قدام زميلاتها ((اعتبرها قلة حيا واحترام))

* الشاب لما يقلل من رجولته وهيبته ويلبس ملابس تخل بالحيا ويغير بشكله على باله مواكب الحضاره والموضه بلباس
تستحي العين انها تشوفه ((اعتبره قلة حيا وتنازل عن الرجوله))

الامثله تطول وتكثر بهالمجال !!!

لو بنجلس نحط امثله من هنا لبكرا ماراح نخلص
بجد تشوفين اشياء ما ادري بس كيف يسووونها

انا ما يقهرني الا اللي يولع السجارة وابوه قاعد
طيب ابفهم بس هاللي قاعد قبالك وشو
كرسي مثلا يعني فوق قله ادبك وقاحتك

إقتباس:

بس مافي يدينا شي غير اننا ننكر المنكر قدر المستطاع ونتمسك بتعاليم ديننا وعادتنا مهما وصفونا بالتخلف والرجعيه
بالنهايه مافيه مثل الحياء وخآآآآآآآصتن للبنت والله ان حلاها بحياها ..

اكيد حبيبتي
وكثــــــــــــــــــــير ناس والله مايحليهم بعيون الناس الا حياهم

إقتباس:

يعطيك العافيه وحووووده طرحك ولااروع استمتعت وانا اقراه وحتى وانا اكتب الرد
لاتحررمينا طلتك يالغاليه

الله يعافيك حبيبتي
بجد بجد ردودك دايم تعطي الموضوع نكهه غير
الله يحفظك لغاليك

وحيدة الدرب · 04 Feb 2010, 12:28 AM

سبيشل

إقتباس:

مطووعه والله لي الشرف بس اتمنى اني اكون قد الكلمه

ايه والله

إقتباس:

وعلى الحيآآء ليش تقولون انعدم

اشوف مهما كآآنت الوحده ترجع تستحي بس الحآل اللي هي فيه يخليها ماتبين

بس حقيقه بينها وبين نفسها

اظن حتى تستحقر نفسها من اللي تسويه

بس زي مايقولون مع الخيل ياششقرآآ..!!

فمااقول الحياء عدم لهالفئه بس اقول مخبى مستوور

وانشااء الله يطلع بس يبي من ينصحهم ويستمر ويشدهم

احنا ما نقول انعدم نهائيا
لسى فيه ناس فيها الخير

يعني مثل ما قلتي
فيه ناس تفكيرها يبي له تصحيح
لانهم يظنون الحيا يردهم عن التقدم والتحضر

وممكن يكون كلامك صحيح تستحقر نفسها
طيب اذا انا احتقرت نفسي الناس الثانيه كيف بتشوفني
اكيد بتحتقرني زي ما انا احتقر نفسسي
صح والا لا

إقتباس:

يعطيكي العآآفيه وحيدووه

الله يعافيك

نسائم فجر · 05 Feb 2010, 06:22 PM

عدنا والعود أحمدو:119:

إقتباس:

نسائم فجر

هههههههههههههههههههههههههه

ملاحظه خطيرة يابنت
ياخووفي بس تكون من اثر الاختبارات عليك :grins:

هههههه شفتي كيف الملاحظة الجهنمية

لا أنا خلاص من الاختبارات الفيوز ضرب عندي

إقتباس:

الله يرضى عليك بس
اي كبت واي ضغوط
هذا كله كلام فاضي طلعوه عشان يخففون شوي من المصايب اللي تصير
نقول كبت لمى تلقينها مقفول عليها في غرفه ولا تطلع ولا تروح ولا تجي
ما انكر وجود ناس مثل كذا بس تراهم اقل القليل
حتى ما يذكرون

هالفئه اللي تقصدينهم ممكن يكونون متربين ان الحيا عاده مو عباده
عشان كذا بس تخرج البنت من مجتمعها تلاقينها تتفسخ اللهم ياكافي
اما الكبت ابدا مو سبب
يعني عشان البس اكون مكبوته
وعشان افك الكبت اروح اتفسسخ

