السلام عليكم ورحمة الله وبركاته




شخباركم وش مسوين ؟؟

:m7shsh (10): يا قلبي عليكم عندكم امتحانات ورجعتووني لأيام المعاناة ومأساة ميمي بانصاف الليول والاختبارات :acgtj68:
<<< ((ميمي اللي هي أنا واللي ما يعرف تراي أدلع نفسي عادي ))




الموضوع 3 سالوفات و ف نهايته اسئلة آختبر فيها قدرتكم على التركيز :fda64:.. يا ويل اللي يدخل ولا يجاوب عليها

آقول لكم عن ايش وللا ايش << بالله كووولي عيش يا عجوز .. :wheelchair:




آبعدل الميك آب والشيلة ((يسمونها آهل الشرقية فديتهم والبحرينيين فديتهم بعد بوشيه)) >> سكوتي الله بالخير :286:




الشسمه السالوفة الأولى(1) خرشة في منتصف الظهر

الأسبوع اللي فات بعد ما خلصت صلاة الجمعه تفاجأنا بأن ابوي جا بس ما جاب معه جح ((بطيخ حبحب WATERMELON يعني اخلصو علينا لا تقولون مافهمتو وما تبون تشغلون انفسكم بشي غير المذاكر ما عندكم ماعند جدتي ترووون )) << :Sniperr: مش أنا اللي كتبت يدي اليسار كتبت ذا كش عليها

لاااع .. دخل ودخل معه ديناصور قليل آدب جريء جدا ولونه أبد أبد موب طبيعي ((خقيت عليه لأنو كشخة يوم صورته بجوالي ))

خفنا منه والوالد زهم على نوسة ((آختي الصعنونة )) وصار يقول لها وش ذا اللي سويتيه ؟؟ ليه كذا ؟؟ تعالي شوفي الخبصة الي خبصتيها في المزرعه <<< يا حبي له مسوي فيها مقلب :00017:

نوسة مرت علي بالصالة قالت لي الله يستر والله ما سويت شي :018:

اللا واسمع واااي يووما وش جابه ذا :acgtj68:

قلت هاااو !! وشو اللي وش جابه ذا ؟؟ نوووسة يا بقرة وش هببتي <<< صدقت المقلب آنا :gg:

نطيت للحوش اللا واشووووف شي يا ماما يخوف مرة (( آخوي قال ان فيه اكبر منه بس ما صدقته هذا huge)) :m7shsh (9):

المهم دق ابوي على جارنا اللي يحب كبسة الديناصورات ودار بينهم الحوار كالآتي >> ركزوا من بعد كالآتي ترون في نهاية الموضوع فيه اختبار على هالفقرة واللي بعدها

إقتباس:

آبوي : سلام يابوصالح جارنا : هلا يا بو هادي آبوي : اللا آقول منت مضيّع شي منا وللا منا ؟؟ تيس ؟ عنز ؟؟ جارنا: هاه ؟ التيس طبخناه البارح والعنز مربوطة في المزرعة يا هوو آبوي : آقول عندي لك هدية تصلح عليها ذاك الغدى اللي يحبه قلبك جآرنا : وش هي غزال ؟ هع هع هع هعع <<< طلعت الضحكة برا الجوال صمخت لي آذوني آبوي وبصوت عالي : لا هرفي يحبه قلبك <<< ايه هيّن يا ليتو كذا كان استحملت ريحة اللحم .. لكن انوو ضب يخوف مرررة طووط .. طووط .. طووط

:m7shsh (8)::m7shsh (8): نهاية الشسمه الأولى :m7shsh (8)::m7shsh (8):

ما يستفاد من الحديث :
الديناصورات الي اكبرمنها انقرضت ولكن حسب طائفة المفصليات ينتمي التمساح الى الديناصورات وهو نسخة مصغرة منها .. حيثوو ان كل جيل وحسب التناسل من الأقارب يطلع جيل مرضان أصغر في الحجم من الجيل اللي قبله .. عشان كذا تلقون مثلا ان طوول محشش فللة اكبر من طوول ابوه يوم كان عمره 18 لكن آبوه آعقل منه بعشر مرات

