---

الايميل , الجوال , الاب توب ,, كشف الاسرار بين الزوجين ( نقاش )

 

---

افاا غدوووش شكلك ناوي تتزوج الثاانيه < الى الحين مايدري غدوش ولد ولا بنت :40:

أهلن اهلن وش ها الموآضيع غدوش وش بقيتي لنآ الله يهديتس :tears:

:detective2:

والله وانا اخوك بحكم خبرتي في الزوآج والأعمآل الممنزليه والأشيآء هذي ببدي رآيي بكل اريحيه

ومستقبلا ان شاء الله رآح يصير اللي بقوله ألحين :m7shsh (3):


غدووش وش تعريف الحياه الزوجيه ,,

الحياه الزوجيه هي شخصين بقفص واحد ببيت واحد بغرفه واحد ........... مشفر :m7shsh (3): < براا :grins:

يعني وش نعني بقفص واحد يعني مكان ضيق مكان مافيه شئ ينخفي على الثاني

يعني اللي راح يصير راح يعرفه الزوج ولا الزوجه قريبا ولا اجيلا


يا ابله المفروض في الحياه الزوجيه هي الاعتراف والمصارحه ومعرفة الطرف للطرف الاخر

والمشاطره في كل شئ ,, تشاطرها او تشاطرينه في كل شئ

المصارحه ,, تصارحينه ويصارحك



مين قالك اذا سويت نفسي غبي راح اعيش حياتي الزوجيه مرتاح ,, بالعكس الصراحه اللي بتعيشني

الراحه النفسيه


الزواج صفحه جديده في الحياه .... صفحه تطوي الصفحه السابقه يعني بختصار الماضي الاسود

نمسحه بمحايه وتفتح صفحه يكتبها الزوجين بنفسهم

راح يكون كل شئ بحياتك جديد كل شئ راح يكون متغير

وش فيها لو زوجتي شيكت على ايميلي ,, وش فيها لو شيكت على حسابي

هذي هي الفتاه اللي راح تشاركني بالحلوه والمره كيف اخفي عليها خصوصياتي

اصلا من متى والزوجين عندهم خصوصيات ,,

بختصار مافيها شئ لو شيكت زوجتي على ايميلي ولا شيكت على ايميلها ,, مافيها اي مشكله لو شيكت على حسابي وشيكت على حسابها < ياااااااارب تجيني وحده موظفه خخخخخخخخخخ :x9:

مافيها شئ لو مسكت جوالي وتبدا تتصفح فيه

عاملها كما تحب ان تعاملك

تبغاها تريحك ريحها ,, تبغاها تشيلك فوق راسها شيلها فوق راسك

الحياه كذا والزواج كذا

بختصاااااااااااار

مابوووه خصوصيات بين الزوجين < مع تحيات قصمنجي رزه :x9:

تقبلي مروري ابله جووووووووووووووانا ,,

 

---

يابعدي انتي موضوعك حلوووو ويستحق النقااش
لي باااك بس بسئل مجربين عندي واطرح لكم
كلامهم وخلينا نشوف من الواقع امثله
يعطيك العافيه غدووووشتنا
قصدي قصدي جوانااا ذكرني رزرز

 

---

ترآآني قريت البدآآيه بس خخخخخخخخخخخ حلوه الرومنسيه

يبيله قعده ذحين مظطر اخرج يالا سلام

لي بآآك

 

---

 

---

لي بآك يآ جمآعة الربع ، و لآ هنتي ع الطرح غدوش

 

---

لي بااك يالغاليه
وموضوعك جداً رائع

 

---

مســـــاااء السعــــــــد غدووشـــــه ,,,


والله موضوعك شااايك ويعتمـــــــد على طبيعــة الانســــاان من الجنسين ..

