شاهدت برنامج (( دانات )) الشعري والذي تقدمه نجاح المساعيد وكان الضيف معمرّ القذافي وقد بدأت نجاح المساعيد الحلقه بقصيدة مدح للضيف كان مطلعها عنوان هذه المشاركه .
هذه رد متواضع بعد إقتباس البيت الاول من قصيدة نجاح المساعيد ..
( البقا لك يا زعيم الثـوره الليبيّـه )
يا المهيب المستهيب الوافي المستافـي
.
أبدعت بنت الحلال وصاغت القافيّـه
وأبتسم حضرة جناب معمّـر القذافـي
.
سلهمت والعين فيها خلطـة ٍ سريّـه
بين رمش مستفيق وبين رمش ٍ غافـي
.
يا ماشاء الله يا نجاح الساحه الشعبيّه
تمدحين وترزحين ولا عليك إخلافـي
.
والقصيده لو نقـول بيوتهـا قطيّـه
كثرّ الله خير قوم ٍ يبدعـون القافـي !
.
راسك المعصوب والدرّاعه العاريّـه
هكذا ما تقتضيه المصلحه يـا كافـي
.
تجمعين من الخليج العملـه النقديّـه
دوّري لك فالمحيط الأطلسي صرافـي
.
قدّمي ( دانات ) وأنتي فالبحر حوريّه
وكل دانه من يدينـك لونهـا شفافـي
.
كبّروك وصوّروك بمحـزم وجنبيّـه
وأستلمتي ورث أبونا والسنين عجافي
.
ما بقا الا تعتزيـن وتنطحيـن الهيّـه
كل بادي ليل رجلك تبدي المشرافـي
.
لو ما حققتي جميع أحلامك الورديّـه
الوكاد أنـك سنافيّـه وبنـت سنافـي
.
الله الله .. واحليل الشاشـه الفضيّـه
ما بقا في عرضها شي ٍ علينا خافـي
.
يا معمرّ من يضيفك .. ضافته جنيّـه
والله أنك لا تضيف ونقص ماتنضافـي
.
لعنبو شعر ٍ تعرفه يا زقيـم الحيّـه
الأديب اللي سواتـك منطقـه ينعافـي
.
من كبر راسك ما تلبس غتره وطاقيّه
تنفض الشوشه وحظّك طيّب ومتعافي
.
تحكم الشعب المعنّا بين شمس وفيّـه
وتحسب أنك فالمواقف تحكم الميقافـي
.
من ثلاث عقود حسب السيره الذاتيّه
بارد ٍ وجهك ورابض فالمراح الدافـي
.
يا الله أنّك لا تسجلّهـا عليّـه سيّـه
مير مدري كيف يحكم كاهن وعرّافي ؟
.
لا قضيتي من زعيم الثـوره الليبيّـه
أستضيفي يا نجاح .. محمد الصحّافي
وســـلــــمــــتــــوا ،
مـــنـــقــــوووووووووول
نجاح المساعيد ومعمر القذافي ، ، ،
العرض العادي