نتيجة لهذا الانقراض لا تسووون منهم كبسة ومرق تراهم مسوين لنا تحقيق يا السعوديين بأننا هددنا الحياة البرية وحنا كل شي ناكله :x8:

قولو لهم كل واحد يصلح سيارته واللا أنتم اللي تاكلون بيض السلاحف والكافيار والاسقربوط والاخطبوط .. عدمتو البحر وألوان الحيوانات اللي الوانها تهبل







الشسمه السالوفة الثانية(2) ميمي انلحس مخها من كثر المعلومات
((ذكريات أليمة أول - ثاني - ثالث ثانوي:m7shsh (8):))

أول ثانوي : يا حليلكم احمدووو ربكم ان عندكم كتب ملونة ومتحدد فيها كل شي .. يوم كنت افتح كتب اخواني الاولاد كنت اقول يا حظكم ما يحتاج تمسكون الفلومستر وتخططون مثلنا وتسوون أسئلة ومراجعات .. كل شي في الكتاب حلو

فوووق كل ذا الواحد ما يذاكر راللا الصبح ويقول انا شاطر شاطر / ناجح ناجح



ليييه طيب ليييه كتبنا في ذلك العهد من الزمان تجيب المرض
وكأنها ناقصة اتذكر يوم دخلت ابلة الجغرافيا بدال ما تعطينا حصة الجغرافيا .. عطتنا حصة كلها سب وقلة آدب
حسافة كنت محضرة للدرس وبعدين خربتها قلت لها سديتي نفسي اللي يسد نفسك يا أم كرش
يعني تخيلو .. ان كل حصة لازم فيها سب لنا بس انا صاابرة لين قالت .. أساسا رسم العيون على الطاولة تخلف وشذوذ !! ((وجع طيب ؟ ما كنت متفرغة للرسم لأني لاهية بالدروس و المراجعه وطول عمري محترمتها ولاغلطت عليها بس هي كذا المصايب يسوونها الدشير ونطيح فيها حنا اللي آكبر اجرام نسويه الطقطقة في الحصة السابعة ))
الزبدة قالت لي غلطة الشاطر بعشرة وعقاب الفصل كللله ما فيه حصص مراجعة والكتاب من الجلدة للجلدة والاختبار ما رح يخطر لكم على بال وكل فقرة بست درجات .. وياويل اللي تحط لي اجابة من الكتاب كل وحجة وتعبيرها

يوم جا الامتحان النهائي قمت اصيح آقول يا ويلي طاارت 12 درجة وقسم بالله ما حليت السؤال الاول ما توقعت انها بتحط على اقتصاد البلاد والبترول سؤال زي كذا ..:tears:

** * * *
ثاني ثانوي : مسابقة الكيمياء بين فصلش ثاني (2) علمي ((مافيه واسطات وبنات أبلات ودكاترة )) وفصل ثاني علمي (3) ((ياكثرهم اللي امها دكتورة اسنان بالمستوصف كل الابلات يعرفونها سلمي لنا على الماما وسلمي لنا على الماما ,, واللي امها في مركز الخدمات التعليمية وموجهة تجي تقيم حصصهم ))

الزبدة حنا قلنا والله لا نوريهم شغلهم .. عاد ذاك اليوم مت من البكا لأني ما عرفت جواب سؤال ونسيته وقلت وااافضيحتاه من بنات الفصل معتمدين علي ولا خسرو بسبة ذيك النقطة برووح فيها))
الزبدة فزنا بس انا الوحيدة اللي قعدت أصيح وابكي طووول الحصص اللي بعدها وآبكي وآقول لهم عطوووني قطعة جاتوو ثانية وكوب بيبسي :whistling:

** * * *

ثالث ثانوي : على قدر أهل الكرام تأتي المكارم وتعظم في عين الصغير صغارها وتصغر في عين العظيم العظائمووووو

قولو ئمووووو <<< تكرار للوزن والقافية حق عظائمووو ثم قولو لي صح لسانك


أووول شي تحية كبيييرة لمعلمة اللغة العربية والكاتبة الصحفية منى الشهراني لأنها قالت لي مرة من المرات : ميمي انتي سجلك الاجرامي صفررر ومؤدبة وكلل ابو شي بس ليه مخك يقفل ساعات حتى عن التغشيش ؟؟ """

