السلام عليكم


باختصار شديد

هذي الابيات لأخوي ( سلفر )


ومعها التحيه

.................................


كانك شفت جيم او جون سلفر

يا نبض قلب الطفل لا شاف خِلّه

( لا فزّ جون وقام ) ، ( جيم يتكبَّر )

لا نام ( جيم ) بْجنب ( سلفر ) محلَّه

يا ويل قلبي كانه اليوم أصغر

من قلب ( جيم ) وغرفتك موطنٍ لك

يا سلفري يا تِيه يالبحر يالبر

يالطيب يا قرصان يا قلب فلّه

ياحلى جزيرة كنز في عُمر أغبر

يا خير مزن الصيف يا بارقٍ له

من يوم جبت الرد والدمع مطًّر

والقلب شال الدمع في دفترٍ له

ما اقدر ارد الحين ، يا كيف اقدر ؟

يا ناس قولو لي ، انا ويش أقلَّه ؟

من بين حرف وحرف ، جبت المقدَّر

حاولت أشكر جهد من صان خلّه

لـ عيون ابو حاتم وفي ورد أحمر

لفّ الكلام وقال : يا فاطنٍ له

افهم تراه الصبر ما عاد يقدر

يا تجيب الرد ، يا جايبٍ له

يا قلب ساحر ، صار بالرد يسحر

يا ساحر الي كان هو ساحرٍ له

يا سلفري يا ليل يا عود عنبر

يا اخطر ردود الشعر يا حابكٍ له

من هبيتك الابيات صارتْ تِكَسَّر

صرت بعدك شطر مو قادرٍ له

وارجع اقول البيت ، يا روح سلفر

ارحم زمانٍ صار، في ( جيم ) علّه

.......................................



ولكم التعليق


ميووو