البعض لا يحب ويكره هذه التصرفات ..والبعض جدا عاادي ولا تعني له شــي,,

لو أتكلم عن طبيعتــي بقولك عاادي جدا ولا أهتم بمثل هالامور ..هذي بحالة لو أحد قلب

ايميلي أو جوالي << لكن أنا اسويهاا مع أحد ..مره مأحب هالتصرف بدون مايعرضه

على أو بدون مأخذ رايه ..حتى مع زوجتي مستحيل اقلب في جوالهاا الا اذا كنت بسوى

له صيانه أو ابيعه أخليهاا تمسح الشي الخااص فيهاا والبااقي اسوي له فورمات واستعاده

ضبط ..


أما عن وجهة نظري بالموضوع ..عندي قناعه أنه تفكير شيطاااني :devil2: سواء بحسن أو

سوء نيه ..يعتبر فتحت باب لشك والتفكير والظن << وكلهاا منهي عنهااا شرعاا.

وأضيف معلومه بسيطه وأنتي أحكمي أو قيسي عليها بكيفية شرعيتهاا ..

نهيه صلى الله عليه وسلم بدخول البيوت لليلا حتى لو هو بيتك ..ولو دخلت فيجب اظهار

شي يبين قدومك أما برفع الصوت بالبسمله أو القاء التحيه عند الدخول من الباب .وحث

على الاستأذان بالدخول في المنزل وهو منزلك فما بالك بهذا التصرف .. أما من نااحية

الاشياء الاخري مثل الحسابات الشخصيه لدى البنوك أو غيره ..أو التزامات ماليه فيجب

أن يخبر الزوجه به ..لان الاعمار بيد الله وكي يحفظ حقه وحق الغير عند رحيله ..

والصراحه بالنسبه لي ..فأنا شديد الحرص بمثل هذه الاموار والاغلب حرصا على

حقوق الغير ..فلدي حاافظه برقم سري تبين كل الالتزامات بشكل واضح ولدى زوجتي

الرقم السري للحافظه ..الا بالحسابات الخيريه المستقطعه فلا أخبرهاا به .لا هي ولا

غيرهااا لانهاا ليست من الظروره الاخبار بهاا ..




هــــذا مالدي وبنظره شخصيه بحته ..قد يتفق أو يختلف معها الغير ..ولكنها قناعه

شخصيه غير قاابله لتعديل أو التغيير ..







موضوع قمــــــــــه بالطرح والموضوعيه ..



تشكر معزبتنـــــــااا ويستحق مني التقييم ..

 

---

انا مثل الباقين لي باك







مدري وش عندهم ذولي ابو باكات خخ
المهم
بالنسبه لي انا
الوضع ايزي
قاط جوالي ولا فيه حتى اسم غريب
لا رومانسيه ولا الماسيه خخخ

باختصار العاقل خصيم نفسه
ان كشف سواء باذن او بدون اذن
بقول له يستاهل

 

---

..= بالبداايه احب اهنيكي خيتوو ,, غدو و و ش ,, على روعة الطرح..
موضوع رآئع ومهم جدآآ يجب الالتفات له =..

بنظري مو من حق الزوج تفتيش جواال زوجته الا برضااها يعني
قد تكون هي من اعطته مطلق الحريه بذالك...
هو ليس بشئ سئ لكن تبقى لكل شخص منهم
خصوصياته... على سبيل المثال
ممكن الزوجه تحتفظ بصوره لاقاربهااا او خواتهاا او الخ..
من المحرمات عليه ...
او في بعض المسجات بين النسااء تكون خااصه بالطرف المرسل ايضااا ليس بشئ لائق مشاهدتهاا.. (وهذا الكلام ينطبق على الزوجه ايضااا)
لايجب على الزوج التصفح والاطلاع عليهاا.من غير علم الزوجه . . .
***
* فاتفتيشه للجوال من غير علمها في حالة الشك ترجع للزوجه نفسها ولتصرفاتها .............؟؟؟؟
فمن الممكن أن تكون ناجحه ومن الممكن أن
زياده للشك .............أي من الممكن أن يكون شكه صحيح ..ومن الممكن أن شكه يزيد ويصل الى درجة اليقين الخاطىء ! !
فا أنا هنا أرى أن هناك أحقيه في التفتيش عند وجود المسبب القوي وإنحصار الطرق (رغم أني لا أؤيد هذه الطريقه لأنها تلغي معالم الثقه )

..هذه وجهة نظري .. وكل انسان له وجهة نظر..

