مرحبااااااااااا

اليوم موضوعي غير عن كل المواضيع الي طرحت هنا .. دايما مواضيعنا هنا دبلة تسبد ومغثه ولعنة جدف

لدرجة الواحد يطلع منغث وزايمتن قاعة تسبده (( في رواية اخرى حايمتن كبده ))

علشان كذا قررت انزل موضوع نقاشي بإستهبال شوي منها نفرفش ونضحك ومنها نعالج ظاهره منتشره ولحد يتفلسف ويسوي فيها انه مو كذا لا حبايبي مو علي هالحتسي انا اشوف بعيوني كلنا تسذا << :212:

وبعد سويته لوجه الله لا ارتجي منه مالا ولا بنون .. كل القصد هو محاوله من مواطنه فقيره جميله مضطهده مسكينه يقال انها كافحت لاصلاح وضع المرأه السعوديه خاصه والخليجيه والعربيه عامه <<< لووووول

الموضوع الي بحتسيبه ولحد يزعل من البنات لانه يخص البنات نسبة 99% والشباب نسبة 0% ماعلينا من النسب طنشوها

حظور الرجل اثبات ان هالظاهره ممقوته ومقززه

بدايتا لازم اوضحلكم وش قاعد يصير

وهالكلام موجه لاصحاب العقول

الي تحس انها لاتنتمي لهذه الفئه من البشر لاتكلف على روحها ولا تقرى موضوعي لانه فيه تجريح لمشاعرها الرقيقه فلذلك اصرفلك لاتقرينه << انا علمتكم

اولا تعريف المكياج عند السعوديات والخليجيات : هو تلييص الوجه بالكامل مع رسم نقوش والوان بهدف اخفاء معالم الملامح واظهار الوجه لوحه تمثل فراشات وزهور وبحال << ماتنلام شهبه لهبه :ma:

انواع المكياج الي طالعه :

مكياج التايقر
مكياج الفراشه
مكياج الوان الطيف
مكياج المميزه
مكياج الفرعوني
............ الخ
:36_1_2:

طبيعي لما يفتح حوار ما يكون فيه اختلاف بالراي ونقاشات
لكن ايضا ربي عطانا عقل نفكر فيه ونميز

الشي الي انا بفهمه كيف الوحده تشوف نفسها بالمرايه ومايجيلها مغص من الكتل اللونيه الي غرقت الوجه يعني لو بتلمسين بشرتها بإصباعك غرس اصبعك لين نصه من التكدسات الي مجمعتها بنت الحلال:m7shsh (5):
يبيني وبينكم احس الي تسويه من الوان فنيه بوجهها ماتبي تظهر جمالها لا احس كنها بتروح مسابقة ترويع الناس وايهم تروع اكثر

ترى ورب البيت مو حلووو والله انه يشوه ويخفي ملامح الجمال وتطلعين كنك مهرج بسرك وياما لوعتي كبود الكثير
ومني راحمه غير هالفئه من النساء لان على بالها انها جميله وبتخطب

مافكرتو اسباب العنوسه من وين ظهرت ؟؟؟ :ma:

المكياج لو بحكي ماراح اخلص منه علشان كذا بختصر كثير وبأستعين بصور ابيكم تشوفون الشكل كيف انه بشع حتى يفقن هواة هذا النوع من المكياج

نبدأ بسم الله :

تحذير : يمنع منعا باتا دخول الحوامل , وامراض القلب , وكبار السن , والاطفال لانه فيه مناظر بشعه لاتحتمل ونحن غير مسؤلين بالاضرار الفادحه التي تسببها هذه الصور


س: هل انتي راضيه عن نفسك وانتي طالعه من المشغل وجهك كذا ؟؟؟ """





الله على سحر العيون ... افا عليكم بس قمه في الجمال والابداع

تصدقون جاتني حكه ودي اعرض هالصور بمتحف الرسم بإيطاليا



العيون لها لغه تتكلم بها لا يفهمها الا من ابتلي بالنظر بها :evil_4[1]:



لا لا لا انا هنا وخلاص تعبت مقدر ياجماعه من جدها ذي :_Img0805:

لعينيك ما يلقى الفـؤاد ومـا لقـي وللحب مالك يبق مِني وما بقـي
وما كُنت ممن يدخُل العشق قلبهُ ولكنِ من يُبصر جفونك يعشـقِ

للمتنبي





العيون مشكله يعاني منها المجتمع العربي عامة !

