هلا والله .. حيااااااكم

ياعسليييييين
سؤال يراودني منذ الصغر<<بس يامنذو هع



اكيد كل واحد فيكم فكر في هالقضيه المهمه !!

سؤال شغل تفكيرنا من واحنا جهال ..

وحير عقول العلماء ..

والله ايعينكم بيتم وراكم وراكم ليييييييييين اتموتوووون

لازم نلقى حل مستعجل ..

حشااااا !! اشهالساااالفه !!

سؤال يتبادر إلى ذهن الجميع دائماً ،،،

سؤال طالما غرز عنده الآمال والأماني وتهاني وحصة وفوزية

سؤال يمكن دعسته تحت السرير او رزيته على الطوفه او حطيته في الثلاجه ولكن ولابد ان ترجع له

السؤال هو :



متى تحـــــج البقرة على قرونها ..... ؟؟؟؟




**حصيصه وعليييه عليها حااارقه الشعر ومتعدله : عليان بعد عمري ،، وش رايك نروح نتعشى في المطعم سوى ..؟؟

عليان يجاوبها وفي يده العقال : (( إذا حجت البقرة .!))


..............

** صويلح ذاك الطفل تووه لاعب كورة مع عيال الفريج :
يمه اشتري لي لعبة مثل علوي

ترد عليه امه وفي يدها ملاس الجريش : (( إذا حجت البقرة ..!! ))


..............


** نوير بحنجرتها المبحوحة متكيه على ركبتها وامجندسه براسها والشعر يطزز عيونها : يبه باروح بيت صديقتي هيلة ؟؟؟

الأب : (( إذا حجت البقرة على قرونها ..؟؟))


^
^

شوفتوا كيف يكسرون الخاطر وانتوا بعد لما يقول لكم حد لما تحج البقره على قرونها

كل هذا والسبب ان البقرة لم تحج بعد على قرونها .. ؟؟


ومافيه الا واحد يقوم بتحجيج هالبقره .. لااااا وعلى قرونها

واللي راح ينوي هالسنة الله لايعوقه بشر ايحججها

ويصورها **نعم** على شريط فيديو وياعطيه كل واحد تقف هذه الجملة عائقا امام آماله

وعلشان يرتدع كل من تسول له نفسه ان يرفض على طلبك

ويقول ( لما تحج البقرة ) وبكذا انت بدورك راح تطلع الشريط

وتقول ( هــــــااااااااه هذهي البقرة و حجت مالك عذر خخخخخ ))

وبالتــــــــالي ،،

حصيصة تروح مع عليان للمطعم ويتعشون سوى

وصويلح يشتري اللعبة مثل علوي

ونوير تذلف بيت صديقتها هيله



والزبده ... نبي واحد شاطر يسويها هالسنه
يروح يدور على بقره بس لها قرون هااه

يلا اختاروا لنا واحد قدها

والحمدلله تكون عقده وحليناها واجرنا على الله




ياااا هوووووووووووووه

هل من متبرع