[FRAME="8 90"]وداعا بتركه في حفظ رب يحفظه ويرعاه== لكن الحب يبقى لك على ماانتي تظنينه
بسافر لكن اني حبك مثلك مستحيل انساه== انا لايمكن انسى كل شي لجلي تسوينه
عزاي اني معك عشت الغرام الصح في معناه== لذلك لو عطيتك كل عمري تستحقينه
بسافر عنه بجسمي وبترك قلبي بيمنـــــــاه== ينام بحظنك الدافي وتكفي لا تصحينه
حبيبي والله ان البعد يذبح صدق يامشقاه== بحاول اكتم الشكوى لجل شي تخافينه
فراقه مثل فرقا الروح الا يشينها فرقاه== احس الموت يطويني واكيد انتي تحسينه
لأن اروحنا توأم ولا ظني لها اشبـــــــاه== اذا فكرت في شي قبل ماابداء تسوينه
اخذ قلبي على كيفه ولاظني ابد يعصاه== عى كيفك تري قلبي وسوي اللي تشوفينه
جعل يومي قبل يومك وعمري يجعله فدواه== غيابي لويطول الدمع تكفي لا تهلينه
***
السلام عليكم ورحمة الله وبركاته ...
اعزائي مشرفي واعضاء منتدى محشش ..
انا احترت ما ادري وين احط الموضوع .. وقلت خلني احطه بقسم الشعر والخواطر .. لاني ابهديلكم فيه اهداء بسيط
اخوانــي / اخواتـي
منتدى محشش عشــت فيه احلى ايام .. في هالمنتدى كفيــله بان تصل الى درجة العشـق
والله حبــيتــه .. وحبيت اعضاءه ومشرفينه ..
لكن اليوم جا الوقـــت اللي تتوقــف فيه مسيرتي في هالمنتدى .. المنتدى اللي عشت فيه احلى ايامـي ..
عاشرت كثير وكثير من بداياته وحتى اليوم .. ناس تربطني بهم صداقه حميمه .. وهذا شي يشرفني
اخوانــي / اخواتـي
انا الان مضطر اني ابعد عن المنتدى .. .. واعتذر منكم انتـم ..لاني في هالفتره امر بظروف صعــبه .. ظروف تجبرني اني اطلــع وابعد عن المنتدى ظروف من اكثر من جهه .. عائليه ونفسيه وعمليـة .. فحاولت اني اتحامل على نفـسـي واكون متواجد باكبر قدر ممكن ..
لكن الان .. والله ما اقدر .. ظروفي الخاصه صعــبــه شــوي .. فلازم ابعد .. وانا مضطر ابعــد .. .. وأترك المنتدى وابتعد بعــيد شــوي .. احاول ابعد عن جزء من الضغوط اللي اواجهها .. لاني تعبان وما ابغى اتــعــب اكثر من كذا .. احس اني وصلت الحد الأأتماني
اخوانــي / اخواتـي
صدقوني مالقيت منكم الا كــل خيــر .. واني احببتكم دون استثناء .. ومكانتكم وحده عندي .. وانتم بصراحه ســر نجاحــي اذا كان لي نجاح يذكــر .. لان أي منتدى انتم ســر نجاحــه .. تكاتفــكم وتواصلكم ووقفتكم مع بعض .. بتخلي المنتدى هذا من احلى واجمل المنتديات .. خلوكم يد وحده .. وابعدوا عنكم الحزازيات بينكم وواجهوا بعضكم بيناتكم بالخاص باخطائكم وصلحوها بأخوه ومحــبه .. لاحد يحاول يتصير على الاخر ولاحد يحاول يلعب على الاخر لان هذا بيدمركم وبيدمر المنتدى .. وهذا الشي انشالله انه بعيد عنكم .. فحافظو على منتدى محشش وابعدو عنه كل حاقـد ..
اخوانــي / اخواتـي
اذا اخطات على أي عضو .. فاتمنى منه انه يسامحـني .. لان الخطا وارد .. واحنا بشر نخــطـي .. ماحنا معصومين من الخطا .. وصدقوني ما في قلبي على احد شــي .. كلكم احبكم واغليكم .. ومعزتكم في القـلب .. وماراح انساكم ابد كثــير اسماء .. تعنيلي الكثــير في داخلـي .. ولو اعددهم يبيلهم صفحاات وصفحات .. ولو قلت صفاتهم الحلوه ماراح اوفيهم حقوقهــم ..
***************
سأبدأ بتدوين مذكراتي بمنتدى محشش في دفتـري الخاص .. وساحتفظ به في ادراج غرفتـي .. فقد طبعت العديد من المواضيع المتميزه لكم .. والاشعار والخواطر . وأدون فيه اسمائكم. حتى صوركم الشخصية والقابكم .. سأبدأ بقصها ولصقها في هذا الدفتـر .... واحتفظ به ما حيـــــيــت .. فهذه ذكريات يجب ان تدون ولا تضيع .. سأقرأه بين الحين والآخـر .. وكلما ضاقت بي الدنيا قرأته .. لان فيه اجمل ذكريات عشتها .. وسأسميه (( مذكرة منتدى محشش))
***************
هذا اهدائـي لــكــم .. في وداعــيــتــي
http://songs.6arab.com/rashed..bawade3kom(7afla).ram
اتمنى انكم ما تنسون محشش اسبشل .. لانه ماراح ينساكم .. كلام كثــيــر في بالــي يبيلي صفحات اكتــب ... لـكن الضغوط اللي فيني ما تسمحلي اكتب اكثر من كذا ..
اخــوكـم / عبدالله .. [/FRAME]