قلت لها معليش آنا لي آذان ذربة وعنووون تقرا وش تقولين بس مخي بوووه ضمير صاحي حلف لا يوصل الاجابة شسوي ؟؟ """

فديتها موب عشان ذا السبب اللا لأنها وقفت مع زميلتي سارة بعد ما لعنت آبوها وسطرتها بالمسطرة الخشب أبلة ما تخاف الله

المهم .. وش آقووول وش آحكي عن ثالث ثنوي .. بعد حفل التخرج صكتني صخونة ميب صاحية ما قدرت أذاكر كتاب الرياضيات ((لا تنسون ان ايام زمان الاسئلة كانت من الوزارة واكاديميين ما يعرفون ان المدرسات اللي بالمدارس نصهم مثل كراتين الخضار اللي ببسطة أبو وليد ((من فوق هالله هالله ومن تحت نبتلش فيه حنا يا البنوتات لاجينا نطبخ لزانيا وللا يونانية)) <_<
ما راحت الحرارة لا الثلاثاء ولا الاربعاء ولا الخميس اللي بعده جمعه ثم اليوم الأليم :tears:((الرياضيات حاسبو انفسكم قبل ان تحاسبو)) وجدتكم ميمي اللي هي أنا لولا لطف الله فيها ما جابت 90 من 100 في الامتحان
قبل الامتحان قالوا لي الشلة : خل نراجع مع بعض ,, قلت لهم مع اني ما احب هالحركة أحس انها تلخبط سلسلة أفكارري لكن يالله ((بلاه دابغتني السخونة واستحيت آقول لهم في ذا الوقت الصعب)) :M121:
وشوي اللا قامو يضحكون وانا اكمل اسرد المعلومات وهم كاتمين الضحكة يعرفون اني وقت الجد أوريهم شغلهم لا قلبو الدعوة مزووح .. قلت لهم وش فيه ؟ حساب قاعدة شكل مخروطي الشكل ما يضحك ؟؟
قالو لي صح بس .. قلت لهم قولو عليكم الامان ما نيب معلقتكم بالمروحة :MA: قالو لي شعرك كله لازق بالجدار اللي وراك تفففف تففف من كثر المعلومات .. قمت آقول لهم معليش كل وحدة شعرها كدش ما يحركه الريح وانا شعري مسوي دعاية صنصيلك <<< يا ملحي انا استظرف والمراقبة توزع الدفاتر وكلن قاااضب ارضه اللا انا وشلة الدوافير
الزبدة .. يجي السؤال الأول اللا هو مثل وجه آبو علي .. عصرت مخي وطلعت المقسوم ونثرته على الدفتر ((2 وجه وقفا الاجابة))
واجي للسؤال الثاني .. قلت ياااحبني للاختيارات وقت الحوووسة أسوي لها حقرة بقرة قل لي عمي عد العشرة .. وتركته على جنب ونطيت للثالث .. يااا انه شي يجيب المغص جيبتن ميب صاحية
سؤال من فقرتين الاولى اثبات نظرية وب- مساحة شكل مدري وش هو لان ما مداني اختم الكتاب وخليت الاجزاء الاخيرة غصبن عني تهئ تهؤ
واخليه وأقول خل اوسع صدري وارجع لسؤال الخيارات لأنه أسهل أغلب الحلول عرفتها .. واحله واجي للثالث واحل وزهقت من الامتحان والـساعات المخصصة باقى منها نص ساعه وانا شطبت الاول والثاني مراجعة وحل وباقي ما راجعت الثالث ابو الاثبات والرابع خلص الدفتر ولا لقيت له مكان قلت يالله ما يلزمناااش قطيه بحر <<< سبحانك ربي
وآطلع منها..

