السـلآلآم عليكم ..






اسمحيلي ياملاك الزين ياكل الدلال
فيه كلمه واتعبتني عرضها من طولها

كل شخص له حبيب وله ميول وله خصال
وانت حبي ياخصال النفس وانت ميولها

بس قلت ميولها فزيت وطيحت العقاااااال
اختلفت وقمت اناظر في الجدار وحولها

ماقدرت الد عيني للرموش ام الظلال
خفت تزعل مهرة عني يزيد جفولها

استدارت ثم قالت عيد ياولد الحلال
ماسمعتك زين مشغوله وانا مشغولها

قلت لا لا فيه واحد بيني وبينه جدال
وانتهت كل المشاكل وانتهى مفعولها

اضحكت مثل الغرير ثم قالت لي تعال
قولها والله تراني قد نويت اقولها

قلت احبك ايه احبك ايه احبك ياغزال
ياسحابه كم رجيت الله يوم هطولها

استحليتي خفوقي مثل جندي الاحتلال
في السنة فيها فصول انتي ربيع فصولها

لين قلبي شاور عقلي بحفل الاعتزال
عن سواها وعيد ميلاده في يوم دخولها

وقفتني قالت اصبر بس انا عندي سؤال
او هي عدة اسئلة ولا لقيت حلولها

انت شاعر مبدع عندك سواليف وخيال
هل انا بنت الخيال اللي قدرت تطولها

قلت لا بالله انتي كل اسباب الجمال
حد معقول الحسن هذا ومو معقولها

قالت الشعار فيهم كذب والا احتيال
قلت قصدك كل كلمه مايشوف فعولها

الا اللذين آمنوا يابنت اعطينا مجال
لا تزيدين النفوس حمول فوق حمولها

كم رقيت اجر صوتي لك على روس الطوال
وعند بيتك كل بيبانك عليها قفولها

انشدي جدران بيتك عن سواليف الليال
كل لحظة والتفت بالله يوم وصولها

قالوا ان العشق احيانا يوصل للهبال
قلت فعلا سجلوا اني انا مهبولها

اشهدي ياكل نجمه واشهد اشهد ياهلاال
اني اعشق صعبها من قبل عشق سهولها

اضحكت مثل الغرير ثم قالت لي تعال
قولها والا اقولك خلني انا بقولها

ايه احبك ايه احبك دام للشاعر خيال
اختلفت وقمت اناظر في الجدار وحولها


هذي القصيدهـ للشـآآعر المبدع فهد الشهراني اعجبتني
قبل شوي سمعتها في آثير mbc fm

واتمنى ان تعجبكم [نـبْـض ..