ولكي تحياتي وتقديري..*

 

---

 

---

لا يانكس أنا أطـــــــــــــــــــــــــــــــالبك بتغيـر قناعتك الشخصيــه

لآني أراهااا خاطئئه بحته لحد ماا ,,

>> طالب حرش

 

---

 

---

موضوع مهم وحساس ورائع ان يطرق لمعرفة تنوع الآراء >>>>

بصراحة الشباب ما قصروا ومن جانب اخر للموضوع اكتشفت الكثير عن ناس ما كنت اعرفهم ووجدت فيهم جوانب رائعة وجوانب خير واحتفظ بالأسماء لنفسي لأنه مش موضوعنا >>>

لكن بجد الشباب غطوا الجوانب كلها واستطيع ان اقول ما تركوا لنا شيء من تحدث عن الشخصيات وهذا واقع فلا يمكن ان يحكم على الموضوع كردة فعل نشترك فيها لكن للشخصية التأثير على الامر كوضع لا يمكن تغييره فتختلف ردات الفعل باختلاف تكوين الشخصية وطبيعتها >>>

ومنهم من غطى جانب مهم وهو اللقافة وان اميلات الزوجة أو الزوج لا تخص الاخر يعني ما راح يستفيد شيء لكن ان ظهرت بوادر غير طبيعية تجد كل انسان مجبر على اقتحام امر لم يكن يقتحمه ليطمئن قلبه >>>

جوال الزوجة في رأيي وما به من أرقام ورسائل خاص بالزوجة ومن خصوصياتها بينها وبين بنات جنسها واهلها واخوانها فلا يحق للزوج شرعا أن يتدخل في خصوصيتها لكن المرأة الذكية التي تحب ان يستقر وضع زوجها حتى ولو لم يكن بينهم شكوك ان لا يكون هذا الامر مشكلة ومحرم على الزوج ان يفتش لان هذا باب شك والزوج بما انه شخص لا يخاف الامور التي ربما يشك فيها به الا يهتم لحفظ جواله برقم سري مع زوجته او يمنعها من رؤيته او البحث فيه فأحيانا تبحث فضول للبحث عن رسائل ترسلها لأخوانها ابوها وهكذا >>>>


ان تكلمنا عن الخصوصية فهي خصوصيات حفظها الشرع لكل من الرجل والمرأة ولكن هنا نتوقف عند الاعراف والاعراف يؤخذ بها في الشرع ما لم تحرم حلال او تحلل حرام او تفضي لشيء من الريبة فما عرف في مكان يختلف عن غيره ونضع للأعراف وضعها في الأمر >>>>>

حقيقة قد يكون كثرة التفتيش هدم للحياة وقد يكون التغابي المستمر ايضا هدم والرجل الحصيف والمرأة الذكية يعرفون التوازن بينهما بدو قطع الشعرة وهذا يعتمد لكل شخص بحسب تعامله وعاداته وتقاليده >>>

تحياتي لكم وللكاتبة فقد طرحت موضوع حراك فكري رائع >>>>

 

---

 

---

 

---

 

---

 

---

 

---

وعليكم السلام


اول شيء .. رزه ذا يجاوب وهو لسه ثانية ثانوي ... مين يرضاها <<<< طالب حرش بقوووووووة


طبعا ماراح اقول مثل ماقالوا الجميع يختلف على حسب الشخصية وما ادري وشو .. ذا الكلام ما يأكل عيش <<< ترى مرتفع ضغطه من دكتوره .. ماعليه شرهه

يا غدووووووووش؟؟؟؟ ليش الجميع قاعد يقول يفتش ويفتش ... وتفتش وماتفتش ...

