::

::


أولاماراح اتكلم عن مهزله نقل المباريات

اللي للحين هذي المباراه الثالثه على التوالي للإتحاد في دوري كأس الملك واللتي لا تنقل بداعي نقل مباريات ديربي الرياض

وكأن مباريات الإتحاد ماهي إلا تحصيل حاصل

وولا راح اتكلم عن اللي صدر من تصريح بسماح رعايه الشباب بتأجيل مباراة الإتحاد والحزم ليوم السبت بناء على طلبهم بعد تأجيل مباراه الهلال والشباب إلى يوم الجمعه بداعي حاجتهم للراحه استعدادا للقاء الاسيوي ( بصراحه ما دخلت براسي انهم يقدمون موعد مباراه يوم ويقلصون الفارق بين المباراتين مدري هو غباء والا غباء ) واخرتها اتفاجأ ان المباراه يوم الجمعه

وإنما راح اتكلم عن اللي صار في برنامج مساء الرياضيه اولا من مناقشات عن الاهازيج اللي تم ترديدها في المدرجات مرورا بياسر القحطاني والفتره اللي يمر فيها

اولا تكلم الاخ الهدلق وقال ان الاهازيج ( وخص اهازيج فريق النصر ) تؤثر على اللاعب وبالتالي على الفريق وانه تصرف عيب ومشين ( طبعا ما يحتاج نقول هالهدلق هو نائب رئيس تحرير جريده الجزيره )

فتمت مداخلته من بعض الضيوف للأسف ما اعرف اسمائهم فقالو ان قوانين لجنه الانضباط مالها داعي وانها ما راح تمنع هالاهازيج .. <-- وجهة نظر اتفق معها

وكان الرد المسكت صراحه رد سمو الامير الوليد بن بدر عضو شرف نادي النصر لما قال فيما معنى حديثه :

طالما انه اللاعب ارتكب فعل غير مقبول اجتماعيا لا تدخلونه الملعب وتخلونه يلعب

وبعدها تلومون الجمهور إنه تغنى بأهازيج مسيئه بحقه

وهذا الرد انا اشوفه كان مسكت حتى الهدلق احس وجهة انقلب وما عرف وش يقول

في محور ثاني تكلمو في الجزء الاخير عن البطاقه اللي اخذها ياسر القحطاني

وكان تحليل الدكتور السقا إنه بسبب الضغوط اللي يتعرض لها ياسر هي سبب هالاخطاء المتكررة لأنه صار يضغط على نفسه اكثر عشان يقدم الافضل فوقع في الخطأ

وبعدها قام واحد من الضيوف قال كلنا شفنا محمد نور بعد المشاكل والاشاعات والاتهامات اللي حصلت له من سنتين .. لم يتدهور كما تدهور ياسر ولم يتعثر هذا التعثر على الرغم من مرورهم بنفس الظروف.. وانما عاد احسن مما كان وقدم مستويات افضل مما سبق .. وهذا بسبب دعم ناديه واللي حوله له

يمكن اللي ما يركز يفهم ان هذا مدح

وانا ما اقول في البدايه ما حسيته مدح

لكن بعدين فكرت فيها

ليش يقولون بنفس الظروف وشتان بين ما مر به ياسر القحطاني وما مر به محمد نور

ياسر ما سوى شي غير انه فضح نفسه راح سهر له في استراحه وامسكوه

اما نور فأتهموه في وطنيته .. اتهموه في اخلاقياته كرجل مسلم قبل ما يكون لاعب كره وكل الصحف يومها اتهمته وانهالت عليه بأسوا المسميات حتى وصلت للشتم الصريح وما حد سوا شي بينما استحدثت قوانين بأكملها عشان يدافعون عن ياسر

وتهمه التزوير اكبر بمليون مرة من قفطة استراحات وكان ودي ان الاخ المطيويع او احد الموجودين يوضح الفرق لكن للأسف وش نتوقع من هالقناه

وبالعكس انا اشوف ان ياسر تدهور لأانه عارف انه اللي صار صحيح مو إشاعه

وعلى قوله المثل اللي على راسه بطحة يحسس عليها .. والا كلنا نعرف إن واثق الخطوة يمشي ملك

ونور كان يمشي ملك

لأن واثق من زيف التهم وربنا رد كيدهم فنحرهم وإلا شلون 3 سنين رعايه الشباب تحقق في التهمه وللحين ما توصلو لنتيجه وغطو على السالفه عشان لاحد ينبشها ويطلع انهم ما وصلو لشي من اساسه وانه بريء ومن حقهم الإعتذار له

خلاصه الحديث

وجه المقارنه بين محمد نور وياسر القحطاني مجحف بحق ابو نوران ولا يحق لأاي احد ان يدخل اسم محمد نور إلى جانب ياسر القحطاني في اي مقارنه في اي مجال كان وتحت اي مسمى

لا مقارنه اخلاقيه .. ولا مقارنه فنيه ولا حتى مقارنه في الاداء ..

فلكل مقام مقال .. ومحمد نور مقامه دايم فوق


بلا ياسر بلا هم :17:

>> تحدوهـ:cv: