السسلآم عليكم و الرحمه !

شخبآركم عسآكم بخير ؟

بدخل علطول !
صورة القسم ياناس ، جداً سيئه لأبعد حد !
* سيئه لـ مدير المنتدى واللي فتح هالقسم وفتح هالمنتدى من أجل المواضيع الهادفه والبناءه [ البياع ]
* وسيئه لـ نائب المدير [ Nks ]
* وسيئه للإداريين بأكملهم [ مراقبين - كبار شخصيات ]


يا جماعة الخير إلى متى والقسم كذا ؟
إلى متى هالسخافات :
1- فضايح نادي فلان ونادي علان
2- الهلال احسن من النصر ، النصر احسن من الهلال ، الاتحاد اقوى واحد !
3- الفرق بين الهلال و النصر
4- ها هاها فريقنا سجل عليك هدف وفاز عليك !!!
واسلوب جاااف جداً داخل الموضوع ، ولاصارت مشكله يقول لااا لاا هو اللي بدا يسب !
5- هذا اطلق كبري للاعب الفلاني
ويجيك الثاني ماشي ألف لا والله هذا احسن ويحط له رابط الفيديو من اليوتيوب مع كم سبه غير مباشره
يحسبنا سبآيك ماندري !


غير كذا في ناس يجوني من رواد الرياضه ، والله ياعشوق حنا نكتب وانت ماتكرمنا ولا شي !
على وشو بالله ؟
على ردود ومواضيع تافهة سامجة ماتحمل فيها اي فائده لو واحد بالميه !
عشان لو صار شي احاول ارقع !



لحد يجيب طاري المشرفين ، مشرفين القسم عجزوا عنكم !
بدال يارواد القسم ماتساعدونهم ان يكون القسم ارقى قسم ، تنزلونه للهاويه
ويمكن من خلال مساعدتكم تترشحون لإشراف او تميز او غيره من قبلهم ..

لكن ماينلامون ستين الف واحد ينزل مواضيع بايخه ، وش تبون يسون ؟

البلآ منك انت يآللي تنزل مواضيع وردود هابطه ، تحاول تدافع عن ناديك
يآخي لو بيدينك ورجولك تدافع والله ماطقوا لك خبر ، ولا هموك ..

وناديك اللي تشجعه لو تكلم عليه ثنين ثلاثه عشره ، خلاص صار فاشل
ولازم بالحاله هذي تفرد عضلاتك وتنزل مواضيع وزحمه !؟

العقليه ياجماعة الخير لازم تكبر ، لازم تكبر ، لازم تكبر
رجاءً يا اعضاء محشش اللي عرفناهم بتألقهم و سحر ابداع كتاباتهم ، لاتنجرفون وراء هالخرابيط اللي لاتودي ولاتجيب


واللي تخليك تبعد انظار الإداره عنك وتخليك صفر على الشمآل بدال ماكنت اساس المرشحين لمنصب ماا

::
والله العظيم اللي يقهرك
ثنين بنفس المنتدى وكل واحد يرد على الثاني بالمواضيع ومافيهم شي زي السمن على العسل
واختلفوا بموضوع بالريآضي عشآن نآدي ، ولا احد منهم يكلم الثآني ولآ شي !
تشوفون ؟ ، تفرقوا عشآن نادي !
" مو بمنتدانا "

اعيد واكرر ، العقليه يارواد قسم الرياضه ، لازم تكبر .. لازم نرتقي


اتمنى من هذي اللحظه نتعهد جميعاً ونكون يد واحده
اننا راح نغير القسم ونمحي المواضيع الغير هادفه
ابي اشوف مبدعين بالريآضي ، ابي يكونون اوائل الاعضاء المترقين للون الاسود من الريآضي ..
ابي اشوف وجيه جديده ، اخر اعضاء عطيتهم التميز من رواد الريآضي المبدعين او بالأصح مبدعات وكانت من فتره طويله :
1- صبيخه
2- سحليه مملوحه
3- مضيعة جدتها بستاربكس

نبي ندخل القسم ونشوف مواضيع حلوه هادفه بعيداً عن المواضيع اللي تولد مشاكل
ابي البياع ونكس يدخلون القسم بعد التغييرات واتمنى مايدخلونه حالياً
ابي ادخل القسم وانبسط ونجلس نختار انا ومشرفين القسم ، الاعضاء المميزين وندلعهم ..
وحتى اللي خذوا اللون الاسود ماراح نتركهم ابداً ،،،


انتهى ،،،
وانتظركم فرداً فرداً