ليش معتبرين السالفة سوء نية ... ليش مانقول يطلع

ليش خليتيها في عنوان موضوعك أسرار ... خليها خصوصيات

الأسرار أكيد ما لأحد أي حق يطلع على أسرار الثاني .. مثل ماقال شعااااع .. في يمكن شغلات حريم في إيميل المدام (وهـ بس) ويمكن في أسرار صديقاتها .. لاحظوا أقول أسرار .. يعني شغلات حريمي

بصراحة ومن وجهة نظري ... الرجال (أي رجال) يحب يكون في وضع السيطرة .. وغالبا الرجال مايحب حرمته تخبي عليه أي شيء .. ولو تظاهر انه عادي .. يبقى شعور السيطرة مسيطر عليه ويتمنى إنه يعرف .. وماقلت يحاول أقول يتمنى

والحرمة فيها ها الشيء بس مش عشان السيطرة ... لا عشانها تحب إنها تكون كل شيء في حياة زوجها

فأحسن شيء .. الزوج والزوجة يحاولوا يكونوا صريحين على قد مايقدروا .. ماقلت صريحين مية بالماية .. على قد مايقدروا ... ويحاولوا إنهم ما يبينوا وجود أي شيء غير مكشوف

مثلا ... مثلا .. إيميلي فيه أشياء ما أبغى أحد يشوفوها .. (تخص العمل- تخص أهلي - تخص ماضي - تخص صديقي) ببساطة .. ممكن أعمل إيميل ثاني لما أتزوج ولا أجيب طاري الإيميل الأول .... هذا بناء على الحرمة او البنت ماراح تتحرج في وقت من الاوقات أنها تصر على أنها تشوف واش فيه

بس بالنسبة للبنت لو عندها نفس الحالة ... لو صارحت الرجال بوجود ها الإيميل وأوضحت له من فترة لفترة واش اللي فيه بشكل سريع بدون ما يسألها هو .. هذا كفيل إنه يشبع شعور السيطرة .. وما اعتقد إنه فيه رجال بيصر على إنه يشوف التفاصيل .. لأنه شك الرجال في حرمته يطعنه هو قبل مايطعن زوجته

...................................

البعض حيقول طيب وتخيل اكتشفت الحرمة وجود الإيميل الثاني عند زوجها ... (الايميل مثال) ذيك الساعة ليش يا أبو الشباب تخليها تكتشف .. ولو اكتشفت تحمل نتيجة أفعالك .. ووضحلها كل شيء فيه بالقدر اللي يشبعها

..................................

يمكن تستغربوا كلامي .. وكثير بيقولوا وين الصراحة ووين ووين

أقولكم .. واسألوا المتزوجين .. مستحيل الصراحة المطلقة تحقق السعادة .. لازم فيه شوية محسنات

لو بتكلم عن الصراحة المطلقة بين الزوجين .. فأنا أتكلم عن زوجة بدون مكياج .. وأتكلم عن رجل متسلط غيوووووور لأبعد درجة ...

لكن تضطر الزوجة تحط مكياج ويضطر الزوج يقبلها ويتغافل عن المكياج قدامها وبينه وبين نفسه عشان يسعدها ويسعد نفسه .... وتتضطر الزوجة تتعامل بحذر مع الناس عشان لاتخلي زوجها اللي يقول أنا مش غيور وواثق فيكي لا يروح باله في أي لحظة بعيد عشان تسعد زوجها وتسعد نفسها.. ويضطر الزوج يمثل او يحاول ان يكون أقل حدة مما هو عليه طبيعة فالذكر غيور بطبعه في سائر الحيوانات (ماعدا الخنزير وأنتم بكرامة)


............................


خلاصة كلامي ... أنا معترض على مصطلح تفتيش ومصطلح أسرار .. سموها كشف .. وسموها خصوصيات

أما الأسرار فعشان تستمر الحياة .. يحاول كل من الزوجين يقلل منها على قد مايقدر .. ويحاول إنه يكشف على قد مايقدر عشان يحس الطرف الثاني بالثقة .... بس ارجع وأقول يقللوا الأسرار على قد مايقدروا

وكمان لازم يكون في شوية تطنيش من الجانبين

بس في الاخير ... بيظل الخلاف ملح الحياة ... وبيظل التفاهم والتناغم هو سر السعادة