هذي مربوعة من اشعارخالي اللي اعجبتن


واتمنى انه تعجبكم...



ودعتها ربـّي بعد ما أقـبلو يـمـّه مواليف العمر
هلـّت دموعي وأنتثر حلمي وضاقتبي مساعي هالسفر
وأصبح بدونه عمري الباقي متاهاتٍ وضيقات وسهر
يالله عسا الحب بينهم والود’ ولحــظات الفرح تزهالها
راع الهوى شاقي وفي دربه ترى جمره ولو ماحـرّته
يـصبر ومع طول المدا يدري ليال الحب غثـا ماسـرّته
وش حيلتي ياليت رجلــي عن دروب الحب أبد ما مـــرّته
ذي عـيشتي أقدع من الهم والمواجع شاربِ فنجالها
عيا الفرح لايضحك بوجهي وعيّت دنيتي لاتبتسم
لاقلت أبسلم من همومي وأنتهي قالت همومي أستلم
غنــّيتها لو يـلتئم جرح العرب جرح الهوى مايلتئم
بغيابها كثرة بلاوي دنيتي والهم وضيق أحوالها
أعشق برائتها وهوجس في مراميها وفي نضراتها
وأخفي محبـّتها ويفضح ستر الغرام اللي نزف عبراتها
كم لي أناضرفي عيونه والغلا عيني ملا رغباتها
تسكن خيالي والشعر فيها لقى روحه بلا مــوالها
ناديتها دمعي. ودمعات الموادع بلــللت أكمومها
أهديتها همـّي .وقالت دنيتي ياشينها وهمومها
أمــّنتها روحي. وراحت تـلعن العربان وشين سلومها
نبكي فراق الحب وذي دنيا الفقر تـذبح وهــذا حالها
تبقى أميرة نظرتي، همــّي ،مواني غربتي، طير السعد
وأبقى لها عاشق.. ومجنون الهوى في عيــنها قلبه رقــد
أرثي حياتي في غيابه والحشا مايسكنه غيـره أبـــد
تبقى وقلب الوافي ما ينسى غرامه والغلا يبقالها
عنـّت حمام الورق بلحون الـوداع وجاوبت لي دنـــيتي
ذي طــفلتك راحت وباقي رحــــلتك تجلس تعاني غــربتي
ودّعتها وأحــتلت الذكرى خيالي وأبكت مداين فرحتي
واللي وطاء جمر الغضى، رجله عن الجمره من الحر شالها
ناسٍ تبي الحب وناسٍ من بلاو الحب تبي مطـلاعها
ناسٍ تغـنّي للهوى فرحـــه وناس الحب سبب أوجاعها
ناسٍ لقت أعيادها بالحب وناس الحب غــدى مصراعها
والعين في نزف المواجع أكملت أيـّامها ولــيالها


وسلامتكم...