واللا يوم الاحياء راسمين رسمة مرض ما اذكر وشو وقايلين اكتبي اسم العالم الذي وضع تجربة البنسلين مدري البيبتين .. حاولت اتذكر منهو ((أذكر انه انجليزي بس الاسم مافيه)) واكتب كل اسماء العلماء اللي في الاحياء لعنبو ابليس ذكرتهم كلهم اللا فليمنغ >> هذات اسم الداهية السوداء المتنيل في 60 نيلة
وللا الفيزياء اللي قالو لها الدوافير فيه اثبات ما شرحتيه لنا يا ابلة """ قالت ما عمرها جابت الوزارة هالاثبات فمراح يجيبونه ((اوووخص حركات تدري وش يفكرون فيه الذيبانه ))
والله انه أوووول سؤال جا في امتحان الفيزياء وكان عليه 5 درجات

واللا يووم اختبار الكيمياء عاد هذا كان قبله الاجازة ((اختبار الانجليزي حاطته بجيبي وبقوة لأن الكتاب صغير وهريته ترجمة وحفظ طووول السنه اللي فاتت))
قمت أذاكر للكيمياء بعد ما رجعنا ((الساعة 10 الصباح)) الين الساعه 2 الليل كل ما بغيت احط راسي اللا ويجافيني النوم وداومت
واللا الفقه وماا آدراك ما الفقه .. ختامها مسك المفروض ختامها مسك لكن مع الاسف خذلني مخيخي الصغير وتذكر منهج الترم الاول آآووووب الثاني ولانص قرآني ولا دليل من الترم الثاني ذكرته مع ان الاسئلة ما احتوت اللا على دليل آية وحدة صغيرونه وحديثين
خليت مكانهم فاضي لأني أقدر أحرف بالفتاوى وانسبها لمشايخ غلط وأقول لهم (تم نقل الفتوى بتصرف لأني نسيت هي لابن باز او الجبرين خخخخ)) لكن القرآن صعبة

والحمد لله طلعت منها

:m7shsh (8)::m7shsh (8): نهاية الشسمه الثانية :m7shsh (8)::m7shsh (8):



ما يستفاد من الحديث :

أول شي قولو ماشاء الله ((ترون على لحسة المخ اللي صارت لي من ورا الصخونة وقلة النوم ما بكيت :ma: )) نسبتي 98 % قبل النسبة الموزونة و96% من بعدها الحمد لله .

أنا ما فرحت بها ذاك الوقت لأني ما قدرت آقدم على الجامعة قسم طب لأن الجبيل ما فيها قسم طب وانا آحب ماما وماما تحبني :ma:

اللي ما يذاكر من اووول السنه ويكون سجله نظيف مع المدرسين ورايته بيضاء محدن يدعي عليه لا يتوقع اللا انه بيجيب العيد قبل يوووم العيد :)



الشسمه السالوفة الثالثة(3) خرشة آخر الليل


كنت أسوي بحث بنفس الوقت كان عندنا اختبار في مادة اسمها الاجتماعيات وحنا توونا مخلصين اختبار المعالج (( اسم المادة System Processor )) وهذي المادة سلمكم الله تتكلم عن ذرات المعالج حق الكمبيوتر طلعت عيوننا أنا والبنات وحنا نحاول نتخيل شكله
للأسف مادة تخصص هي وخوارزميات الكمبيوتر وكنا بالمعمل نفحط في برامج الاوفيس بحجة انه بنات كلية التربية "بين قوسين" وش بنستفيد من هالمواد فماله داعي يخسرون ويجيبون لنا في المعمل كمبيوتر مستعمل من الحراج عشان نشوف شكله .. السيمستر كلل ابوه صور من كتاب لايباع في الدول العربيه اللا الكويت وف مكتبة عجزنا نلقاها
مالكم بالطويلة .. تذكرت هالموقف البارح لأن البحث اخذ مني 7 ساعات ع بال ما اضبطه واجمع له صور واحضر للتطبيق العملي قدام بنات الثانوية واجهز صور من عمنا قوقل واضبطه واطبعه .. ويوم اني ذكرته طلع لي صرصور الليل ((الجدجد)) عجزت آلاقي له صوورة بقوقل :17: والنذل مسكت المخدة حق الكنب عشان آقوول يا ماما بصوت واطي هو ظن ابن الكلب اني بحذفه بها ونقز :tears: وانا حذفت جوالي من الخرعة اللا ويناقز أكثر واكثر :tears: :tears: :tears:
وبدل لا اصرخ في ذاك الليل انبح الصوت وكتمت العبرة وكتبت في قسم الالعاب ياماامي الحقيني ؛؛ أدري ان الوالدة لا صرخت بتقوم مفجوعه ولادرت ان السالفة صرصور ينط بيكفخني الوالد لأني سويت قلق ع الفاضي
قعدت ساعتين منقوووعه في الصالة لحد ما جتني وسيلة انقاذ