ابدا مو منطق

كلامك صح ياوحيده ولا غبار عليه

بس كلمة (كبت ) تختلف من مجتمع لآخر ومن أسرة لأخرى ومن فتاة لأخرى

^^^
مدري فهمتيني وإلا لا>>> بس مافيني أشرح

************************************************

ونرجع للي كنت بقووله ألحين ياوحيده تتوقعين المرأة المسلمه وأخص بذلك الخليجية تخلت عن حيائها بين يوم وليلة طبعا لا ،، وإنما زي ما تفضلتي وقلتي

إقتباس:

وهذا ايضا ناتج عن الصورة اللي انرسمت في اذهانهم بطريقه غير مباشرة من خلال الافلام والبرامج الاجنبيه

والشرح هنا يطوول

،،،،،،،

بس في النهاية حبيت أضيف إضافه

لكل فتاة

تدعي الاسلام

ولم يمنعها إسلامها من أن تستحي وتتقي الله

يعني أقلها لو ماتستحين من الرجال استحي من رب العالمين

أستحي من اللي خلقك بما تملكيه من جمال وصفات خاصه تتفانين بها أمام الرجال والشباب

لأنه كما أعطاك هذه النعمه قادر على أن يسلبك إياها في رمشة عين

قادر على أن يعذبك بها في الدنيا والآخرة

وماذلك بمعجز رب العالمين

قلبي جنهـ · 05 Feb 2010, 06:45 PM

تصدقيين وحيدهـ من يوم مانزلتي الموضوع وانا اقوول برد ان شاءالله وكل يوم اقول اليوم الين الحمدلله فضيت ..:grins:

لأن الصراحه موضوعكـ جبتيه عالجرح..لأن قبل ماتنزلي الموضوع وانا متكلمه عن الموضوع هذا اقول لصديقاتي عن البنات اللي في الجامعه ..

اييه والله انهبلت من جد الحيا مافيهم حيا الا والله تفاخربقلة الأدب كل وحده تقول للثانيه انا اقل منكـ ادب <<اعوذ باللله..

بس خليها تتكلم معكـ تلقيينها بقمة الذوووق والاحترام يعني بس مع صديقاتها وانا اعتقد هالشي ان الشخصيه هذي تكوون فيها نقص..

اصلن مايحلى بالبنت الا الحيا يعني تيخلي لو مافيه حيايوووه وش تصصير ..

اقولك على سالفه سمعتها ..

فيه شاب خطب وحده وراح يشووفها على قوولتهم الشوفه الشرعيهـ .. ويقوول يوم دخلت البنت علي يقووول ماجذبني فييها الا حياها عرفت انها اخلاق ومحترمه من حياها ..

يعني شووفي ماجذبته بشعرها ولاعيونها ولاجسمها لا الا حياها ..

ولامرره صارمووقف بعيووني وكل مااذكرهـ اعصب <<حالتي صعبهـ..:m7shsh (5):

كنت في السوق ودخلت محل وانا اشوف الملابس الاويدخل واحد مشخص اخرتشخيصه وشكله مع امه او اختهـ ..وتيخلي ويدخلون بنتين وتأشرله على بلووزهـ تقوول تكفى اشتري لي اياها <<طبعن على تمييع ودلع ..

وهو مستحقرها ومتفاجأ من اللي تقول وصديقتها تقول حرام عليك اسمع كلامها ..ويضحكون ويطلعون ..وكل اللي بالمحل يناظروونهم وانا معهم وقسسم اوول مرره اشووف هالوقاحه تووصل كذا يعني من جد ماتستحي..

وقسسم طلعت من المحل وانا احمد ربي واشكرهـ على العقل يالله لك الحمد..

يعطيكـ الف عافيهـ وحيدهـ وربي موضوعكـ روعهـ وانا اقراهـ اقوول الحمدلله مو بس انا اللي ملاحظهـ هالشي..

