مسآئكم / صبـآحكم حب ..
من روائع الشاعر صالح السهلي
[ .. خمس شموع .. ]
شهر واسبـوع والله ماتحمّلـت الفـراق سبـوع
انـا بامشـي واذا الله كاتـبٍ لـي شـي يلقانـي
من اْوّلها خطأ.. لكـنّْ عـذراً والخطـا مرجـوع
وانـا عـذري فراشـات الولـه قامـت تحدانـي
تطير وتنتشر فـي كـل احمـر داخلـي مـزروع
تبللنـي بنفسـج ليـن ماتلعـب علـى اغصانـي
تعبت اعد ساعات استلامي ليـن اجـي ميقـوع
تعبت آعيـد لحظـات الـوداع اللـي تقهوانـي
انا من وين جيت / وجبتنـي ياحظـي الموجـوع
انا وشلون اروح .. الا لانـك طحـت ماامدانـي
الاياحظ خذنـي قـد عقلـي و افهـم الموضـوع
ابيك تكون صفي لو شهـر تكفـى علـى شانـي
وانا في ذمة اللـي تحـت ظلّـه مالحقنـي جـوع
وانا فـي ذمتـي بعـض القلـوب اللـي تحرانـي
حبيبي والله ان الحـب نعمـه والحيـا.. متبـوع
وانـا لـولاي احبـك ماتكبّـدت العنـا عانـي
( واذا كانت صعوبة شوفتي لك مثل حب الكوع !!
تبي تبقى كثير وصورتـك فـي داخـل اعيانـي )
حبيبي وكل الله وانـت تـدري يافريـد النـوع
بأنـي مستحيـل احـب غيـرك واحـدٍ ثـانـي
وعن غيرك تطمن دون قلبـي لوحـة الممنـوع!!
مسويهـا لانـي مافتـحـت القـلـب مجـانـي
انااكبر مستحيـل اقولهـا فـي صوتـي المسمـوع
على غيرك حبيبي / وانت تجـري وسـط شريانـي
مادام الله رزقني طيبتـك يااطهـر مـن الينبـوع
طبيعي لو بجيـك مـن البحـر والملـح مااروانـي
( قليلك في عيونك).. لوتجي للصـدق يالدلـوع
كثيـر وتمتلـيـه عيـونـي الثنتـيـن بجفـانـي
سموّك بالتواضع يرفعـك ياجيـت لـي بخضـوع
اشيلك فـي عيونـي واتـرك الباقـي لوجدانـي
مكانك يالغلا دونـه حمايـه مـن ثمـان ضلـوع
ولاهو بأي قلب / اللـي سكنتـه قلـب زقعانـي
يكفّيـك ان صالـح شاعـرك ياحبّـه المشـروع
وانا لو ماوفيت لحب مثلك قلـت وش جانـي؟!!
قسم بالله لو مالي امـل / والا الرجـاااا مقطـوع
لجنّنـي قصيـده عاقلـه تبكـي علـى جنانـي
حبيبـي قبـل يـوم الله حسيبـك ولّْ يالمسبـوع
تذكّرت الكـلام اللـي نطقـت بعظمـة لسانـي
وهليت المدامع .. والمدامـع / والدمـوع دمـوع
لاني كنت في لحظـة غضـب ولسانـي حصانـي
ذكرتك في هدوءك حكمتك طيبك.. عليك طبوع
كثيره وانت يكفيك انك اكثـر شخـص يقرانـي
بجيك وفي يدي لعيونـك الثنتيـن خمـس شمـوع
يولعها اشتياقـي مـن عطـر خمسـك وتدفانـي
بجيك وكـان ودي لـو معـي ديوانـي المطبـوع
بشوفك وانـت تتأمـل كثيـرك وسـط ديوانـي
............
(قلت : افترقنا)
خالد لو أن الزمن ياكل شعيـــر
مات الزمن من الجوع .. والدنيا عبــر
لكن عسى الله يعديها بخيــر
انقذت الأمواج.. وأغرقني شبــر
كتبت ليــن انصف الفصل الأخير
طار الورق قمت .. طيحت الحبــر
طاحوا من العين يا خالد .. كثيــــر
من شين الايام .. والوقت الغبــر
كانوا زرفات كالبحر الغزيــر
قبل يولـون يمتنا الدبــــر
كنت اعتبرني وانا اكبر صغيـــر
صغرت بعيونهم حقد وكبر
كشفتهم فكر.. قالوا لي : خطير
دفنتهم شعر سووا لي قبــر
طاحوا من العين يا خالد ..كثير
من شين الأيام .. والوقت الغبر
حتى حبيبي ترك قلبي حسير
قلت : افترقنا .. وما صدق خبــر
واقفى.. وانا صعب اجي عنده كسير
وعجزت الا أنساه .. يالله الصبر
الوقت جاير ولا ني مستجير
وهذا الكلام .. الاخير المعتبر
خلاص ماعاد في الوقت خير
صـــــار الزمن غيــــر والدنيا عبـــر
تحياتي لكل من مر هنا
-
المواضيع المتشابهة
العرض العادي
