..لاشيء يثير السخريه والمهزله مثل الشماغ ..فهواكبر دليل على المساواة في العته ..والتنميط والقولبه .. والمشي على الصراط .. او قضب الجاده .. واتباع الجماعه .. وقتل الفرديه ..ودفن التميز .. وطمر الراي الاخر .. الكل بشماغ احمر .. الفوطه الانجليزيه .. صارت رمزا وطنيا .. يا للمهزله .. ليه مانخليها عمامه .. اقتداء بقائدنا وحبيبنا محمد صلى الله عليه وسلم واقتداء بابطال العروبه ابوبكر وعمر وعلي ومعاويه وخالد وسعد وعمرو .. (رضي الله عنهم)
اذا حدث وخليت هالرمز الغبي وفوقه كفر السيكل مدة طويله فوق راسك .. بماذا تشعر .. ؟ ستشعر بفروة راسك تؤلمك..وخلايا مخك تقول .. أمين .. .. والمصيبه انه صار غالي وماركات اجنبيه ! .. واهم ما فيه بل " اناقته " هي في خيوطه العنكبوتيه ..! تلك الخيوط التي تنتظر اي شيءيقترب منها قلم نظاره غصن .. الخ الخ ليسحبه ويمزقه ثم ترميه لانه خرب ..وروح اشتري غيره ..!
المشكله الاكبر انه محمي فلا تراجع اي جهة الا وهو فوق راسك ..! ولن يحترمك احد ..ولن يخاف منك الهندي والبنغالي والباكستاني الا اذا كان فوق راسك ..!! وكله كوم ولبسه كوم.. ليس عمامه تلفها مره وحده وترتاح .. لكنه يبي له مساعد يمشي معك ينسفه لك .. ويلحقه اذا طار به الهواء.. يبي للواحد دوره علشان يتعامل مع هالغباء المسمى شماغ ..
لكنه يظل رمزا لمرحله .. ستسمى فيما بعد المرحلة الشماغيه .. مرحلة الصوت الواحد والراي الواحد والذوق الواحد ..!!