سبحان ربي يبتلي الناس بالناس يصبح مصير الشخص بيدين غيره
ماني بمتعقد ولاني بحســــــاس وقـــــلبي أبــــد مافيه حقــدن وغيره

لكن ما جفته ترى يشيب الــراس جفت الاســـــى بعيون طفله صغيره
جتني كسيرة ما قوت أخذ الأنفاس بآخــــر رمق والحال ياهي كسيرة

ضميتها لصدري والقلب محـــتاس حسيت فيها ثــــــــــار قصه مـــــريره
قلت اسكبي دمعه على الخد لاباس يمكن يريح الدمـــع لـــو نستثيره

قالت زماني قد حكمــــني بالأتـعاس ولّى علي إنسان ضايـــع ضميره
كنت أحسبه طيب وقلبه من ألمـاس وأثــره شبيهن للوحوش السعيره

حـــــبيته بكـلّي حــبن بـلا قــيـــاس وظنيتني فقلبـــه كــــنت الأمــــيره
بعت أهلي وأصحابي وكـــل هالناس و من اجل عينه كنت دايم سهيره

خــــــذ ما يبي مني وسواس خناس كل شي بسم الحـــــب وأنا غريره
ظــــنيت يحشمني عن درب لنجــــــــاس واثري بعينه كنت وحده حقيره

لــــيته ذبحني قــبل ما بالقــد انداس علــــى البراءة في فؤاد الصغيره
قلت اسكتي يابنت يفداج هالـــــــراس ويفداج هو وأهله وكل العشيره

لاتزعلي يا بنت ولايدخـلج يـــاس ربــــــــي عسى يعوضج بانسان غيره
يعشقج من قلبه ويغمرج بإحســـاس ويقاسمج هالعمـــــر شـره وخيره

يفهمج ويداريج ويكون لــج ســـاس قلبه يكون العــــرش وانتي الأميره
يعشــق ترابــج وبيده يقدم الكـــــــــــاس يروي ظماج وينفحج من عبيره

يسهــر يناجي سحر لعيون الأنعــاس حيــث اتجه انتي هـدف خط سيره

والــُِسموؤــَوؤحــُِه ,ٍِْ}~