تقبلي مروي..
قلبي جنهـ..:119:

وحيدة الدرب · 06 Feb 2010, 12:23 AM

حنوووو

إقتباس:

الحيااا قبل كان خلق نتخلق فيه .. كان شعبه من شعب الايمااان .. كاااان اااساس وصلب المسلم

الحين عند الكثيييير الحياااا .. مجرد صفه نجهل طبيعتهاااا .. او بالاحرى ننفر منهاااا لانها ترتبط عند العقول المريضه بالعقد النفسيه

مرة سمعت وحده تقول طالما انك تستحي ماراح تقدري تعيشي !!!!

من متى الحيااا يمنعني اعيش حيااتي طبيعي ؟

المعقد هو اللي يصيغ المفاهيم على طريقته الخاااصه عشان يحورهااا لصيغه تناسب مبتغاه

المتزمت فعلااا هو الي يزيف الحق بالباطل ويصووووره بصوره تناااسب مخيلته المريضه

لذلك ياوحوووده .. اذا حياااك تعقيد فيااا محلاها من عقده ..

ليت كل الناااس معقده هيك

هوووووووووووو ذا الكلام اللي انا اقووووله

يسلم بؤؤؤك يا حبيبتي
:m7shsh (8):

جد الحين اختلف مفهووم الحيا عند نااااااس كثــــــــــــــــــير

مدري مين المسؤؤل عن الاختلاف هذا وعن تغيير المفاهيم وقولبتها على قولتك

مدري هو الانفتاح على العالم والا اصلا بعض الناس متذمرين منه من الاساس وما صدقوا على الله ينفتح لهم باب

مدري بس

وحيدة الدرب · 06 Feb 2010, 12:33 AM

ام رند :m7shsh (8):
حياك الله منورة

إقتباس:

هل التطور هو انه البنت تتحدث مع رجل غريب ، لا وأهلهاا يقدمون لهم القهوة والحلوياات << كثير صارت عناا على اساس شو ( أصدقاء )

يووووووووووووووووه لو تدرين قد ايش اعصب واتنرفز من هالحركه
قسسسسم بالله ناس مدري كيف تفكر
لو اجانب تنبلع منهم بحكم انهم لا دين ولا نخوة وغيره
بس القهر لا جووك عرب
عندهم دين ونخوة وغيرة وشهامه
وكله كوووووووم والا لمى البنت تعرفه على اهلها كوم ثاني
هههههههههههههههههههه
اتخيل نفسي اقول لاهلي
امي
صديقي حسام
حسام هذي امي وهذا ابوووي وهذا اخووي وهذا خالي

هههههههههههههههههههههههههه
جعل لساني القص قبل اقوولها

لا واللي يغبن الاب والاخ والخال والعم فاتحين خششهم يبتسموون
هههههههههههههه
شئ مضحك مبكي

الله لا يكتبها علينا ولا على احبابنا

يا قلبي انتي يا ام رند
رايقه في ردووودك وفي حضووورك
ربي يسعدك ويقدرك على بناتك تربيه صح زي ما احنا تربينا
:119:

وحيدة الدرب · 06 Feb 2010, 12:57 AM

كووووكوووو

إقتباس:

بس انتي مثلاً قلتي على البنت اللي تلبس عند اهلها قصير ومفتح باخذه كمثال بس

انتي تشوفين انه عيب واللي تسويه ما تستحي

ممكن انا اشوف انه عادي وشيء طبيعي محارمها او تربيتها ومجتمعها يقول كذا

بس فيه اشياء انتي تسوينها ممكن اشوفها عيب واستحي على وجهك

جايتكم في المحور الثاني من النقاش
بس بالاول كنت ابي اشوف ردة فعلكم عن الموضوع بشكل عام
بس بما انك طرحتيه ابناقشك فيه

شووفي حبيبتي
فيه اشياء بالدين والعرف مفرووغ منها
زي اللي تلبس قصير ومفتح وضيق عند اخوانها وابوها ومحارمها
هذا الشئ معروف انه عيب ( ما اقدر افتي عن حكمه في الدين )
صح والا لا

