ســــــلآلآلآمـ عـــلـــيـــكـــم ,,,,



يالله حيهم ,,, والله من زمآآآن عنكم والله من جد مالكم داعي أنا غايب لي أكثر من كمن شهر وتعرفون أني متخرج :Sniperr: وماخذ {{ البكالريوس }} ومتمرمط ولا يقولون نسأل عنه ولا ندري وينه هو قدم وعطوهـ جنط مقاس 18 وقالوله أنت قصير ولا نبيكـ <<<< :m7shsh (2):طيب وش أسوي يوم أني قصير وليتهم ردوني على سنع رادييني على 2 سانتي شوفوا القهر :Sniperr: بس ماعلينا الي ما يبيني ما أبيه ....




المهم خذتني معاتبنكم قبل لا أكتب الي أنـآآ جاي أبيه بس قبل لا أدخل بالموضوع الي مدري للحين وشو أبيكم تسون لي{{ فلحة }} تخرج زين وأبي أجخ {{ يعني أتضبط وأتزين }} وأجيكم عشان أهيص ..



آآيه صح قبل لا أنسى الي أخذوا مناصب أقولهم الله يعينكم على ما أبتلاكم به أقصد الله يهنيكم به ويبارك لكم فيهـآآآ :0ff07:









7
7
7
7
7
7




هذي هدية لكل من هو موجود ويذكرني والصورهـ من تصويري انا تعرفون صاير مصور محترف :v:






السالفه الله يسلمكم أني تخرجت بعد دراست 16 سنة وكرف وأقوم الصبح وأروح وأنا وجهي معفط كنه قصدير محروق وأرجع بعد الصرفة للبيت وكل يوم على هالحال من 16 سنة روح للمدرسة وارجع وكانت عندي أمنية أني أدخل مجال معين وكنت أحبة ولازت أحبه بس قدر الله أني ما أتوفق فيه ....


رحت وحرفت رجليني الارض وأنا أبحث عن وظيفة لاني أبي أشتغل ولا أحد الجلسة عاطل حاولت وكل من دخلت عندهـ وأقوله معي جامعة يقولي والله ما عندنا لكم وظايف طيب ثانوي يقولي فيه حارس أمن بـ 1500 ريال :Sniperr:


طيب يوم أنه ما فيه وظايف الا بالشهادة الثانويه ليه أدرس أساسآ وأتعب نفسي وأركض وأسهر وأجيب معدل مرتفع وبالاخير أنصدم بوصخ ما ينشاف من ورى مكتبه وحتى ما معه رابع أبتدائي ليلي ويقولي والله ما عندنا شي لك رح دور أحد غيرنا :x8:



أروح لمين هل أصير داشر وأجيب العيد وأجيب الفضيحة لاهلي والا أصير .... وبعد أجيب الفضيحه لاهلي والله من جد وضع زفت وإذا تبي تدرس بعد دراسات علياء يقولون لك لازم تجيب واسطة عشان تكمل هنا


أنا بغيت أقدم على بعثه برى بس بعد الله ما يسرها وكان فيه شي خطاء يوقف بطريقي ويقولي والله أن تكمل نص هالسنة جنب أمك وخواتك بس تعلم وشلون تسوي الكبسة ووشلون تغسل الصحون :Sniperr:


عاد جالس هالحين مثل عفش المطلقة لا بالبيت ولا بالشارع لا فايدة ولا عايدة أشوف أخوي كل يوم طالع للجامعة وأقول الله يوفقة ويعينه أيام الدراسة كنت أحب الروحه لانه كان عندي طموح بس عقب ما تخرجت ولا لقيت شي وأنصدمت بالواقع المرير صرات أقول الله يعينه ولا يشوف الشي نفسة



كنت أبي أخلص الدراسة بأسرع وقت عشان يصير عندي وقت فراغ كثير بس هالحين والله عادي لو أرجع للدراسة على الاقل فيه شي يعطيني أمل أني أسوي شي بالحياة وأصير شي يحسب له ألف حسآآآآب



بس ما على الله بعيد بأذن الله كل شي يصير زين وربكم يغير الحال بغمضة عين ويصلح أموري بس للحين فيه شي غلط بحياتي ولا أدري وشو لاعرفته أنا متأكد أنه بيزين الحال .







وعلى العموم هذي بعد صورهـ أبي أختم بها الموضوع









وش رايــكـــم بــخــآآطرهـ {{ تراهـ منقوله }} يعني زحلطن ولا كأنكم أنتبهتوا :v:

:░ ◄ الدنيا ماتســوى► ░
○
○

هذه الدنيا بعد الظلام نور

وبعد الحزن فرح وسرور

○
○

ومهما طال الشر الخير بإذن الله منصور
ومهما زادت الدموع بعدها إبتسامة تملي الأرض أمل ونور
ومهما خرجت الآااااه بعدها ضحكة تخلي العواذل من الحسد تثور
ومهما ضاق الصدر بعدها تعيش بصدر مشروح من الفرح ودك تطير مثل الطيور
ومهما عانيت من الوحدة وفقدت الصديق بعدها حبيب عن عيونك مايغيب
ومن كثر حبكم تجري المياه وتتفتح الزهور
إذا تأذيت من ناس مايفهموك ابتسم وقل لقلبك ترى الدنيا ماتسوى
إذا تعرضت للخيانة من ناس حبوك ابتسم وقل لقلبك ترى الدنيا ماتسوى
إذا إلي عاشرتهم بكل إخلاص اجرحوك واهجروك ابتسم وقل لقلبك ترى الدنيا ماتسوى

○ افهمها ترى الدنيا ماتسوى كلها لحظات وهالدنيا تنطوي وتنسى ○



الدنيا ماتسوى دمعة من عيونك
الدنيا ماتسوى تكره الحياة بسبب جرح من جروحك
الدنيا ماتسوى يضيق صدرك بسبب بقايا بشر أكرمتهم وأعطيتهم روحك



○ افهمها الدنيا ماتسوى كل جرح ولازم يبرى ○



الدنيا ماتسوى لوتبكي اليوم أكيد بتضحك بكرة
الدنيا ماتسوى لو تنظلم لابد ينصرك اللي أعلم وأعلى
الدنيا ماتسوى لو يُقسى عليك راح تكبر وتنسى واللي قسى عليك راح يذوق البلوى



○ وفي الأول والأخير لو ضاقت بك الدنيا أعرف إن الله أكبر وأقوى

.