يحسون ان اللي عيونها صغار مفروض تروح لاقرب شباك وتموت !

لدرجة انه فيه وحده تقول اني اذا جيت اخطب لعيالي اشوف عيون البنت !

هي كبار ومكحله خطبتها !

بغض النظر عن جسمها شكلها وجهها ّ ؟؟

<< الاخلاق طبعا في خبر كان لان التركيز عن جمال العيون مو الروح :rolleyes:

طبعا أحنا عارفين أن كل شي في هالدنيا له حدود ..

صح كل شخص حر بتصرفاته وذوقه ..

لكن تتوقف حريته عند حدود معينه يرفض تجاوزها العقل !

يآآ أختي الكريمه انا ما أقصد التجريح او ما شابه

لا والعياذ بالله

بس انا انصحك درءاً للمفاسد !

الحين لما نشوف واحد يمشي بالشارع نقول حر يمشي يسوي اللي يبي ..

لكن لو يقعد يتفصخ بالشارع لا !!

هنا تتوقف حريته !!

فيه قانون ونظام هي الدوله سايبه !!

والمكياج بعد لازم يكون فيه له حدود وانظمه ..

حريتك في تمطيط الكحل تنتهى بإنتهاء عينك ..

موب تمدينه الين يوصل أذنك الوسطى

والله يا بنات ان العيون تحكي وتسحر بدون هالخنبقه ..

حطي كحل وماسكرا واللي تبين بس بحدود المعقول !!

شوفو جمال العين من دون هالخرابيط الي نلطها بالوجيه شوفي بنفسك وفرقي بين الصور اعلاه وادناه




بتجي وحده تفلسف وتقول هذا موب مكياج مهي حاطه شي بوجهها.. لا ياقلبي هذي عامله بوجهها فل ميك اب كاااااااامل لكن مهي خبلتن مثلتس علشان تقبل بتشويه وجهها واخفاء معالمها الانثويه

وللمعلوميه هالمزيونه الي فوق ملكة جمال المذيعات في فرنسا .. وفرنسا بيت المكياج والازياء
(( اهل مكه ادرى بشعابها ))

نجي للثانيه



تلاحظون الفرق عيونهن تحكي لكن الي فوق مطموسة المعالم يالله لاتبلانا واحبابنا
صحيح مو حلوه ولا هي هذاك الزود بس شكلها مرتب وحلو ماتزعج الناظرين

نجي لاخر مقتطف بالموضوع وهو الفونديشن

اختي الكريمه الله يرحم والدينك حاولي تفهميني

الحين وش سر ان البياض هو كامل الجمال ؟؟؟؟؟؟

ماقد شفتي سمرا وجذابه

عندك اكبر دليل سمراوات اعتلن درجات هوليود ومشن ببساطه الاحمر

منهن : جنيفر لوبيز , هالي بيري , بيونسيه

بصراحه ومن دون مجاملات اجمل عندي من البيض .. يا ان عليهن ملح يكت ضرهن لون بشرتهن ماضرهن

بالعكس صارن مطلوبات بأفضل افلام هوليود

يختي ربي خلقك سمرا وشوله تغيرين لون البشره للرمادي والبنفسجي

بالله انتم مستوعبين هالشي .. لون رمادي وبنفسجي .. لون شخص طالع من قبر

اتمنى من الاخوات الكرام ان يتفهمو موضوعي زين وماتاخذهم العزه بالاثم .. ويفهمون اني نزلت هالموضوع لمصلحتهن .. راع مبكياتك ولاتراعي مضحكاتك

واتمنى اشوف الراي في هالموضوع واتمنى التغير من هالعاده السيئه

وشكرا