لكن فيه اشياء ممكن يكون فيها اختلاف حسب القبائل وما تكون محرمه شرعا بس عادات وتقاليد هالناس تمنعهم يسوونها
زي مثلا البراقع عند الاب والاخ والزوج
هذي ان جينا للدين فهي مو محرمه لانهم محارم لها
لكن في العادات والتقاليد عند بعض الناس هذي عيب وعااار بعد ان الحرمه تفك البرقع عن وجهها

فهمتي علي
يعني ما تعارف عليه الناس انه مما يخدش الحياء ( وعيب )
غير عن عادات الناس

فالعرف غير العاده

وهذا اللي انا اقصده

إقتباس:

يعني بس انا ابي اوضح لك ان الحياء ما انتها ولا بينتهي

انا ما قلت انه انتهى
لسى فيه ناس فيها الخير
انا قلت انه قل واصبح نادر

إقتباس:

بس تتغير مفاهيم الحياء من شخص الى اخر

على اي اساس تختلف مفاهيم الحيااء
وضحي لي اكثر

إقتباس:

صح لسانك

واكيد مافيها شيء دام الأمر يوافق ديني ومبادئي

واحسن شيء بعد

سلام

حلو يعني متفقين هنا انه الامر لازم يوافق الدين والمبدأ اول شئ

بعدين نبدا نصنفه

يعافيك ربي على هالرد كوووكووو
واهم شئ ما يكون الاخير

وحيدة الدرب · 07 Feb 2010, 11:29 PM

إقتباس:

عدنا والعود أحمدو:119:

يا هلا والله ومسهلا

إقتباس:

ههههه شفتي كيف الملاحظة الجهنمية

لا أنا خلاص من الاختبارات الفيوز ضرب عندي

ههههههههههههههههههههه
عااادي عااادي الاختبارات تسوي اللي افظع من كذا
اجل بالله عمرك شفتي وحده باايام الاختبارات لابسه فستان سهرة وترررقص بالبيت اعتقد الساعه وقتها 6 او 7 المغرب
عاادي لا تستغربين يا قلبي
كله عاادي

إقتباس:

كلامك صح ياوحيده ولا غبار عليه

بس كلمة (كبت ) تختلف من مجتمع لآخر ومن أسرة لأخرى ومن فتاة لأخرى

^^^
مدري فهمتيني وإلا لا>>> بس مافيني أشرح

فهمت عليك حبيبتي
انتي قصدك درجه الكبت تختلف من عائله الى اخرى
بس برضو ما اعتقد انه سبب
يعني مثلا الكبت عندي هو حرماني من حقوقي كانسانه
وما اعتقد ان التفسخ والتعري حق من حقووقي اللي لازم اطالب فيها
بالعكس الدين ألزمني بالحياء والاحترام لان احترامي لذاتي هو احترام الاخرين لي

*مجرد وجهه نظر

إقتباس:

لكل فتاة

تدعي الاسلام

ولم يمنعها إسلامها من أن تستحي وتتقي الله

يعني أقلها لو ماتستحين من الرجال استحي من رب العالمين

أستحي من اللي خلقك بما تملكيه من جمال وصفات خاصه تتفانين بها أمام الرجال والشباب

لأنه كما أعطاك هذه النعمه قادر على أن يسلبك إياها في رمشة عين

قادر على أن يعذبك بها في الدنيا والآخرة

وماذلك بمعجز رب العالمين

تحيـــــــــــه كبيرة لك
صح لسانك حبيبتي وهذا اللي احنا نبغاه من الناس ( بنات او اولاد )

سلمتي ولا هنتي
وربنا يوفقك في دراستك وتتخرجين
:00017:

أدوات الموضوع	ابحث في الموضوع
مشاهدة صفحة طباعة الموضوع أرسل هذا الموضوع إلى صديق	ابحث في الموضوع: البحث المتقدم
أنماط عرض الموضوع
العرض العادي الإنتقال إلى العرض المتطور الإنتقال إلى العرض الشجري

الان برنامج اخبار محشش متوفر للايفون و الايباد و الايبود حمله من هنا

ويلوموني لا قلت استحــــي~

ويلوموني لا قلت استحــــي~

ويلوموني لا قلت استحــــي~

ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~

رد: ويلوموني لا قلت استحــــي~