ما يستفاد من السالوفة:
لاحد يسهر في مكان مقطوع وموب ماخذ احتياطاته .. الشباب اللي في البر رحمة الله عليهم ماتو عطش لأن السيارة غرزت في بر مقطوووع مرة ولا خذو معهم اجهزة ملاحة الله يرحمهم برحمته
صكروا البيبان زين ترووون ما آدري من وين جا هاك الصرصوور واستقعد لي تحت الكنب يومين ((مبيت لي النية ابن اللذين))
المكيفات خربت من هالحر وانا بشرتي ما تستحمل الحر يا عيال الشرقيه بطلو مغازل الله بيخسف فينا بسبة ذنوبنا ! <<< بررررا
اول مرة آدري ان موسوعة ويكبيديا فيها تسجيل حساب جديد وكذا مثلها مثل المنتديات والمدونات وكل شي """ <<< سبحانك ربي






والحين نبدأ بالاختبار ((شوف عاد انت مركز وللا لأ مدري عنك .. اذا ما عرفت الاجوبة معناتها ان مخك فاصل بس ابداعك متواصل ولازم تركز في دراستك وتترك موضوعي لا تقراااه )) <<< بس اللي فاضي يا ويله لو ما قرا الموضوع الحقه لبروفايله واوريه شغله

إقتباس:

الاسئلة : 1/ كم كلمة انجليزية تم ذكرها في الموضوع ؟ ما معنى كل كلمة ؟ ((لاحد يغششش ويطلع up)) >> محسوبة هالكلمة هع ! 2/ اختر الاجابة الصحيحة : لون الضب اللي لقيناه في الحديقة ( أبيض - فضي - بنفسجي وبطنه أصفر ؟؟) 3/ قطعة املائية ركز يا ابن الناس '''الجدجد''' ( أو صرار اللّيل ) نوع من [[الحشرات]] ينتسب إلى [[الجندب]]، حيث تسمح له رجلاه الخلفيتان السوداوان أن يقفز مسافات تبلغ أضعاف حجمه. ينشط الجدجد ليلا و يحفر نفقا في التراب أحيانا ليرتاح فيه خلال النهار. يقتات معظم أنواع الجدجد بالورق، لكن بعض جداجد [[الأدغال]] تقتات بالحشرات. الجدجد يغني كالجنادب، و ذلك بحف أسنانه الشبيهة بالمشط على أحد جناحيه في موضع كثيف. يقوم الجزء الأمامي من جسده بوظيفة مجهار [[مكبر صوت]]. تغني بعض الجداجد الإستوائية بصوت عال، لدرجة أنك تستطيع أن تسمعها على بعد [[كيلومتر]] ونصف ( ميل واحد ). و تقع أذنا الجدجد على مفصل رجليه الأماميتين. == المراجع == موسوعة أكسفورد العربية - المجلد الرابع - ص 120 (بتصرف) {{بذرة عام|Nuvola apps bug left.png|[[حشرة|الحشرات]]|بذرة حشرة}} ...... أ- أرسم شكل صرصور الليل ب- أعرب ما تحته خط جـ- وش هو صوت الزرافة

ولكل واحد حل الاسئلة صح له كيسة مالتيزر :m7shsh (8):
الباقين يصفون على جنب لووول



لا تدعون علي باقي ما صرت آبلة :ma:
لا صرت أبلة هذا بيكون أسلوبي مع اللي يقهرن :evil_lol:

تعبت وآنا آشخبط في الموضوع ما زهقتو منه ؟؟ :grins:

سلملم